പ്രശസ്ത നടൻ സൗബിൻ ഷാഹിർ സംവിധായകനായി അരങ്ങേറുന്ന ചിത്രം പറവ നാളെ മുതൽ കേരളത്തിലെ പ്രദർശന ശാലകളിൽ പ്രദർശനം ആരംഭിക്കുകയാണ്. അൻവർ റഷീദും ഷൈജു ഉണ്ണിയും ചേർന്ന് നിർമ്മിച്ച ഈ ചിത്രം രചിച്ചിരിക്കുന്നത് സൗബിൻ ഷാഹിറും മുനീർ അലിയും ചേർന്നാണ്. യുവ നടന്മാരായ ഷെയിൻ നിഗം, അർജുൻ ഹരിശ്രീ അശോകൻ, സിനിൽ സൈനുദീൻ എന്നിവർ പ്രധാന വേഷങ്ങൾ അവതരിപ്പിക്കുന്ന ഈ ചിത്രത്തിൽ യുവ താരമായ ദുൽകർ സൽമാനും വളരെ പ്രാധാന്യമുള്ള ഒരു അതിഥി വേഷത്തിൽ എത്തുന്നുണ്ട്.
ഈ ചിത്രത്തെ ഏറ്റവും കൂടുതൽ കാത്തിരിക്കാൻ പ്രേക്ഷകരെ പ്രേരിപ്പിച്ച ഘടകങ്ങളിൽ ഒന്നും അതാണ്. രണ്ടു വർഷത്തോളം കഷ്ട്ടപെട്ടാണ് ഈ ചിത്രം പൂർത്തീകരിച്ചത് എന്ന് സൗബിൻ ഷാഹിർ പറയുന്നു.
വലിയൊരു ഏകപീരിയൻസ് ആണ് പറവ തന്നത് എന്ന് സൗബിൻ പറയുന്നു. പ്രാവുകളെ പറത്തുന്ന ഗെയിം നെ അടിസ്ഥാനപ്പെടുത്തി പ്രാവുകളെ വളർത്തുന്ന രണ്ടു കുട്ടികളുടെ കഥയാണ് ഈ ചിത്രം പറയുന്നത്. മാത്രമല്ല ഈ ചിത്രത്തിനായി പ്രാവുകളെ പരിശീലിപ്പിക്കുന്നതിനും മറ്റും ഒരുപാട് സമയം എടുത്തിട്ടുണ്ട് എന്നും സൗബിൻ പറയുന്നു.
സുഹൃത് ബന്ധങ്ങൾക്കും കുടുംബ ബന്ധങ്ങൾക്കും വലിയ പ്രാധാന്യം കൊടുക്കുന്നുണ്ട് ഈ ചിത്രം എന്നാണ് സൗബിൻ പറയുന്നത്. തൊണ്ണൂറ്റി അഞ്ചോളം ദിവസം ഈ ചിത്രം ഷൂട്ട് ചെയ്തു. റെക്സ് വിജയൻ ആണ് ഈ ചിത്രത്തിന് സംഗീതം പകർന്നിരിക്കുന്നത്. ശ്രിന്ദ, സിദ്ദിഖ്, ഇന്ദ്രൻസ് എന്നിവരും ഈ ചിത്രത്തിന്റെ താര നിരയുടെ ഭാഗം ആണ്. ഇരുപത്തി അഞ്ചോളം മിനിട്ടു ആണ് ഈ ചിത്രത്തിൽ ദുൽകർ സൽമാന്റെ സാന്നിധ്യം ഉണ്ടാവുക.
