Tuesday, May 24

സൂര്യ ചിത്രത്തിലൂടെ തമിഴിൽ അരങ്ങേറാൻ മലയാളത്തിന്റെ സ്വന്തം മമിത ബൈജു..!

Google+ Pinterest LinkedIn Tumblr +
Want create site? Find Free WordPress Themes and plugins.

ഒരുപിടി മലയാള ചിത്രങ്ങളിലൂടെ പ്രേക്ഷകരുടെ പ്രീയപ്പെട്ട താരമായ നായികയാണ് മമിത ബൈജു. ഹണി ബീ 2, സർവോപരി പാലാക്കാരൻ, ഡാകിനി, കൃഷ്ണം, വരത്തൻ, സ്‌കൂൾ ഡയറി, ആൻ ഇന്റർനാഷണൽ ലോക്കൽ സ്റ്റോറി, വികൃതി, കിലോമീറ്റർസ് ആൻഡ് കിലോമീറ്റർസ്, ഓപ്പറേഷൻ ജാവ, ഖോ ഖോ, രണ്ട്, സൂപ്പർ ശരണ്യ എന്നീ ചിത്രങ്ങൾ ആണ് മമിത ബൈജു അഭിനയിച്ചത്. അതിൽ തന്നെ ഖോ ഖോ, സൂപ്പർ ശരണ്യ, ഓപ്പറേഷൻ ജാവ എന്നിവ വമ്പൻ ജനപ്രിയത ആണ് ഈ നടിക്ക് നേടിക്കൊടുത്തത്. ഇപ്പോഴിതാ മലയാളത്തിലെ ഈ ഗംഭീര പ്രകടനങ്ങൾ തമിഴിലും അവസരം നേടിക്കൊടുത്തിരിക്കുകയാണ് ഈ നടിക്ക്. തമിഴിന്റെ നടിപ്പിൻ നായകൻ സൂര്യ നായകനായി എത്തുന്ന പുതിയ ചിത്രത്തിൽ ആണ് മമിത ഇനി അഭിനയിക്കാൻ പോകുന്നത്.

2ഡി എന്റർടൈന്മെന്റ്ന്റെ ബാനറിൽ സൂര്യയും ജ്യോതികയും ചേർന്നു നിർമ്മിക്കുകയും ചെയ്യുന്ന ഈ ചിത്രം സംവിധാനം ചെയ്യുന്നത് പ്രശസ്ത സംവിധായകൻ ബാല ആണ്. ഇന്ന് നടന്ന പൂജ ചടങ്ങുകളോടെ ഈ ചിത്രത്തിൻറെ ഷൂട്ടിംഗ് ആരംഭിച്ചു കഴിഞ്ഞു. സൂര്യയുടെ ഭാര്യയും നടിയുമായ ജ്യോതിക നായികാ വേഷം ചെയ്യുന്ന ഈ ചിത്രത്തിൽ കൃതി ഷെട്ടിയും അഭിനയിക്കുന്നുണ്ട്. ജി വി പ്രകാശ് കുമാർ ആണ് ഈ സിനിമക്ക് സംഗീതം ഒരുക്കുന്നത്. സതീഷ് സൂര്യ എഡിറ്റ് ചെയ്യാൻ പോകുന്ന ഈ ചിത്രത്തിന് ക്യാമറ ചലിപ്പിക്കുന്നത് ബാലസുബ്രഹ്മണ്യം ആണ്. നന്ദ, പിതാമഹൻ, മായാവി എന്നീ ചിത്രങ്ങൾ ഒരുക്കിയ സൂര്യ-ബാല ടീം 18 വർഷങ്ങൾക്കു ശേഷം ഒന്നിക്കുന്ന ഈ ചിത്രം, കന്യാകുമാരിയിൽ ആണ് ചിത്രീകരണം ആരംഭിച്ചത്.

Did you find apk for android? You can find new Free Android Games and apps.
Share.

About Author