Tuesday, October 4

ലിജോ ജോസ് പെല്ലിശ്ശേരി ചിത്രത്തിലെ മമ്മൂട്ടിയുടെ കഥാപാത്രം ഇങ്ങനെ; പ്രതീക്ഷയോടെ ആരാധകർ..!

Google+ Pinterest LinkedIn Tumblr +
Want create site? Find Free WordPress Themes and plugins.

മലയാളത്തിലെ പ്രശസ്ത സംവിധായകൻ ലിജോ ജോസ് പെല്ലിശ്ശേരി, ആദ്യമായി മലയാളത്തിന്റെ മെഗാ സ്റ്റാർ മമ്മൂട്ടിയെ നായകനാക്കി ഒരുക്കിയ ചിത്രം ഇപ്പോൾ പൂർത്തിയാക്കിയിരിക്കുകയാണ്. നൻപകൽ നേരത്തു മയക്കം എന്നാണ് ആ ചിത്രത്തിന്റെ പേര്. തമിഴിലും മലയാളത്തിലുമായി ഒരുക്കിയ ഈ ചിത്രം കഴിഞ്ഞ മാസം ആണ് ഷൂട്ടിംഗ് പൂർത്തിയാക്കിയത്. പഴനിയിൽ ആയിരുന്നു ഈ ചിത്രത്തിന്റെ ഏറിയ പങ്കും ചിത്രീകരിച്ചത്. എസ് ഹരീഷ് രചന നിർവഹിച്ച ഈ ചിത്രത്തിലെ മമ്മൂട്ടിയുടെ കഥാപാത്രം എന്താണ് എന്നതിനെ കുറിച്ച് വലിയ സൂചനകൾ ലഭിച്ചിരുന്നില്ല. എന്നാൽ ഇപ്പോൾ പുറത്തു വരുന്ന റിപ്പോർട്ടുകൾ പ്രകാരം പകൽ സമയത്തു സൈക്കിൾ മെക്കാനിക്കും രാത്രി സമയത്തു മോഷ്ടാവുമായി ജീവിക്കുന്ന വേലൻ അഥവാ നകുലൻ എന്ന കഥാപാത്രത്തെ ആണ് മമ്മൂട്ടി ഈ ചിത്രത്തിൽ അവതരിപ്പിക്കുന്നത്. വീണ്ടും ഒരു സാധാരണക്കാരനായി മമ്മൂട്ടി എത്തുന്നു എന്നതാണ് ഈ ചിത്രത്തിലുള്ള ആരാധകരുടെ വലിയ പ്രതീക്ഷ.

മമ്മൂട്ടി തന്നെ തന്റെ പുതിയ നിർമ്മാണ കമ്പനിയുടെ ബാനറിൽ നിർമ്മിക്കുന്ന ഈ ചിത്രം ഇപ്പോൾ അതിന്റെ പോസ്റ്റ് പ്രൊഡക്ഷൻ സ്റ്റേജിലാണ്. തേനി ഈശ്വർ ക്യാമറ ചലിപ്പിച്ച ഈ ചിത്രത്തിൽ നടി രമ്യ പാണ്ഢ്യനും അഭിനയിക്കുന്നുണ്ട്. മമ്മൂട്ടിയുടെ ഭാര്യ ആയാണ് ഈ ചിത്രത്തിൽ രമ്യ അഭിനയിച്ചിരിക്കുന്നത്. ഇവരെ കൂടാതെ പ്രശസ്ത നടൻ അശോകനും ഏറെ കാലത്തിനു ശേഷം മമ്മൂട്ടിക്കൊപ്പം അഭിനയിച്ച ചിത്രം കൂടിയാണ് നൻപകൽ നേരത്തു മയക്കം. ചെറിയ കാൻവാസിൽ ഒരുക്കിയ ഈ ചിത്രം ഒടിടി റിലീസ് ആയിരിക്കും എന്ന റിപ്പോർട്ടുകൾ വരുന്നുണ്ട് എങ്കിലും ഇതുവരെ ഒഫീഷ്യൽ ആയുള്ള സ്ഥിതീകരണം വന്നിട്ടില്ല.

Did you find apk for android? You can find new Free Android Games and apps.
Share.

About Author