Saturday, May 21

രാജമൗലി മാമാ ചതിക്കരുത് എന്ന് അനൂപ് മേനോൻ; 21 ഗ്രാംസിനെ കുറിച്ചുള്ള സംവിധായകന്റെ വാക്കുകൾ ശ്രദ്ധ നേടുന്നു..!

Google+ Pinterest LinkedIn Tumblr +
Want create site? Find Free WordPress Themes and plugins.

ഈ കഴിഞ്ഞ വെള്ളിയാഴ്ച ഇവിടെ റീലീസ് ചെയ്ത ചിത്രമാണ് 21 ഗ്രാംസ്. നവാഗത സംവിധായകനായ ബിബിൻ കൃഷ്ണ രചനയും സംവിധാനവും നിർവഹിച്ച ഈ ചിത്രം ഒരു ഇൻവെസ്റ്റിഗേഷൻ ത്രില്ലർ ആയാണ് ഒരുക്കിയിരിക്കുന്നത്. ഗംഭീര പ്രേക്ഷക പ്രതികരണം നേടി ഇപ്പോൾ തീയേറ്ററുകളിൽ മുന്നേറുന്ന ഈ ചിത്രം ദി ഫ്രണ്ട് റോ പ്രൊഡക്ഷൻസിന്റെ ബാനറില്‍ റിനീഷ് കെ എൻ ആണ് നിർമ്മിച്ചിരിക്കുന്നതു. ക്രൈംബ്രാഞ്ച് ഡി.വൈ.എസ്.പി നന്ദകിഷോര്‍ എന്ന കഥാപാത്രമായി അനൂപ് മേനോന്‍ നായക വേഷത്തിൽ എത്തിയ ഈ ചിത്രത്തിൽ ലെന, സംവിധായകന്‍ രഞ്ജിത്, രണ്‍ജി പണിക്കര്‍, ലിയോണ ലിഷോയ്, ലെന, അനു മോഹന്‍, മാനസ രാധാകൃഷ്ണന്‍, നന്ദു, ശങ്കര്‍ രാമകൃഷ്ണന്‍, പ്രശാന്ത് അലക്സാണ്ടര്‍, ചന്തുനാഥ്, മറീന മൈക്കിള്‍, വിവേക് അനിരുദ്ധ് എന്നിവരും അഭിനയിച്ചിട്ടുണ്ട്. ഇപ്പോഴിതാ പ്രശസ്ത സംവിധായകൻ സജി സുരേന്ദ്രൻ, ഈ ചിത്രത്തെ കുറിച്ച് പങ്കു വെച്ച വാക്കുകൾ ആണ് ശ്രദ്ധ നേടുന്നത്.

സജി സുരേന്ദ്രൻ കുറിച്ചത് ഇങ്ങനെ, “21 ഗ്രാംസ്… ഏറ്റവും അടുത്ത സുഹൃത്ത് നായകനായി അഭിനയിച്ച സിനിമ ആയതു കൊണ്ട് പുകഴ്ത്തി പറയുന്നതല്ല, നെഞ്ചിൽ കൈ വച്ച് പറയുവാ.. ഗംഭീരം … ക്ലൈമാക്സ് അതി ഗംഭീരം … സ്ക്രിപ്റ്റ്, മേക്കിങ്, കാസ്റ്റിംഗ്, എഡിറ്റിംഗ്, മ്യൂസിക്, സിനിമാട്ടോഗ്രഫി, പെർഫോമൻസ് തുടങ്ങി എല്ലാ മേഖലയിലും മികച്ച് നിൽക്കുന്ന, അപൂർവമായി മാത്രം സംഭവിക്കുന്ന ഒരു സിനിമ.. കണ്ടില്ലെങ്കിൽ ഒരു തീരാനഷ്ടം തന്നെ… ഒരു പ്രാർത്ഥന മാത്രം.. ബാഹുബലിയുടെ ഡയറക്ടർ ശ്രീ രാജമൗലിയുടെ ആർ ആർ ആർ അടുത്ത ആഴ്ച റിലീസ് ആകുമ്പോഴും ഈ കൊച്ച് സിനിമയെ തീയേറ്ററിൽ നിന്നും എടുത്ത് കളയരുതെ എന്ന്..”. സജിയുടെ ഈ വാക്കുകൾ അനൂപ് മേനോൻ ഷെയർ ചെയ്തിരിക്കുന്നത് “രാജമൗലി മാമാ ചതിക്കരുത്” എന്ന വാക്കുകളോടെയാണ് എന്നതാണ് കൗതുകകരം.

Did you find apk for android? You can find new Free Android Games and apps.
Share.

About Author