Sunday, January 23

മയക്കു മരുന്ന് പാർട്ടി;ഷാരൂഖ് ഖാന്റെ മകൻ പിടിയിൽ; കൂടുതൽ വിവരങ്ങളിതാ..!

Google+ Pinterest LinkedIn Tumblr +
Want create site? Find Free WordPress Themes and plugins.

ബോളിവുഡ് താരം ഷാരൂഖ് ഖാന്റെ മകൻ ആര്യൻ ഖാൻ നാര്‍ക്കോട്ടിക്‌സ് കണ്‍ട്രോള്‍ ബ്യൂറോയുടെ പിടിയിൽ ആയെന്ന വാർത്തയാണ് ഇന്ന് രാവിലെ ഏവരെയും ഞെട്ടിച്ചത്. മുംബൈ തീരത്തെ ആഡംബര കപ്പലില്‍ നാര്‍ക്കോട്ടിക്‌സ് കണ്‍ട്രോള്‍ ബ്യൂറോ നടത്തിയ റെയ്ഡില്‍ ആര്യൻ ഖാൻ ഉൾപ്പെടെ പത്തുപേരിലധികം പേര് പിടിയിലായി എന്നും ഇവരുടെ പക്കൽ നിന്നും കൊക്കെയ്ന്‍, ഹാഷിഷ്, എം.ഡി.എം.എ എന്നിവയും പിടിച്ചെടുത്തു എന്നും ദേശീയ മാധ്യമങ്ങൾ റിപ്പോർട്ട് ചെയ്യുന്നു. പിടിയിലായ ആര്യന്‍ ഖാനെ നാര്‍ക്കോട്ടിക്‌സ് കണ്‍ട്രോള്‍ ബ്യൂറോ ചോദ്യം ചെയ്യുന്നതായി ആണ് ഇപ്പോൾ ലഭിക്കുന്ന വിവരം. ശനിയാഴ്ച രാത്രി നടന്ന റേവ് പാര്‍ട്ടിയുമായി ബന്ധപ്പെട്ടാണ് ആര്യന്‍ ഖാനെ ചോദ്യം ചെയ്യുന്നത് എന്നാണ് റിപ്പോർട്ടുകൾ പറയുന്നത്. എന്നാൽ ആര്യന്‍ ഖാനെതിരെ കേസെടുത്തിട്ടില്ലെന്നും ഇതുവരെ അറസ്റ്റ് ചെയ്തിട്ടിള്ള എന്നുമാണ് എൻ.സി.ബിയുടെ സോണല്‍ ഡയറക്ടര്‍ സമീര്‍ വാങ്കഡെ പറയുന്നത്. രണ്ടാഴ്ച മുമ്പ് ഉദ്ഘാടനം ചെയ്യപ്പെട്ട കോര്‍ഡേലിയ ക്രൂയിസ് ലൈനറിന്റെ എംപ്രസ് കപ്പലിലായിരുന്നു റെയ്ഡ് ഉണ്ടായതു.

കപ്പലില്‍ നടന്ന ഒരു സംഗീത പരിപാടിക്കിടെ ആയിരുന്നു നാര്‍ക്കോട്ടിക്‌സ് കണ്‍ട്രോള്‍ ബ്യൂറോയുടെ റെയ്‌ഡ്‌ സംഭവിച്ചത്. രഹസ്യ വിവരം ലഭിച്ചതിന്റെ അടിസ്ഥാനത്തില്‍ സമീര്‍ വാങ്കഡെയുടെ നേതൃത്വത്തിലുള്ള ഉദ്യോഗസ്ഥര്‍ ശനിയാഴ്ച യാത്രക്കാരുടെ വേഷത്തില്‍ കപ്പലില്‍ കേറിയിരുന്നു. ശേഷം, കപ്പല്‍ മുംബൈ തീരത്തുനിന്ന് കടലിന്റെ മധ്യത്തിലെത്തിയപ്പോള്‍ റേവ് പാര്‍ട്ടി തുടങ്ങുകയായിരുന്നു. അപ്പോഴാണ് റെയ്‌ഡ്‌ ആരംഭിച്ചത്. ഏഴു മണിക്കൂറോളം നീണ്ടു നിന്ന റെയ്‌ഡിൽ പാര്‍ട്ടിക്കിടെ പരസ്യമായി മയക്കുമരുന്ന് ഉപയോഗിക്കുന്നവരെ ഉള്‍പ്പെടെ അറസ്റ്റ് ചെയ്തു. ഏതായാലും ഈ കേസിലെ കൂടുതൽ വിവരങ്ങൾ ഉടൻ പുറത്തു വരുമെന്ന പ്രതീക്ഷയിലാണ് ഷാരൂഖ് ഖാൻ ആരാധകർ.

Did you find apk for android? You can find new Free Android Games and apps.
Share.

About Author