സിബിഐ 5 ഇൽ ഒന്നിന് പുറകെ ഒന്നായി ട്വിസ്റ്റുകൾ; പ്രേക്ഷകർ പറയുക സൂപ്പർ എന്നതിനും മുകളിൽ; വെളിപ്പെടുത്തി എസ് എൻ സ്വാമി..!

Advertisement

മെഗാ സ്റ്റാർ മമ്മൂട്ടി നായകനായി എത്തുന്ന ഏറ്റവും പുതിയ ചിത്രമായ സിബിഐ 5 ദി ബ്രെയിൻ കാത്തിരിക്കുകയാണ് ഇപ്പോൾ മമ്മൂട്ടി ആരാധകർ. എസ് എൻ സ്വാമി രചിച്ചു കെ മധു ഒരുക്കിയ ഈ ചിത്രം മെയ് ഒന്നിന് ആണ് ആഗോള റിലീസ് ആയി എത്തുക. സ്വർഗ്ഗചിത്രയുടെ ബാനറിൽ അപ്പച്ചൻ ആണ് ഈ ബിഗ് ബജറ്റ് ചിത്രം നിർമ്മിച്ചിരിക്കുന്നത്. ഇപ്പോഴിതാ ഇതിനെ കുറിച്ച് കൂടുതൽ വെളിപ്പെടുത്തി മുന്നോട്ടു വന്നിരിക്കുകയാണ് രചയിതാവ് എസ് എൻ സ്വാമി. പ്രശസ്ത സിനിമാ മാധ്യമ പ്രവർത്തകൻ പല്ലിശ്ശേരിയുമായി നടത്തിയ അഭിമുഖത്തിലാണ് എസ് എൻ സ്വാമി മനസ്സ് തുറന്നതു. സിബിഐ 5 ഇൽ ഒന്നിന് പുറകെ ഒന്നായി ട്വിസ്റ്റുകൾ ഇങ്ങനെ വന്നു കൊണ്ടിരിക്കുമെന്നും, അതാണ്‌ സിനിമയിലെ സംഘർഷം ഉണ്ടാക്കുന്ന ഘടകമെന്നും അദ്ദേഹം പറയുന്നു. ട്വിസ്റ്റുകളുടെ ഈ ധാരാളിത്തം പ്രേക്ഷകരിൽ വലിയ ഉദ്വേഗമാണ് നിറക്കുക എന്നും അദ്ദേഹം പറയുന്നു.

മാത്രമല്ല, ചിത്രം കണ്ടു കഴിയുമ്പോൾ പ്രേക്ഷകർ സൂപ്പർ എന്നല്ല, അതിനും മുകളിൽ ആവും പറയുക എന്നും എസ് എൻ സ്വാമി പറയുന്നു. ഇതോടെ ഈ ചിത്രത്തെ കുറിച്ചുള്ള പ്രേക്ഷക പ്രതീക്ഷകൾ വളരെയധികം വര്ധിച്ചിരിക്കുകയാണ്. ഒരു സിബിഐ ഡയറികുറിപ്പ്, ജാഗ്രത, സേതുരാമയ്യർ സിബിഐ, നേരറിയാൻ സിബിഐ എന്നിവക്ക് ശേഷം ആ സീരീസിൽ പുറത്തു വരാൻ പോകുന്ന അഞ്ചാമത്തേയും അവസാനത്തേയും ചിത്രമാണ് സിബിഐ 5, ദി ബ്രെയിൻ. സേതുരാമയ്യർ എന്ന ബുദ്ധി രാക്ഷസനായ സിബിഐ ഓഫീസർ ആയി മമ്മൂട്ടി എത്തുന്ന ഈ ചിത്രത്തിൽ വമ്പൻ താരനിരയാണ് അണിനിരക്കുന്നത്.

Advertisement

Advertisement

Copyright © 2017 onlookersmedia.

Press ESC to close