എന്ന് നിന്റെ മൊയ്‌തീൻ എന്ന പൃഥ്വിരാജ് ചിത്രത്തിലൂടെയായിരുന്നു മൊയ്‌തീൻ-കാഞ്ചനമാല പ്രണയം കേരളക്കരയാകെ അറിഞ്ഞത്. പ്രണയത്തിന് വേണ്ടി ജീവിതം മാറ്റി വെച്ച കാഞ്ചനമാലയെ മലയാളികൾ കൈ നീട്ടി സ്വീകരിച്ചു. സിനിമയുടെ റിലീസിന് അനുബന്ധിച്ചു കാഞ്ചനമാലയും ‘എന്ന് നിന്റെ മൊയ്‌തീൻ’ ടീമും തമ്മിൽ സ്വരചേർച്ചകൾ ഉണ്ടായിരുന്നു. മൊയ്തീന്റെ സ്മാരക ഫണ്ടിലേക്ക് സിനിമ അംഗങ്ങൾ ഒന്നും നൽകിയില്ല എന്ന വാർത്തകളും വന്നു.
എന്നാൽ ആ സമയം നടൻ ദിലീപ് മുക്കത്ത് പോയി കാഞ്ചനമാലയെ കണ്ട് മൊയ്തീന്‍ സ്മാരകത്തിന് 30 ലക്ഷം രൂപ സംഭാവന നൽകുകയുണ്ടായി.
അന്ന് സംഭാവനയായി ദിലീപ് നല്‍കിയ മുപ്പത് ലക്ഷംരൂപ കാഞ്ചനമാല തിരികെ നല്‍ണമെന്ന് ആവശ്യപ്പെട്ടുകൊണ്ട് എന്ന് നിന്റെ മൊയ്‌തീൻ സംവിധാകന്‍ ആര്‍ എസ് വിമല്‍ രംഗത്ത്.
നടിയെ ആക്രമിച്ചെന്ന കേസിൽ ദിലീപിനെ അറസ്റ്റ് ചെയ്തതിനെ തുടർന്നാണ് ആർ എസ് വിമൽ ഇത്തരമൊരു ആവശ്യമുന്നയിച്ചു മുന്നോട്ട് വന്നത്.
മൊയ്‌തീൻ-കാഞ്ചനമാല പ്രണയത്തിന്റെ സ്മാരകത്തിന് ബലാത്സംഗക്കേസ് പ്രതിയുടെ പണം ഉപയോഗിക്കരുതെന്നും ദിലീപിന് തിരികെ നൽകാൻ ഉള്ള 30 ലക്ഷം രൂപ ‘എന്ന് നിന്റെ മൊയ്തീന്‍’ സിനിമയുടെ നിർമ്മാതാക്കൾ കാഞ്ചനമാലയ്ക്ക് നല്‍കണമെന്നും ആര്‍ എസ് വിമല്‍ ആവശ്യപ്പെട്ടതായി കൈരളി TVയാണ് റിപ്പോട്ട് ചെയ്തത്.
