Tuesday, May 24

ഡെയർ ഡെവിൾ സ്റ്റണ്ട് രംഗങ്ങളിൽ മോഹൻലാൽ കത്തി കയറും; ആക്ഷൻ ചിത്രവുമായി ഭദ്രൻ എത്തുന്നു..!

Google+ Pinterest LinkedIn Tumblr +
Want create site? Find Free WordPress Themes and plugins.

മലയാള സിനിമയുടെ ചക്രവർത്തിയായ മോഹൻലാലിന്റെ അഭിനയ ജീവിതത്തിലെ മറക്കാനാവാത്ത കഥാപാത്രങ്ങളിൽ ഒന്നാണ് സ്ഫടികം എന്ന ബ്ലോക്ക്ബസ്റ്റർ ചിത്രത്തിലെ ആട് തോമ. മലയാള സിനിമയിലെ തന്നെ ക്ലാസിക് മാസ്സ് ചിത്രങ്ങളിൽ ഒന്നായ സ്ഫടികം നമ്മുക്ക് സമ്മാനിച്ചത് ഭദ്രൻ എന്ന മാസ്റ്റർ ഡയറക്ടർ ആണ്. മലയാള സിനിമയുടെ ചരിത്രത്തിലെ ഒരു നാഴികക്കല്ല് തന്നെയാണ് സ്ഫടികവും ആട് തോമയും. ഇപ്പോഴിതാ വീണ്ടുമൊരു മാസ്സ് ആക്ഷൻ ചിത്രത്തിനായി മോഹൻലാൽ- ഭദ്രൻ ടീം ഒന്നിക്കാൻ പോവുകയാണ്. മോഹൻലാൽ എന്ന നടന്റെ അഭിനയ ജീവിതത്തിലെ ഏറ്റവും സ്റ്റൈലിഷ് ആയ ഒരു മാസ്സ് കഥാപാത്രമാണ് ഭദ്രൻ ഇത്തവണ ഒരുക്കിയിരിക്കുന്നത് എന്നാണ് സൂചന. തന്റെ മോഹൻലാൽ ചിത്രത്തെ കുറിച്ച് കൂടുതൽ വിവരങ്ങൾ സംവിധായകൻ ഭദ്രൻ തന്നെ ഇപ്പോൾ പുറത്തു വിട്ടിരിക്കുകയാണ്.

മോഹൻലാലുമൊത്തു ഇത്രയും വർഷം ജോലി ചെയ്തതിന്റെയും മോഹൻലാൽ എന്ന നടനെയും വ്യക്തിയെയും അടുത്തറിഞ്ഞതിന്റെയും പശ്ചാത്തലത്തിൽ ഭദ്രൻ പറയുന്നത് മോഹൻലാലിനെ പോലെ തന്റെ കഥാപാത്രത്തിന്റെ പൂർണ്ണതക്കായി അത്രയധികം അർപ്പണ ബോധം കാണിക്കുന്ന വേറെ ഒരു നടൻ മലയാളത്തിൽ ഇല്ല എന്നാണ്. സ്റ്റണ്ട് രംഗങ്ങളിൽ ഒക്കെ ഡെയർ ഡെവിൾ പോലെയാണ് മോഹൻലാൽ കത്തി കയറുക എന്നാണ് ഭദ്രൻ പറയുന്നത്. താൻ മോഹൻലാലിനെ വെച്ച് ഒരുക്കാൻ പോകുന്ന റോഡ് മൂവിയിലും മോഹൻലാലിന്റെ കിടിലൻ ആക്ഷൻ രംഗങ്ങൾ ഉണ്ടാകും എന്നും ഭദ്രൻ പറയുന്നു. കഥാപാത്രത്തിന്റെ പൂർണ്ണതക്കു വേണ്ടി എന്തും ചെയ്യുന്ന മോഹൻലാൽ എന്ന നടന്റെ താള ബോധം നമ്മളെ അതിശയിപ്പിക്കുന്നതെന്നും ഭദ്രൻ പറഞ്ഞു. ആക്ഷനും വൈകാരിക മുഹൂർത്തങ്ങളും പ്രണയവുമെല്ലാം ഉള്ള ഒരു കമ്പ്ലീറ്റ് എന്റെർറ്റൈനെർ ആയിരിക്കും തന്റെ വരാൻ പോകുന്ന മോഹൻലാൽ ചിത്രമെന്നും ഭദ്രൻ അറിയിച്ചു. അടുത്ത വർഷം അവസാനത്തോടെ ആയിരിക്കും ഭദ്രൻ- മോഹൻലാൽ ചിത്രം തുടങ്ങുക എന്നാണ് സൂചന.

Did you find apk for android? You can find new Free Android Games and apps.
Share.

About Author