Sunday, January 23

പോക്കിരി സൈമണിന് ആശംസകളുമായി ഇളയ ദളപതി വിജയുടെ പിതാവും..

Google+ Pinterest LinkedIn Tumblr +
Want create site? Find Free WordPress Themes and plugins.

ഈ വരുന്ന വെള്ളിയാഴ്ച ഡോക്ടർ കെ അമ്പാടി തിരക്കഥ ഒരുക്കി ജിജോ ആന്റണി സംവിധാനം ചെയ്ത പോക്കിരി സൈമൺ എന്ന ചിത്രം പ്രദർശനം ആരംഭിക്കുകയാണ്. ശ്രീവരി ഫിലിമ്സിന്റെ ബാനറിൽ കൃഷ്ണൻ സേതു കുമാർ നിർമ്മിച്ച ഈ മാസ്സ് എന്റെർറ്റൈനെറിൽ യുവ താരം സണ്ണി വെയ്ൻ ആണ് നായകൻ. സണ്ണി വെയ്‌നിന്റെ കരിയറിലെ ഏറ്റവും വലിയ ബഡ്ജറ്റിൽ ഒരുങ്ങിയ ഈ ചിത്രം അഞ്ചു കോടിക്ക് മുകളിൽ ചെലവഴിച്ചാണ് നിർമ്മിച്ചിരിക്കുന്നത്, അതുകൊണ്ട് തന്നെ സണ്ണിയുടെ കരിയറിലെ ഏറ്റവും വലിയ റിലീസും ആയിരിക്കും ഈ ചിത്രം . ഇളയ ദളപതി വിജയുടെ കടുത്ത ആരാധകൻ ആയി സണ്ണി വെയ്ൻ അഭിനയിക്കുന്ന ഈ ചിത്രം ഒരു പറ്റം വിജയ് ആരാധകരുടെ കഥ ആണ് പറയുന്നത് .

ഈ ചിത്രത്തിലെ പോസ്റ്ററുകളും വിജയ് സ്പെഷ്യൽ സോങ് ടീസറും എല്ലാം സോഷ്യൽ മീഡിയയിൽ തരംഗമായി മാറിയിരുന്നു. ഇപ്പോൾ ഇതാ പോക്കിരി സൈമൺ എന്ന ചിത്രത്തിന് പിന്തുണയുമായി സാക്ഷാൽ ഇളയ തലപതിയുടെ പിതാവും രംഗത്ത് വന്നിരിക്കുന്നു.

Thank you SA Chandrasekhar Sir ??

Posted by Pokkiri Simon- Oru Kaduththa Aaraadhakan on Wednesday, September 20, 2017

വിജയുടെ പിതാവ് പോക്കിരി സൈമൺ എന്ന ചിത്രത്തിലെ പോസ്റ്ററും കയ്യിൽ ഏന്തി നിൽക്കുന്ന ഫോട്ടോയും ആശംസകൾ നേരുന്ന വീഡിയോയും ഇപ്പോൾ സോഷ്യൽ മീഡിയയിൽ ശ്രദ്ധ നേടുകയാണ്. നേരത്തെ യുവ താരം ദുൽകർ സൽമാനും പോക്കിരി സൈമണിന് ആശംസ അറിയിച്ചു രംഗത്ത് വന്നിരുന്നു.

പ്രയാഗ മാർട്ടിൻ നായിക ആയെത്തുന്ന ഈ ചിത്രത്തിൽ ശരത്കുമാർ, ജേക്കബ് ഗ്രിഗറി, നെടുമുടി വേണു, സൈജു കുറുപ്പ് എന്നിവരും അഭിനയിക്കുന്നു. ഗോപി സുന്ദർ ആണ് ഈ ചിത്രത്തിന്റെ സംഗീത സംവിധാനം നിർവഹിച്ചിരിക്കുന്നത്. നേരത്തെ പ്രയാഗയും ശരത് കുമാറും സണ്ണി വെയ്‌നും വിജയ് കഥാപാത്രങ്ങളെ അനുകരിച്ചു നിൽക്കുന്ന ഫോട്ടോകളും സോഷ്യൽ മീഡിയയിൽ തരംഗമായിരുന്നു.

Did you find apk for android? You can find new Free Android Games and apps.
Share.

About Author