Wednesday, November 21

സംവിധായകൻ എ ആർ മുരുഗദോസിനെ അറസ്റ്റ് ചെയ്യാൻ തമിഴ് നാട് പോലീസ്; സർക്കാർ വിവാദം കത്തി പടരുന്നു..!

Google+ Pinterest LinkedIn Tumblr +
Want create site? Find Free WordPress Themes and plugins.

ദളപതി വിജയ് നായകനായ സർക്കാർ എന്ന ബ്രഹ്മാണ്ഡ ചിത്രം രണ്ടു ദിവസം മുൻപാണ് റിലീസ് ചെയ്തത്. തുപ്പാക്കി, കത്തി എന്നീ ചിത്രങ്ങൾക്ക് ശേഷം പ്രശസ്ത സംവിധായകൻ എ ആർ മുരുഗദോസ് ചെയ്ത ഈ വിജയ് ചിത്രം വിജയുടെ കരിയറിലെ തന്നെ ഏറ്റവും വലിയ ചിത്രവും റിലീസുമായാണ് എത്തിയത്. സൺ പിക്ചർസിന്റെ ബാനറിൽ കലാനിധി മാരൻ നിർമ്മിച്ച ഈ ചിത്രം രചിച്ചിരിക്കുന്നത് എ ആർ മുരുഗദോസ് തന്നെയാണ്. സമ്മിശ്ര പ്രതികരണമാണ് ഈ പൊളിറ്റിക്കൽ ത്രില്ലെർ ചിത്രം നേടിയത് എങ്കിലും രണ്ടു ദിവസം കൊണ്ട് നൂറു കോടി ക്ലബ്ബിൽ സർക്കാർ ഇടം നേടി. എന്നാൽ അതിനൊപ്പം തന്നെ വലിയ രാഷ്ട്രീയ വിവാദങ്ങളും ഈ ചിത്രത്തെ കുറിച്ച് ഉണ്ടായി. തമിഴ് നാട് ഗവണ്മെന്റിനെയും അവിടുത്തെ രാഷ്ട്രീയക്കാരെയും അപകീർത്തിപ്പെടുത്തുന്ന ചില രംഗങ്ങൾ ചിത്രത്തിൽ ഉണ്ടെന്നും, അവ മുറിച്ചു മാറ്റാതെ ഈ ചിത്രം പ്രദർശിപ്പിക്കാൻ സമ്മതിക്കില്ല എന്നും പറഞ്ഞു വലിയ പ്രതിഷേധം തമിഴ് നാട്ടിൽ അരങ്ങേറി.

അതിനെ എതിർത്തും അനുകൂലിച്ചും ഒട്ടേറെ പേര് രംഗത്ത് വന്നിരുന്നു. രാഷ്ട്രീയത്തിൽ നടക്കുന്ന കള്ളക്കളികൾ തുറന്നു കാണിച്ച ഈ ചിത്രത്തിനെതിരെ രാഷ്ട്രീയക്കാർ ഒന്നടങ്കം തിരിയുകയായിരുന്നു. ഇപ്പോഴിതാ ഈ വിവാദത്തിന്റെ പശ്ചാത്തലത്തിൽ സംവിധായകൻ എ ആർ മുരുഗദോസിനെ അറസ്റ്റ് ചെയ്യാൻ തീരുമാനിച്ചിരിക്കുകയാണ് തമിഴ് നാട് ഗവണ്മെന്റ്. അതിന്റെ ഭാഗമായി തമിഴ് നാട് പോലീസ് അദ്ദേഹത്തിന്റെ വീട്ടിൽ എത്തിയ വിവരം സൺ പിക്ചർസ്‌ തന്നെ തങ്ങളുടെ ഒഫീഷ്യൽ ട്വിറ്റെർ അക്കൗണ്ടിലൂടെ അറിയിച്ചു. ഈ വിവരം സോഷ്യൽ മീഡിയയിൽ ഇപ്പോൾ കാട്ടു തീ പോലെ പടരുകയാണ്. വരും ദിവസങ്ങളിൽ ഇനിയീ ഈ വിവാദം വലിയ രീതിയിൽ തന്നെ ചലനങ്ങൾ ഉണ്ടാക്കും എന്നാണ് ഇപ്പോഴത്തെ സാഹചര്യം സൂചിപ്പിക്കുന്നത്.

Did you find apk for android? You can find new Free Android Games and apps.
Share.

About Author

mm