Wednesday, January 19

വിജയ്, സൂര്യ ഉൾപ്പെടെയുള്ള പ്രമുഖ താരങ്ങൾക്ക് സമൻസ്

Google+ Pinterest LinkedIn Tumblr +
Want create site? Find Free WordPress Themes and plugins.

ജെല്ലിക്കെട്ട് തമിഴ് സംസ്കാരത്തിന്‍റെ ഭാഗമാണെന്ന് കാണിച്ച്‌ ഇതിന് പൂര്‍ണ പിന്തുണയുമായി രംഗത്ത് വന്ന താരങ്ങളായ വിജയ്, നയന്‍താര, കാര്‍ത്തി, സൂര്യ, ശിവകാര്‍ത്തികേയന്‍, രാഘവ ലോറന്‍സ് , ജി.വി പ്രകാശ് തുടങ്ങിയവര്‍ക്ക് സമൻസ്. ജെല്ലിക്കെട്ടിന് പിന്തുണ പ്രഖ്യാപിച്ച് പ്രതിഷേധപരിപാടികളിലും ഇവർ പങ്കെടുത്തിരുന്നു. ജെല്ലിക്കെട്ടിനെ ചൊല്ലിയുണ്ടായ പ്രതിഷേധങ്ങള്‍ക്കും അക്രമങ്ങള്‍ക്കും കാരണം എന്താണെന്നന്വേഷിക്കാന്‍ പ്രത്യേക കമ്മീഷനെ കോടതി നിയോഗിച്ചിരുന്നു. തുടർന്ന് പ്രതിഷേധപരിപാടികളിൽ പങ്കെടുത്ത താരങ്ങൾക്ക് സമൻസ് അയക്കാൻ കമ്മീഷൻ തീരുമാനിക്കുകയായിരുന്നു.

ഈ വര്‍ഷമാദ്യമാണ് ജെല്ലിക്കെട്ടിനെ ചൊല്ലിയുണ്ടായ പ്രതിഷേധങ്ങള്‍ക്കും അക്രമങ്ങള്‍ക്കും തമിഴ്‌നാട് സാക്ഷ്യം വഹിച്ചത്. മൃഗക്ഷേമസംഘടന ‘പെറ്റ’യും അനിമൽ വെൽഫെയർ ബോർഡ് ഓഫ് ഇന്ത്യയുമാണ് ജെല്ലിക്കെട്ടിനെതിരെ രംഗത്ത് വന്നത്.

സുപ്രീംകോടതി ജെല്ലിക്കെട്ടിന് നിരോധനമേർപ്പെടുത്തിയതിനാൽ 2015-ലും 2016-ലും ജല്ലിക്കെട്ട് നടത്താൻ കഴിഞ്ഞിരുന്നില്ല. തുടർന്ന് ഈ വർഷമാദ്യം സുപ്രീംകോടതി വിധിക്കെതിരെ ദിവസങ്ങളോളം നീണ്ടു നിന്ന വിദ്യാർഥി – യുവജന പ്രക്ഷോഭം ആരംഭിക്കുകയായിരുന്നു. ചെന്നൈ മറീനാ ബീച്ചിലും മറ്റുമായി നടന്ന പ്രതിഷേധങ്ങളിൽ സിനിമാതാരങ്ങൾ ഉൾപ്പെടെയുള്ളവർ പിന്തുണയുമായി രംഗത്തെത്തിയിരുന്നു.

Did you find apk for android? You can find new Free Android Games and apps.
Share.

About Author