തുടർച്ചയായ മൂന്നാം വിജയത്തിന് കളമൊരുക്കി ആസിഫ് അലി- ജിസ് ജോയ് ടീം; വിജയ് സൂപ്പറും പൗർണ്ണമിയും പൂർത്തിയായി..!

Advertisement

ജിസ് ജോയ് രണ്ടു ചിത്രങ്ങൾ മാത്രമേ സംവിധാനം ചെയ്തിട്ടുള്ളു. ബോക്സ് ഓഫീസ് വിജയം നേടിയ ആ രണ്ടു ചിത്രങ്ങളിലും നായകൻ ആസിഫ് അലി ആയിരുന്നു . അതിൽ തന്നെ ആദ്യ ചിത്രത്തേക്കാൾ വലിയ ഹിറ്റ് രണ്ടാമത്തെ ചിത്രം എന്നതും ഈ കൂട്ടുകെട്ടിന്റെ സവിശേഷതയാണ്. ഇപ്പോഴിതാ ഈ കൂട്ടുകെട്ട് തങ്ങളുടെ മൂന്നാമത്തെ ചിത്രവുമായി എത്തുന്നത് വമ്പൻ വിജയം മുന്നിൽ കണ്ടു തന്നെയാണ്. ബൈസൈക്കിൾ തീവ്സ്, സൺ‌ഡേ ഹോളീഡേ എന്നെ ചിത്രങ്ങൾക്ക് ശേഷം ശേഷം ആസിഫ് അലി- ജിസ് ജോയ് ടീം ഒന്നിച്ച വിജയ് സൂപ്പറും പൗർണ്ണമിയും എന്ന ചിത്രത്തിന്റെ ചിത്രീകരണം പൂർത്തിയായി. ഈ വർഷം അവസാനത്തോടെ റിലീസ് പ്രതീക്ഷിക്കുന്ന ഈ ചിത്രത്തിലൂടെ ഹാട്രിക് വിജയം തന്നെയാണ് ഈ കൂട്ടുകെട്ട് ലക്ഷ്യമിടുന്നത്. തന്റെ മുൻചിത്രങ്ങളെ പോലെ തന്നെ വളരെ രസകരമായാണ് ജിസ് ജോയ് ഈ ചിത്രവും ഒരുക്കിയിരിക്കുന്നത് എന്നാണ് സൂചന.

ഐശ്വര്യ ലക്ഷ്മി നായികാ വേഷത്തിൽ എത്തുന്ന ഈ ചിത്രത്തിൽ ആസിഫ് അലിയോടൊപ്പം ബാലു വർഗീസ്, ജോസഫ് അന്നംക്കുട്ടി , രഞ്ജി പണിക്കർ, സിദ്ദിഖ് , അജു വർഗീസ്, അലെൻസിയർ, തുടങ്ങി ഒരു വലിയ താര നിര തന്നെ അണിനിരക്കുന്നുണ്ട്. ന്യൂ സൂര്യ ഫിലിമ്സിന്റെ ബാനറിൽ എ കെ സുനിൽ ആണ് ഈ ചിത്രം നിർമ്മിക്കുന്നത്. യൂട്യൂബ് ക്‌ളീറ്റസ് എന്ന കഥാപാത്രം ആയാണ് അജു വർഗീസ് ഇതിൽ അഭിനയിച്ചിരിക്കുന്നത്. ഒരു സൂപ്പർ ഹിറ്റ് തെലുങ്ക് ചിത്രത്തിന്റെ റീമേക് ആണ് ഈ ചിത്രം എന്ന റിപ്പോർട്ടുകൾ വരുന്നുണ്ട്. പ്രശസ്ത നടി ശാന്തി കൃഷ്ണയും ഈ ചിത്രത്തിന്റെ താര നിരയുടെ ഭാഗമാണ്. പ്രിൻസ് ജോർജ് സംഗീതം സംവിധാനം നിർവഹിക്കുന്ന ഈ ചിത്രത്തിന് ദൃശ്യങ്ങൾ ഒരുക്കിയത് റെനഡിവേ ആണ്.

Advertisement
Advertisement

Copyright © 2017 onlookersmedia.

Press ESC to close