വിനീത് ശ്രീനിവാസന്റെ മകന്റെ ഫോട്ടോ സോഷ്യൽ മീഡിയയിൽ തരംഗം ആവുന്നു..ഒപ്പം വിനീതിന്റെ കുറിപ്പും ..

Advertisement

പ്രശസ്ത സിനിമ താരവും ഗായകനും സംവിധായകനുമൊക്കെയായ വിനീത് ശ്രീനിവാസൻ ഒരച്ഛൻ ആയിട്ട് മൂന്നു മാസം കഴിയുന്നതേ ഉള്ളു. അച്ഛനായതിന്റെ സന്തോഷം പങ്കു വെച് വിനീത് ഫേസ്ബുക് പോസ്റ്റ് ഇട്ടിരുന്നു. താരങ്ങൾ അച്ഛന്മാർ ആവുമ്പോൾ അവരുടെ കുട്ടികളുടെ ഫോട്ടോ കാണാൻ ആയി ആരാധകരും സിനിമ പ്രേമികളും എപ്പോഴും കാത്തിരിക്കുക പതിവാണ്. അവസാനം അവർ തങ്ങളുടെ കുട്ടിയുടെ ഫോട്ടോ ആരാധകർക്കായി ആദ്യമായി പങ്കു വെക്കുമ്പോൾ തന്നെ അത് സോഷ്യൽ മീഡിയ മുഴുവൻ പടർന്നു പിടിക്കുകയും ചെയ്യും. നിവിൻ പോളിയുടെയും പ്രിത്വി രാജിന്റെയും ദുൽകർ സൽമാനെയും അജു വർഗീസിന്റെയും ഒക്കെ കുട്ടികളുടെ ഫോട്ടോ ഇത്തരത്തിൽ വൈറൽ ആവുന്നത് നമ്മൾ കണ്ടിട്ടുണ്ട്.

Advertisement

ഇപ്പോൾ ഊഴം വിനീത് ശ്രീനിവാസന്റെ മകന്റേതാണ്. മകനോടൊപ്പമുള്ള വിനീതിന്റെ ഫോട്ടോക്കൊപ്പം വിനീത് ഇൻസ്റ്റാഗ്രാമിൽ പോസ്റ്റ് ചെയ്ത ഒരു കുറിപ്പും ശ്രദ്ധേയമാവുകയാണ്.

വിനീതിന്റെ കുറിപ്പ് ഇങ്ങനെയാണ് പോകുന്നത്, “ഏഴു മണിയായി..ഞാൻ വിമാന താവളത്തിൽ എത്താൻ ഇപ്പോഴേ വൈകിയിരിക്കുന്നു.ടാക്സി എന്നെ കാത്തു നിൽക്കുന്നു. അവന്റെ കുഞ്ഞു കൈകൾ എന്നെ ചുറ്റിപ്പിടിച്ചിരിക്കുന്നു. പിന്നെ എങ്ങിനെയാണ് എനിക്ക് ഇവിടെ നിന്ന് അനങ്ങാൻ സാധിക്കുക. ചിത്രമെടുത്തത് ദിവ്യ വിനീത്. ഞങ്ങൾ അവനു പേരിട്ടു, വിഹാൻ ദിവ്യ വിനീത്”

വിഹാനെ എടുത്തു കൊണ്ട് ഒരു കസേരയിൽ ഇരിക്കുന്ന ചിത്രമാണ് വിനീത് ശ്രീനിവാസൻ ഇൻസ്റ്റാഗ്രാമിൽ ഇട്ടതു. വിനീതിന്റെ കുറിപ്പിന് സോഷ്യൽ മീഡിയയിൽ അഭിനന്ദനങ്ങളുടെ മഴയാണ്. അമ്മയുടെയും പേര് മകന്റെ ഒപ്പം ചേർത്തതിന് ഒരുപാട് ആളുകൾ വിനീതിനെ അഭിനന്ദിക്കുന്നു. ജൂണിൽ ആണ് വിനീത് അച്ഛൻ ആയതു.

വിനീത് ഇപ്പോൾ അഭിനയിച്ചു കൊണ്ടിരിക്കുന്നത് ആന അലറലോടലറൽ എന്ന ചിത്രത്തിലാണ്. അനു സിതാര നായികാ ആവുന്ന ഈ ചിത്രം സംവിധാനം ചെയ്യുന്നത് നവാഗതനായ ദിലീപ് മേനോൻ ആണ്.

Advertisement

Copyright © 2017 onlookersmedia.

Press ESC to close