Wednesday, August 17

‘ദുൽഖർ ഒട്ടും ജാഡയില്ലാത്ത മനുഷ്യൻ’; പറവയിലെ ഗോവിന്ദ് ദുൽഖർനെ പറ്റി പറയുന്നത് ഇങ്ങനെ ..

Google+ Pinterest LinkedIn Tumblr +
Want create site? Find Free WordPress Themes and plugins.

സൗബിൻ എന്ന നടന്റെ കന്നി സംവിധാന സംരംഭം ആയിരുന്നു ‘പറവ’ എന്ന ചിത്രം. ഷെയിന്‍ നിഗം, ഹരിശ്രീ അശോകന്റെ മകന്‍ അര്‍ജുന്‍, സൈനുദ്ദീന്റെ മകന്‍ സിനിൽ, ഗ്രിഗറി, സൗബിൻ, ശ്രീനാഥ് ഭാസി, സ്രിന്ദ ബാലതാരങ്ങളായ അമല്‍ ഷാ, ഗോവിന്ദ് എന്നിവരാണ് ചിത്രത്തിൽ പ്രധാനവേഷങ്ങളിലെത്തിയത്. കുറച്ചു നേരം മാത്രമുള്ള കാമിയോ റോളിൽ ദുൽഖറും പ്രത്യക്ഷപ്പെട്ടിരുന്നു.

പറവയിലെ ഹസീബ് എന്ന കഥാപാത്രത്തെ അവതരിപ്പിച്ച ഗോവിന്ദിനോട് മലയാളികളുടെ പ്രിയപ്പെട്ട കുഞ്ഞിക്കയെക്കുറിച്ച് ചോദിച്ചാൽ ”ഒട്ടും ജാഡയില്ലാത്ത മനുഷ്യൻ. കുറച്ചൊക്കെ ജാഡയുണ്ടാവുമെന്ന് കരുതിയിരുന്നു. പക്ഷേ ഒരു ജാഡയുമില്ലാത്ത മനുഷ്യനാണ് ദുൽഖർ. നല്ല സ്നേഹമുണ്ട്” എന്നാണ് പറയുക. ഒരു അഭിമുഖത്തിലാണ് ഗോവിന്ദ് ഇക്കാര്യം വ്യക്തമാക്കിയത്.

പറവയ്ക്കുശേഷം മട്ടാഞ്ചേരിയിൽ ഒരു സിനിമയുടെ ഷൂട്ടിങ്ങിനായി ദുൽഖർ വന്നിരുന്നു. അപ്പോൾ എന്നെയും അമലിനെയും അങ്ങോട്ടേക്ക് വിളിച്ചു. അവിടെ ചെന്ന് എന്തിനാണ് വിളിപ്പിച്ചതെന്ന് ചോദിച്ചപ്പോൾ ഒന്നു കാണാനാണെന്നു പറഞ്ഞു. പറവ കണ്ടോയെന്നും ഇഷ്ടമായെന്നും ദുൽഖർ ചോദിച്ചുവെന്നും ഗോവിന്ദ് പറയുന്നു.

പറവയിൽ മമ്മൂക്കയും ലാലേട്ടനും അഭിനയിക്കുന്നുണ്ട് എന്ന് പറഞ്ഞ് സൗബിൻ ഞങ്ങളെ പറ്റിക്കുമായിരുന്നു. ദുൽഖർ ഉണ്ടെന്നു പറഞ്ഞപ്പോഴും പറ്റിക്കാൻ പറയുകയാണെന്നാണ് കരുതിയത്. എന്നാൽ ദുൽഖർ നാളെ വരുന്നുണ്ട്, ഷൂട്ട് ഉണ്ട് എന്ന് ഒരു ദിവസം പറഞ്ഞപ്പോഴാണ് ശെരിക്ക് ഞെട്ടിയതെന്നും ഗോവിന്ദ് കൂട്ടിച്ചേർക്കുന്നു.

പ്രാവു പറത്തലിലൂടെ മട്ടാഞ്ചേരിയുടെ അധികമാരും അറിയാത്ത ഒരു ഇടത്തെ പറ്റിയാണ് പറവ എന്ന സിനിമ അവതരിപ്പിച്ചത്. അന്‍വര്‍ റഷീദ് എന്റര്‍ടെയ്ന്‍മെന്റിന്റെ ബാനറില്‍ അന്‍വര്‍ റഷീദും ഷൈജു ഉണ്ണിയും ചേർന്നാണ് ചിത്രം നിർമ്മിച്ചത്. സൗബിനും നിസാം ബഷീറും ചേർന്നായിരുന്നു ചിത്രത്തിന്റെ തിരക്കഥ.

Did you find apk for android? You can find new Free Android Games and apps.
Share.

About Author