Wednesday, August 10

ശങ്കർ രാമകൃഷ്ണൻ-പൃഥ്വിരാജ് സുകുമാരൻ ടീമിന്റെ അയ്യപ്പൻ ഒരുങ്ങുന്നു..!

Google+ Pinterest LinkedIn Tumblr +
Want create site? Find Free WordPress Themes and plugins.

പ്രശസ്ത രചയിതാവും സംവിധായകനുമായ ശങ്കർ രാമകൃഷ്ണൻ യുവ സൂപ്പർ താരം പൃഥ്വിരാജ് സുകുമാരനെ നായകനാക്കി ഒരുക്കാൻ പോകുന്ന ചിത്രമാണ് അയ്യപ്പൻ. വമ്പൻ ബഡ്ജറ്റിൽ ഒരുക്കാൻ പോകുന്ന ഈ ചിത്രത്തിന്റെ നിർമ്മാണം നിർവഹിക്കുന്നതു ഓഗസ്റ്റ് സിനിമാസ് ആണ്. ഈ ചിത്രത്തിന്റെ ഫസ്റ്റ് ലുക്ക് പോസ്റ്ററും ഇന്നത്തെ പ്രഖ്യാപനത്തോടൊപ്പം പുറത്തു വിട്ടിട്ടുണ്ട്. വൃശ്ചികം ഒന്നായ ഇന്ന് സ്വാമി ശരണം പറഞ്ഞു കൊണ്ടാണ് പൃഥ്വിരാജ് ഈ വിവരം പുറത്തു വിട്ടത്. ഇതിന്റെ കഥ ഒരുപാട് നാൾ മുൻപേ താൻ കേട്ടത് ആണെന്നും ഇപ്പോൾ ഈ സംരംഭത്തിന് തുടക്കം ആവുകയാണ് എന്നും പൃഥ്വിരാജ് പറയുന്നു.

ശബരിമല അയ്യപ്പൻറെ ഐതിഹ്യ കഥയുമായി ഈ ചിത്രത്തിന് ബന്ധമുണ്ടോ എന്നറിയില്ല എങ്കിലും പോസ്റ്ററിലെ വനാന്തരീക്ഷവും പുലിയുടെ സാന്നിധ്യവും അത്തരത്തിലുള്ള ഊഹാപോഹങ്ങൾക്കും ഇട കൊടുത്തിട്ടുണ്ട്. റോ , റിബൽ, റിയൽ, എന്നാണ് ഈ ചിത്രത്തിന്റെ ടാഗ്‌ലൈൻ ആയി ഉപയോഗിച്ചിരിക്കുന്നത്. ബലിഷ്ടമായ ശരീരവുമായി മാസ്സ് ലുക്കിൽ ആണ് പൃഥ്വിരാജ് ഈ ചിത്രത്തിന്റെ ഫസ്റ്റ് ലുക്ക് പോസ്റ്ററിൽ പ്രത്യക്ഷപ്പെട്ടിരിക്കുന്നത്. ഇപ്പോൾ തന്റെ ആദ്യ സംവിധാന സംരംഭമായ പതിനെട്ടാം പടി സംവിധാനം ചെയ്യുകയാണ് ശങ്കർ രാമകൃഷ്ണൻ. പൃഥ്വിരാജ് ഈ ചിത്രത്തിൽ ഒരു അതിഥി വേഷത്തിൽ എത്തുന്നുണ്ട് എന്ന് വാർത്തകൾ വന്നിരുന്നു. ഓഗസ്റ്റ് സിനിമാസ് ആണ് ഈ ചിത്രവും നിർമ്മിക്കുന്നത്. തന്റെ ആദ്യ സംവിധാന സംരംഭമായ മോഹൻലാൽ ചിത്രം ലൂസിഫർ പൂർത്തിയാക്കുന്ന പൃഥ്വിരാജ് അതിനു ശേഷം ആട് ജീവിതം, ഡ്രൈവിംഗ് ലൈസെൻസ്, ബ്രദേഴ്‌സ് ഡേ, കാളിയൻ എന്നീ ചിത്രങ്ങളും ചെയ്യും. അതിനു ശേഷം മാത്രമേ അയ്യപ്പൻ അദ്ദേഹം ആരംഭിക്കുകയുള്ളു.

Did you find apk for android? You can find new Free Android Games and apps.
Share.

About Author