Saturday, January 29

മോഹന്‍ലാല്‍ ഒടിയനായി, ഒടിയന്‍ ഷൂട്ടിങ്ങ് ആരംഭിച്ചു

Google+ Pinterest LinkedIn Tumblr +
Want create site? Find Free WordPress Themes and plugins.

സൂപ്പര്‍ സ്റ്റാര്‍ മോഹന്‍ലാലിനെ നായകനാക്കി പ്രശസ്ഥ പരസ്യ സംവിധായകനായ വി.എ ശ്രീകുമാര്‍ മേനോന്‍ സംവിധാനം ചെയ്യുന്ന ബിഗ് ബഡ്ജറ്റ് ചിത്രം ഒടിയന്‍ ഷൂട്ടിങ്ങ് ആരംഭിച്ചു. ഒടിയനായി മോഹന്‍ലാല്‍ അഭിനയിച്ചു തുടങ്ങി.

20 വയസ്സ് മുതല്‍ 50 വയസ്സ് വരെയുള്ള ഒടിയന്‍റെ വേഷത്തിലാണ് മോഹന്‍ലാല്‍ ഈ ചിത്രത്തില്‍ എത്തുക. പ്രായമായ ഒടിയന്‍റെ ഭാഗങ്ങളാണ് ഇപ്പോള്‍ ചിത്രീകരിക്കുന്നത് എന്നാണ് ലഭിക്കുന്ന വിവരങ്ങള്‍.

ബനാറസില്‍ നടക്കുന്ന ചിത്രീകരണത്തില്‍ കഴിഞ്ഞ ദിവസമാണ് മോഹന്‍ലാല്‍ ജോയിന്‍ ചെയ്തത്. തമിഴ് താരം സത്യരാജ് ചിത്രത്തില്‍ ഒരു പ്രധാന വേഷത്തില്‍ എത്തുന്നു. ബാഹുബലിയ്ക്ക് ശേഷം സത്യരാജിന് ലഭിക്കുന്ന മികച്ച വേഷത്തില്‍ ഒന്നാകും ഒടിയനിലേത് എന്നാണ് പറയപ്പെടുന്നത്.

ആഗതന്‍, ലൈല ഓ ലൈല എന്നീ മലയാള സിനിമകളില്‍ സത്യരാജ് മുന്നേ അഭിനയിച്ചിട്ടുണ്ട്. ലൈല ഓ ലൈലയില്‍ മോഹന്‍ലാല്‍ തന്നെയായിരുന്നു നായകനായി എത്തിയത്.

30 കോടിയോളമാണ് ഒടിയന്‍റെ ചിലവ് പ്രതീക്ഷിക്കുന്നത്. ആശീര്‍വാദ് സിനിമാസിന്‍റെ ബാനറില്‍ ആന്‍റണി പെരുമ്പാവൂര്‍ ആണ് ചിത്രം നിര്‍മ്മിക്കുന്നത്. മഞ്ജു വാര്യര്‍ ആണ് ചിത്രത്തില്‍ നായികയായി എത്തുന്നത്.

Did you find apk for android? You can find new Free Android Games and apps.
Share.

About Author