Sunday, January 23

മമ്മൂട്ടി- ലിജോ ജോസ് പെല്ലിശ്ശേരി ടീം ഒന്നിക്കുന്നു; തിരക്കഥ ഒരുക്കുന്നത് എം ടി വാസുദേവൻ നായർ..!

Google+ Pinterest LinkedIn Tumblr +
Want create site? Find Free WordPress Themes and plugins.

മെഗാ സ്റ്റാർ മമ്മൂട്ടി ഇപ്പോൾ നവഗതയായ രതീന ഒരുക്കുന്ന പുഴു എന്ന ചിത്രത്തിൽ ആണ് അഭിനയിക്കുന്നത്. ആ ചിത്രം ഒക്ടോബർ പകുതിയോടെ പൂർത്തിയാക്കുന്ന അദ്ദേഹം പിന്നീട് ലിജോ ജോസ് പെല്ലിശ്ശേരി ഒരുക്കുന്ന ചിത്രത്തിൽ ജോയിൻ ചെയ്യും എന്നാണ് വാർത്തകൾ വരുന്നത്. ഈ ടീം ഒന്നിക്കുന്ന ആദ്യത്തെ ചിത്രമായിരിക്കും ഇതെന്നും ഈ ചിത്രം തന്റെ പുതിയ നിർമ്മാണ കമ്പനിയുടെ ബാനറിൽ മമ്മൂട്ടി തന്നെയാവും നിർമ്മിക്കുക എന്നും റിപ്പോർട്ടുകൾ പറയുന്നു. ഇതു കൂടാതെ എം ടി വാസുദേവൻ നായരുടെ കഥകളെ ആധാരമാക്കി നെറ്റ്ഫ്ലിക്സിന് വേണ്ടിയൊരുക്കുന്ന ആന്തോളജി ചിത്രത്തിൽ, മമ്മൂട്ടി അഭിനയിക്കുന്ന കഥ സംവിധാനം ചെയ്യുന്നതും ലിജോ ജോസ് പെല്ലിശ്ശേരി ആയിരിക്കും എന്നും സൂചനകൾ ഉണ്ട്.

എം ടി തന്നെയാണ് ഈ ആന്തോളജി ചിത്രത്തിന് വേണ്ടി തിരക്കഥ ഒരുക്കുക. ഈ ആന്തോളജി ചിത്രത്തിൽ മോഹൻലാൽ, ബിജു മേനോൻ എന്നിവർ അഭിനയിക്കുന്ന രണ്ട് ചിത്രങ്ങൾ പ്രിയദർശൻ ചെയ്യുമ്പോൾ, ശ്യാമ പ്രസാദ്, ജയരാജ്, സന്തോഷ് ശിവൻ എന്നിവരും ഓരോ ചിത്രങ്ങൾ ചെയ്യുന്നുണ്ട്. മമ്മൂട്ടി- ലിജോ ജോസ് പെല്ലിശ്ശേരി ചിത്രത്തിന്റെ പ്രധാന ലൊക്കേഷൻ എറണാകുളം ആയിരിക്കും എന്നാണ് ഇപ്പോൾ ലഭിക്കുന്ന റിപ്പോർട്ടുകൾ പറയുന്നത്. ഈ ചിത്രത്തിന് ശേഷം കെ മധു- എസ് എൻ സ്വാമി ടീമിന്റെ സിബിഐ 5 ആണ് മമ്മൂട്ടി ചെയ്യാൻ പോകുന്നത്. അമൽ നീരദ് ഒരുക്കിയ ഭീഷ്മ പർവം മമ്മൂട്ടി ഈ മാസം ആദ്യമാണ് പൂർത്തിയാക്കിയത്. ആമേൻ, അങ്കമാലി ഡയറീസ്, ഈ മ യൗ, ജെല്ലികെട്ട്, ചുരുളി എന്നീ ചിത്രങ്ങളിലൂടെ അന്താരാഷ്ട്ര പ്രശസ്തി നേടിയ സംവിധായകൻ ആണ് ലിജോ ജോസ് പെല്ലിശ്ശേരി.

Did you find apk for android? You can find new Free Android Games and apps.
Share.

About Author