Wednesday, May 25

മൂന്നു മാസത്തിൽ 4 മമ്മൂട്ടി ചിത്രങ്ങൾ. ആരാധകർ ആവേശത്തിൽ..!

Google+ Pinterest LinkedIn Tumblr +
Want create site? Find Free WordPress Themes and plugins.

മെഗാസ്റ്റാർ മമ്മൂട്ടിയുടെ ആരാധകർ ഇപ്പോൾ ആവേശത്തിലാണ്. കാരണം മറ്റൊന്നുമല്ല, പ്രിയതാരത്തിന്റെ 4 ചിത്രങ്ങളാണ് വരുന്ന മൂന്നു മാസങ്ങളിലായി തീയേറ്ററുകളിൽ എത്താൻ പോകുന്നത് എന്നാണ് മമ്മൂട്ടിയുമായി അടുത്ത വൃത്തങ്ങൾ സൂചിപ്പിക്കുന്നത്. അതിൽ ഒരു തമിഴ് ചിത്രവും, ഒരു ദ്വിഭാഷാ ചിത്രവും, രണ്ടു മലയാള ചിത്രങ്ങളും ഉൾപ്പെടും. തീർത്തും വ്യത്യസ്തമായ ചിത്രങ്ങളാണ് നാലും എന്നത് ആരാധകരുടെ പ്രതീക്ഷ ഇരട്ടിയാക്കുന്നുമുണ്ട്. സൂചനകൾ പ്രകാരം ആദ്യം പ്രദർശനത്തിനെത്തുക നാഷണല്‍ അവാര്‍ഡ് ജേതാവായ റാം സംവിധാനം ചെയ്ത തമിഴ് ചിത്രമായ പേരന്പ് ആണ്.

പേരന്‍പ് മലയാളം വേര്‍ഷനും തയ്യാറുകുന്നുണ്ട് എന്ന്‍ വാര്‍ത്തകള്‍ ഉണ്ടായിരുന്നെങ്കിലും മലയാള പതിപ്പ് ആണോ റിലീസിന് ഒരുങ്ങുന്നത് എന്ന് അറിയാന്‍ കഴിഞ്ഞിട്ടില്ല. വരുന്ന ഓഗസ്റ്റ് മാസത്തിൽ ചിത്രം പ്രദർശനത്തിനെത്തിക്കാനാണ് അണിയറ പ്രവർത്തകരുടെ നീക്കം.

mammootty new movie stills

ഓഗസ്റ്റിൽ തന്നെ മമ്മൂട്ടിയുടെ ദ്വിഭാഷാ ചിത്രമായ സ്ട്രീറ്റ് ലൈറ്റ്‌സും പ്രദർശനം ആരംഭിക്കും എന്നാണ് ഇപ്പോൾ ലഭിക്കുന്ന വിവരം. തമിഴിലും മലയാളത്തിലുമായി ഒരുങ്ങുന്ന ഈ ചിത്രം സംവിധാനം ചെയ്തിരിക്കുന്നത് പ്രശസ്ത ക്യാമറാമാനായ ഷാംദത് ആണ്. അദ്ദേഹത്തിന്റെ ആദ്യ സംവിധാന സംരംഭമാണ് ഈ ഇൻവെസ്റ്റിഗേഷൻ ത്രില്ലെർ.

mammootty new movie stills

കസബ എന്ന ചിത്രത്തിന് ശേഷം മമ്മൂട്ടി വീണ്ടും പോലീസ് ഓഫീസർ ആയി അഭിനയിക്കുന്ന ചിത്രമാണ് സ്ട്രീറ്റ് ലൈറ്റ്‌സ്. സെപ്റ്റംബർ ആദ്യ വാരം മമ്മൂട്ടിയുടെ ഓണ ചിത്രം പ്രദർശനത്തിനെത്തും.

mammootty new movie stills

സെവൻത് ഡേ എന്ന പ്രിത്വിരാജ് നായകനായ ചിത്രത്തിലൂടെ അരങ്ങേറ്റം കുറിച്ച ശ്യാംധർ സംവിധാനം ചെയ്യുന്ന പേരിടാത്ത കുടുംബ ചിത്രമാണ് മമ്മൂട്ടിയുടെ ഇക്കൊല്ലത്തെ ഓണ ചിത്രം. മമ്മൂട്ടി രാജകുമാരൻ എന്ന ഇടുക്കി സ്വദേശിയായ കഥാപാത്രത്തെയാണ് ഈ ചിത്രത്തിൽ അവതരിപ്പിക്കുന്നത്.
mammootty new movie stills

സെപ്റ്റംബർ 28 നു മമ്മൂട്ടി-അജയ് വാസുദേവ് ചിത്രമായ മാസ്റ്റർപീസ് പൂജ റിലീസായി പ്രദർശനമാരംഭിക്കുമെന്നാണ് ഇപ്പോൾ ലഭിക്കുന്ന വിവരം. ഫാമിലി ആക്ഷൻ എന്റർടൈനറായ ഈ ചിത്രത്തിൽ മമ്മൂട്ടി എഡ്‌വേർഡ് ലിവിങ്സ്റ്റൺ എന്ന കോളേജ് പ്രൊഫസറിന്റെ വേഷത്തിലെത്തുന്നു.
mammootty new movie stills

ഈ വർഷം ഇതിനോടകം 2 മമ്മൂട്ടി ചിത്രങ്ങൾ പ്രദർശനത്തിനെത്തിയിരുന്നു. നവാഗതനായ ഹനീഫ് അദീനി ഒരുക്കിയ ദി ഗ്രേറ്റ് ഫാദർ ബോക്സോഫീസില്‍ സൂപ്പർ ഹിറ്റായപ്പോൾ രഞ്ജിത് സംവിധാനം ചെയ്ത പുത്തൻപണത്തിന് പ്രതീക്ഷിച്ചത്ര വിജയം നേടാന്‍ കഴിഞ്ഞില്ല

Did you find apk for android? You can find new Free Android Games and apps.
Share.

About Author