Tuesday, June 28

മലയാള സിനിമ കണ്ട ഏറ്റവും വലിയ മുതൽ മുടക്കുള്ള അധോലോക ചിത്രമായി അമീർ ഒരുങ്ങുന്നു.

Google+ Pinterest LinkedIn Tumblr +
Want create site? Find Free WordPress Themes and plugins.

മമ്മൂട്ടി ആരാധകർ ആകാംഷയോടെ കാത്തിരുന്ന ആ ടൈറ്റിൽ ഇന്ന് പ്രഖ്യാപിക്കപ്പെട്ടു. ദി ഗ്രേറ്റ് ഫാദർ, അബ്രഹാമിന്റെ സന്തതികൾ എന്നീ ചിത്രങ്ങൾക്ക് ശേഷം മമ്മൂട്ടി- ഹനീഫ് അദനി ടീം ഒന്നിക്കുന്ന ഈ ചിത്രത്തിന്റെ പേര് അമീർ എന്നാണ്. ഹനീഫ് തിരക്കഥ ഒരുക്കുന്ന ഈ ചിത്രം സംവിധാനം ചെയ്യാൻ പോകുന്നത് വിനോദ് വിജയൻ ആണ്. മലയാള സിനിമ കണ്ട ഏറ്റവും വലിയ അധോലോക ചിത്രം എന്ന നിലയിലാണ് ഈ സിനിമയെ ആരാധകർ നോക്കികാണുന്നത്. ഇരുപത്തഞ്ച് കോടി രൂപ ബഡ്ജറ്റിൽ ഒരുക്കുന്ന ഈ ചിത്രം പൂർണ്ണമായും ദുബായിൽ ആണ് ചിത്രീകരിക്കുക.

ശ്രീലക്ഷ്മി ആർ നിർമിക്കുന്ന ഈ ബിഗ് ബഡ്ജറ്റ് ചിത്രം പറയുന്നത് ദുബായ് അധോലോകത്തിന്റെ കഥയാണ് . ഗോപി സുന്ദർ ആയിരിക്കും ഈ ചിത്രത്തിന് പശ്ചാത്തല സംഗീതം ഒരുക്കുക. മെഗാ സ്റ്റാർ മമ്മൂട്ടിയുടെ മറ്റൊരു സ്റ്റൈലിഷ് മാസ്സ് കഥാപാത്രം ആയിരിക്കും ഈ ചിത്രത്തിലൂടെ പ്രേക്ഷകർക്ക് മുന്നിൽ എത്തുക. ഇപ്പോൾ വൈശാഖ് സംവിധാനം ചെയ്യുന്ന ബിഗ് ബഡ്ജറ്റ് ചിത്രമായ മധുര രാജ ചെയ്യുകയാണ് മമ്മൂട്ടി.

ഹനീഫ് അദനിയാവട്ടെ തന്റെ രണ്ടാമത്തെ സംവിധാന സംരംഭമായ മിഖായേലിന്റെ തിരക്കിൽ ആണ്. നിവിൻ പോളി ആണ് ഈ ചിത്രത്തിൽ നായകൻ. ആന്റോ ജോസഫ് തന്നെയാണ് ഈ ചിത്രവും നിർമ്മിക്കുന്നത്. മമ്മൂട്ടിയുമായി ചേർന്നപ്പോൾ ഒക്കെ ബ്ലോക്ക്ബസ്റ്റർ ഹിറ്റുകൾ സമ്മാനിച്ച ഹനീഫ് തിരക്കഥ എഴുതുന്നു എന്നത് തന്നെ അമീർ സുൽത്താൻ എന്ന ഈ ചിത്രത്തെ മമ്മൂട്ടി ആരാധകർ ഏറ്റവും കൂടുതൽ കാത്തിരിക്കുന്ന ചിത്രമാക്കി മാറ്റുന്നു.

Did you find apk for android? You can find new Free Android Games and apps.
Share.

About Author