യുവ നായികമാർക്കൊപ്പം മിന്നി തിളങ്ങി മെഗാസ്റ്റാർ ; ഒരു കുട്ടനാടൻ ബ്ലോഗ് ഓണത്തിനെത്തുന്നു..!

Google+ Pinterest LinkedIn Tumblr +
Want create site? Find Free WordPress Themes and plugins.

ഈ കൊല്ലം ഓണത്തിന് എത്തുന്ന മമ്മൂട്ടി ചിത്രമാണ് സേതു സംവിധാനം ചെയ്ത ഒരു കുട്ടനാടൻ ബ്ലോഗ്. ഹരി എന്ന നാടൻ കഥാപാത്രമായി മമ്മൂട്ടി എത്തുന്ന ഈ ചിത്രത്തിൽ മമ്മൂട്ടിക്ക് മൂന്ന് നായികമാർ ആണുള്ളത്. അനു സിതാര, ലക്ഷ്മി റായ്, ഷംന കാസിം എന്നിവരാണ് ഈ വേഷങ്ങൾ ചെയ്യുന്നത്. മമ്മൂട്ടിയും മൂന്ന് നായികമാരുമൊത്തുമുള്ള ചിത്രത്തിന്റെ പുതിയ പോസ്റ്റർ സിനിമാ പ്രേമികൾക്കിടയിലും ആരാധകരുടെ ഇടയിലും ഇപ്പോൾ തരംഗമായി മാറുകയാണ്. സത്യം പറഞ്ഞാൽ യുവ നായികമാർക്കിടയിൽ അവരേക്കാളും മിന്നി തിളങ്ങിയാണ് മമ്മൂട്ടി നില്കുന്നത്. കാരണം അദ്ദേഹത്തിന്റെ സൗന്ദര്യത്തിനു മുന്നിൽ മൂന്നു നായികമാരും നിക്ഷ്പ്രഭരായി പോയി എന്ന് തന്നെ പറയാം. ഏതായാലും മമ്മൂട്ടി അവരോടൊപ്പം നിൽക്കുന്ന പുതിയ പോസ്റ്റർ വളരെ മനോഹരമാണ് എന്ന് പറയാതെ വയ്യ. ഈ പ്രായത്തിലും ഒരു ചെറുപ്പക്കാരനെ പോലെ എനെർജെറ്റിക് ആയ ശരീര ഭാഷയാണ് അദ്ദേഹത്തിന്റെ അഴക്.

സേതു ആദ്യമായി സംവിധാനം ചെയ്ത ഈ ചിത്രം രചിച്ചതും അദ്ദേഹം തന്നെയാണ്. വളരെ വ്യത്യസ്തമായ രീതിയിൽ കഥ പറയുന്ന ഈ ചിത്രം നിർമ്മിച്ചിരിക്കുന്നത് അനന്താ വിഷന്റെ ബാനറിൽ മുരളീധരനും ശാന്താ മുരളീധരനും ചേർന്നാണ്. മമ്മൂട്ടിയോടൊപ്പം സണ്ണി വെയ്ൻ , ആദിൽ ഇബ്രാഹിം, സഞ്ജു ശിവറാം , ജേക്കബ് ഗ്രിഗറി, ഷഹീൻ സിദ്ദിഖ്, നെടുമുടി വേണു, സോഹൻ സീനുലാല് തുടങ്ങി ഒരു വലിയ താര നിര തന്നെ അണിനിരക്കുന്ന ഈ ചിത്രത്തിന് ദൃശ്യങ്ങൾ ഒരുക്കിയത് പ്രദീപ് നായരും സംഗീതം പകർന്നിരിക്കുന്നത് ശ്രീനാഥും ആണ്.

ഈ ചിത്രത്തിന്റെ ഓരോ പോസ്റ്ററുകൾക്കും വലിയ സ്വീകരണം ആണ് ലഭിക്കുന്നത്. ചിത്രത്തിന്റെ ടീസറും മികച്ച അഭിപ്രായം നേടിയെടുത്തിരുന്നു. കഴിഞ്ഞ ദിവസമായിരുന്നു ഒരു കുട്ടനാടൻ ബ്ലോഗിന്റെ ഓഡിയോ ലോഞ്ച് നടന്നത്. വരുന്ന ഓഗസ്റ്റ് ഇരുപത്തതിനാലിനു ഈ ചിത്രം തീയേറ്ററുകളിൽ എത്തും. മമ്മൂട്ടിയുടെ ഈ വർഷത്തെ അഞ്ചാമത്തെ റിലീസ് ആണ് ഈ ചിത്രം.

Did you find apk for android? You can find new Free Android Games and apps.
Share.

About Author