Tuesday, May 17

തലൈവരുടെ 2.0 കണ്ട് മോഹൻലാലും കുടുംബവും..

Google+ Pinterest LinkedIn Tumblr +
Want create site? Find Free WordPress Themes and plugins.

സൂപ്പർ സ്റ്റാർ രജനികാന്ത് നായകനായ 2.0 എന്ന ചിത്രം ലോകമെമ്പാടു നിന്നും നാനൂറു കോടിയിൽ അധികം കളക്ഷൻ നേടി ബോക്സ് ഓഫീസിൽ കുതിക്കുകയാണ്. ത്രീഡിയിൽ ഒരുക്കിയ ദൃശ്യ വിസ്മയം എന്നാണ് ഇന്ത്യൻ സിനിമയിലെ എക്കാലത്തെയും വലിയ ചിത്രത്തെ പ്രേക്ഷകർ വിശേഷിപ്പിക്കുന്നത്. രജനികാന്ത് നായകനും ബോളിവുഡ് സൂപ്പർ സ്റ്റാർ അക്ഷയ് കുമാർ വില്ലനുമായെത്തിയ ഈ ചിത്രം കേരളത്തിലും ഗംഭീര വിജയമാണ് നേടുന്നത്. ടോമിച്ചൻ മുളകുപാടം ആണ് കേരളത്തിലെ എക്കാലത്തെയും വലിയ റിലീസ് ആയി ഈ ചിത്രം എത്തിച്ചത്. ഇപ്പോഴിതാ 2.0 തിയേറ്ററിൽ ഫാമിലി ആയി പോയി കണ്ടിരിക്കുകയാണ് മലയാള സിനിമയുടെ താര ചക്രവർത്തിയായ മോഹൻലാൽ.

മോഹൻലാലിന് ഒപ്പം മകനും യുവ താരവുമായ പ്രണവ് മോഹൻലാലും ഭാര്യ സുചിത്രയും ഏറ്റവുമടുത്ത സുഹൃത്തുക്കളിൽ ഒരാളായ സനിൽ കുമാറും ഉണ്ടായിരുന്നു. മോഹൻലാൽ കുടുംബവുമൊരുമിച്ചു ഈ ചിത്രം കാണുന്ന ഫോട്ടോ ഇപ്പോൾ സോഷ്യൽ മീഡിയയിൽ വൈറൽ ആയി കഴിഞ്ഞു. തന്റെ ഉടമസ്ഥതയിൽ ഉള്ള ഹരിപ്പാടുള്ള മോഹൻലാൽ സിനിപ്ലെക്സിൽ നിന്നാണ് മോഹൻലാൽ ഈ ചിത്രം കണ്ടതെന്നാണ് സൂചന. ചിത്രം അദ്ദേഹത്തിന് ഒരുപാട് ഇഷ്ട്ടപെട്ടതായും മോഹൻലാലിനോടടുത്ത വൃത്തങ്ങൾ സൂചിപ്പിക്കുന്നു. ഇപ്പോൾ താര സംഘടനയായ ‘അമ്മ ദുബായിൽ ഒരുക്കുന്ന ഒന്നാണ് നമ്മൾ എന്ന സ്റ്റേജ് ഷോ റിഹേഴ്സലിന്റെ തിരക്കിൽ ആണ് അദ്ദേഹം. മുഖ്യമന്ത്രിയുടെ പ്രളയ ദുരിതാശ്വാസ നിധിയിലേക്ക് അഞ്ചു കോടി രൂപയുടെ സഹായം നല്കാൻ ആണ് ഏഷ്യാനെറ്റുമായി ചേർന്ന് ‘അമ്മ ഈ പ്രോഗ്രാം നടത്തുന്നത്. ഡിസംബർ ഏഴിന് ആണ് ഈ സ്റ്റേജ് ഷോ നടക്കുക. അതിനു ശേഷം ഡിസംബർ പന്ത്രണ്ടോടെ പ്രിയദർശൻ ഒരുക്കുന്ന മരക്കാരിൽ മോഹൻലാൽ ജോയിൻ ചെയ്യും.

Did you find apk for android? You can find new Free Android Games and apps.
Share.

About Author