Tuesday, May 24

നന്ദി അറിയിച്ചു മമ്മൂട്ടി; അടുത്തത് ബിലാലിനായി കാത്തിരിക്കുന്നു എന്ന് ആരാധകർ..!

Google+ Pinterest LinkedIn Tumblr +
Want create site? Find Free WordPress Themes and plugins.

മെഗാ സ്റ്റാർ മമ്മൂട്ടി നായകനായി എത്തിയ ഭീഷ്മ പർവ്വം മികച്ച വിജയം നേടി ഇപ്പോൾ തീയേറ്ററുകളിൽ മുന്നേറുകയാണ്. അമൽ നീരദ് ഒരുക്കിയ ഈ ചിത്രം മമ്മൂട്ടി ആരാധകർക്ക് ഏറെ ആവേശം നൽകുന്നുണ്ട്. ഇവർ ബിഗ് ബി എന്ന ചിത്രത്തിന് ശേഷം ചെയ്യാനിരുന്നത് അതിന്റെ രണ്ടാം ഭാഗമായ ബിലാൽ ആണ്. എന്നാൽ അഞ്ചു വർഷത്തോളം മുൻപ് പ്രഖ്യാപിച്ച ആ ചിത്രം ഇതുവരെ നടന്നിട്ടില്ല. കോവിഡ് പ്രതിസന്ധി കൂടി ആയതോടെ ആ ചിത്രം പിന്നെയും മുന്നോട്ടു നീട്ടി വെക്കേണ്ട സാഹചര്യം വന്നതോടെയാണ് ഭീഷ്മ പർവ്വം എന്ന ചിത്രത്തിനായി അമൽ നീരദ്- മമ്മൂട്ടി ടീം ഒരുമിച്ചത്. ഏതായാലും ചിത്രത്തെ സ്വീകരിച്ച പ്രേക്ഷകർക്ക് നന്ദി പറഞ്ഞു മുന്നോട്ടു വന്നിരിക്കുകയാണ് മമ്മൂട്ടി. അതിനു മറുപടി പറയുന്ന ആരാധകർ സൂചിപ്പിക്കുന്നത്, അടുത്തത് തങ്ങൾ ഇനി കാത്തിരിക്കുന്നത് ഇതേ കൂട്ടുകെട്ടിൽ നിന്നുള്ള ബിലാൽ എന്ന ചിത്രത്തിനാണ് എന്നാണ്.

അമൽ നീരദ് നിർമ്മാണം നിർവഹിക്കുകയും കൂടി ചെയ്ത ഭീഷ്മ പർവ്വം, രചിച്ചിരിക്കുന്നത് അദ്ദേഹവും നവാഗതനായ ദേവദത് ഷാജിയും ചേർന്നാണ്. ശ്രീനാഥ് ഭാസി, സൗബിൻ ഷാഹിർ, ഷൈൻ ടോം ചാക്കോ, സുദേവ് നായർ, ഹാരിഷ് ഉത്തമൻ, അബു സലിം, അനഘ, അനസൂയ ഭരദ്വാജ്, വീണ നന്ദകുമാർ, ശ്രിന്ദ, ലെന, നദിയ മൊയ്‌ദു, കെ പി എ സി ലളിത, ജിനു ജോസഫ്, നെടുമുടി വേണു, ദിലീഷ് പോത്തൻ, ഫർഹാൻ ഫാസിൽ, നിസ്താർ സേട്ട്, മാല പാർവതി, കോട്ടയം രമേശ്, പോളി വത്സൻ, ധന്യ അനന്യ, റംസാൻ, ഷെബിൻ ബെൻസൺ എന്നിവരും അഭിനയിച്ചിരിക്കുന്ന ഈ ചിത്രത്തിന് സംഗീതം പകർന്നത് സുഷിന് ശ്യാമും കാമറ ചലിപ്പിച്ചത് ആനന്ദ് സി ചന്ദ്രനും ആണ്.

Did you find apk for android? You can find new Free Android Games and apps.
Share.

About Author