നടൻ റഹ്മാന്റെ മകളുടെ വിവാഹം; തെന്നിന്ത്യൻ താരങ്ങളുടെ സംഗമ വേദി; ചിത്രങ്ങൾ കാണാം..!

Advertisement

തെന്നിന്ത്യയിലെ പ്രധാന നടന്മാരിൽ ഒരാളാണ് മലയാളിയായ റഹ്മാൻ. എൺപതുകളിൽ മലയാളത്തിൽ നിറഞ്ഞു നിന്ന റഹ്മാൻ പിന്നീട് മറ്റു തെന്നിന്ത്യൻ ഭാഷകളിലും സജീവമായി മാറി. ഇപ്പോൾ മലയാളത്തിലും തമിഴിലുമെല്ലാം മികച്ച കഥാപാത്രങ്ങൾ ചെയ്തു പ്രേക്ഷകരുടെ കയ്യടി നേടുകയാണ് ഈ താരം. കഴിഞ്ഞ ദിവസമാണ് അദ്ദേഹത്തിന്റെ മകളുടെ വിവാഹ ചടങ്ങുകൾ നടന്നതു. അദ്ദേഹത്തിന്റെ മകൾ റുഷ്ദിയുടെ വിവാഹ ചടങ്ങുകൾ നടന്നത് ചെന്നൈയിൽ വെച്ചാണ്. കൊല്ലം സ്വദേശി അൽതാഫ് നവാബ് ആണ് വരൻ. ഏതായാലും ഈ വിവാഹ ചടങ്ങു തെന്നിന്ത്യയിലെ താരങ്ങളുടെ ഒരു സംഗമ വേദിയായി തീർന്നു എന്ന് തന്നെ പറയാം. ഇപ്പോഴിതാ അവിടെ നിന്നുള്ള ചിത്രങ്ങൾ സോഷ്യൽ മീഡിയയിൽ വൈറലായി മാറുകയാണ്. എൺപതുകളിലെ ആ പഴയ സൗഹൃദക്കൂട്ടത്തിന്റെ ഒത്തുകൂടലിന് ആണ് ഈ വിവാഹ ചടങ്ങു വേദിയായത്.

കംപ്ലീറ്റ് ആക്ടർ മോഹന്‍ലാൽ, പ്രഭു, രേവതി, ശോഭന, ലിസി, സുഹാസിനി, പാർവതി, മേനക, അംബിക, നദിയ മൊയ്തു തുടങ്ങി ഒട്ടേറെ താരങ്ങൾ ചടങ്ങിന് എത്തുകയും വധൂവരന്മാരെ അനുഗ്രഹിക്കുകയും ചെയ്തു. പ്രശസ്ത നടി ലിസി ലക്ഷ്മി ഈ സൗഹൃദക്കൂട്ടായ്മയുടെ ചിത്രം സമൂഹമാധ്യമങ്ങളിലൂടെ എല്ലാവർക്കുമായി പങ്കു വെക്കുകയും ചെയ്തു. സൂപ്പർ താരം മോഹൻലാൽ തന്റെ ഭാര്യ സുചിത്രക്കു ഒപ്പമാണ് വിവാഹത്തിൽ പങ്കെടുക്കാൻ എത്തിയത്. ഇവരെ കൂടാതെ തമിഴ് നാട് മുഖ്യമന്ത്രി എം.കെ. സ്റ്റാലിൻ, ആരോഗ്യ മന്ത്രി മാ.സുബ്രഹ്മണ്യം, സംഗീത മാന്ത്രികൻ എ ആർ റഹ്മാൻ ഉൾപ്പടെ പ്രമുഖ വ്യക്‌തികൾ വിവാഹ ചടങ്ങിൽ പങ്കെടുത്തു. എ.ആർ. റഹ്മാന്റെ ഭാര്യ സൈറ ബാനുവിന്റെ ഇളയ സഹോദരി മെഹറുന്നീസയാണ് നടൻ റഹ്മാന്റെ ഭാര്യ എന്ന ബന്ധവും അവർ തമ്മിൽ ഉണ്ട്.

Advertisement
Advertisement

Copyright © 2017 onlookersmedia.

Press ESC to close