മിന്നൽ മുരളിയുടെ പറക്കും ചലഞ്ച് ഏറ്റെടുത്തു സുരാജ് വെഞ്ഞാറമൂട്..!

Advertisement

യുവ താരം ടോവിനോ തോമസ് നായകനായ ബേസിൽ ജോസെഫ് ചിത്രം മിന്നൽ മുരളി മികച്ച പ്രേക്ഷക പ്രതികരണം നേടി മുന്നേറുകയാണ്. മലയാളത്തിലെ ആദ്യ സൂപ്പർ ഹീറോ ആയി ടോവിനോ തോമസ് എത്തിയ ഈ ചിത്രത്തിന് ഒരു രണ്ടാം ഭാഗം ഉണ്ടാകുമെന്നും അത് ചിലപ്പോൾ ത്രീഡിയിൽ ആയിരിക്കുമെന്നുമൊക്കെ വാർത്തകൾ വന്നിരുന്നു. അതിനിടയിൽ നടൻ ടോവിനോ തോമസ് ഇട്ട ഒരു ഇൻസ്റ്റാഗ്രാം പോസ്റ്റ് ഏറെ ശ്രദ്ധ നേടിയിരുന്നു. തന്റെ ഇൻസ്റ്റഗ്രാം അക്കൗണ്ടിൽ ടോവിനോ പോസ്റ്റ് ചെയ്ത ഒരു വീഡിയോ വൈറൽ ആയി മാറി. മിന്നൽ മുരളി തന്റെ അടുത്ത മിഷന് വേണ്ടി പുതിയ അടവുകൾ അഭ്യസിക്കുന്നു എന്ന് പറഞ്ഞു കൊണ്ടാണ് ടോവിനോ ആ വീഡിയോ പോസ്റ്റ് ചെയ്തത്. പുഷ് അപ് പൊസിഷനിൽ നിന്ന് പറന്നുയർന്നു ചാടുന്ന ടോവിനോയെ ആണ് ആ വീഡിയോയിൽ കാണാൻ സാധിക്കുക.

https://www.instagram.com/p/CYF-DNqvnnl/

Advertisement

ഇപ്പോഴിതാ ടോവിനോ തോമസ് പങ്കു വെച്ച, ആ പറക്കും ചലഞ്ച് ഏറ്റെടുത്തു കൊണ്ട് മുന്നോട്ടു വന്നിരിക്കുകയാണ് നടൻ സൂരജ് വെഞ്ഞാറമ്മൂട്. ടോവിനോ തോമസ് പങ്കു വെച്ച വീഡിയോയിലെ പോലെ, പുഷ് അപ് പൊസിഷനിൽ നിന്ന് പറന്നുയർന്നു ചാടുന്ന തന്റെ ചിത്രമാണ് സുരാജ് വെഞ്ഞാറമ്മൂട് ഇൻസ്റ്റാഗ്രാം അക്കൗണ്ട് വഴി പങ്കു വെച്ചിരിക്കുന്നത്. വെല്ലുവിളി സ്വീകരിച്ചു എന്ന് കുറിച്ച് കൊണ്ടാണ് സുരാജ് ആ ചിത്രം പോസ്റ്റ് ചെയ്തിരിക്കുന്നത്. ഇനിയും കൂടുതൽ താരങ്ങൾ ആ ചലഞ്ച് സ്വീകരിച്ചു കൊണ്ട് മുന്നോട്ടു വരുമെന്നാണ് ആരാധകരും സിനിമാ പ്രേമികളും പ്രതീക്ഷിക്കുന്നത്. ഒറ്റിറ്റി പ്ലാറ്റ്‌ഫോമായ നെറ്റ്ഫ്ലിക്സിൽ ആണ് മിന്നൽ മുരളി റിലീസ് ചെയ്തത്.

Advertisement

Copyright © 2017 onlookersmedia.

Press ESC to close