Tuesday, October 4

മലയാളം സിനിമകളുടെ റീമേക്ക് ആഗ്രഹമുണ്ട്; ആരാധകര്‍ അനുവദിക്കുന്നില്ലെന്ന് ബാലകൃഷ്ണ

Google+ Pinterest LinkedIn Tumblr +
Want create site? Find Free WordPress Themes and plugins.

തെലുങ്കിലെ സൂപ്പർ താരങ്ങളിൽ ഒരാളാണ് നന്ദമൂരി ബാലകൃഷ്ണ എന്ന ആരാധകരുടെ സ്വന്തം ബാലയ്യ. വമ്പൻ ആക്ഷൻ ചിത്രങ്ങളിലൂടെയാണ് അദ്ദേഹം സൂപ്പർ താരമായി മാറിയത്. അദ്ദേഹത്തിന്റെ കഴിഞ്ഞ റിലീസായിരുന്ന അഖണ്ഡ നൂറു കോടി ഗ്രോസ് നേടി വലിയ വിജയമായി മാറിയിരുന്നു. അദ്ദേഹത്തിന്റെ കരിയറിലെ ആദ്യ നൂറു കോടി നേട്ടമായിരുന്നു അത്. ഇപ്പോൾ തന്റെ പുതിയ ചിത്രത്തിന്റെ തിരക്കിലാണ് ബാലയ്യ. അതിൽ മലയാള നടി ഹണി റോസും വേഷമിടുന്നുണ്ട്. ഇപ്പോഴിതാ ബാലയ്യ തന്നോട് പറഞ്ഞ ഒരു കാര്യം ഹണി റോസ് വെളിപ്പെടുത്തുകയാണ്. ഇ ടൈംസിന് നൽകിയ അഭിമുഖത്തിലാണ് ഹണി തന്റെ വരാനിരിക്കുന്ന തെലുങ്ക് ചിത്രത്തെ കുറിച്ച് പറഞ്ഞതിനൊപ്പം ബാലയ്യ പറഞ്ഞ കാര്യവും പറയുന്നത്. മലയാളം സിനിമകൾ റീമേക്ക് ചെയ്യാൻ ആഗ്രഹമുണ്ടെന്നാണ് ബാലയ്യ പറയുന്നത്.

എന്നാൽ താൻ അത് ചെയ്യാത്തത് ആരാധകർ അനുവദിക്കാത്തത് കൊണ്ടാണെന്നും അദ്ദേഹം പറഞ്ഞെന്ന് ഹണി റോസ് വെളിപ്പെടുത്തുന്നു. മലയാള സിനിമകളെ കൂടുതൽ നിരീക്ഷിക്കുന്നവരാണ് തെലുങ്കിൽ ഉള്ളതെന്നും താരം അഭിപ്രായപ്പെടുന്നുണ്ട്. പ്രേക്ഷകർ തന്നെ മാസ് പെർഫോമറായി മാത്രം കാണാനാണ് ആഗ്രഹിക്കുന്നതെന്നും അതിനാൽ മലയാള സിനിമ റോളുകൾ താൻ ചെയ്താൽ അവർക്കു അതുമായി പൊരുത്തപ്പെടാൻ കഴിയില്ലെന്നും ബാലയ്യ പറഞ്ഞതായി ഹണി റോസ് വിശദീകരിച്ചു. ഗോപിചന്ദ് മലിനേനി സംവിധാനം ചെയ്യുന്ന ചിത്രത്തിലാണ് ബാലയ്യക്കൊപ്പം ഹണി റോസ് അഭിനയിക്കുന്നത്. എൻബികെ 107 എന്ന് താൽക്കാലികമായി പേരിട്ടിരിക്കുന്ന ഈ ചിത്രത്തിൽ ശ്രുതി ഹാസനാണ് നായികാ വേഷം ചെയ്യുന്നത്. മൈത്രി മൂവി മേക്കേഴ്സ് നിര്‍മ്മിക്കുന്ന ചിത്രത്തില്‍ വരലക്ഷ്മി ശരത്കുമാറും കന്നഡ നടൻ ദുനിയാ വിജയ്‌യും മറ്റു പ്രധാന വേഷങ്ങൾ ചെയ്യുന്നു.

Did you find apk for android? You can find new Free Android Games and apps.
Share.

About Author