Sunday, January 23

ബിലാലിനൊപ്പം കുഞ്ഞിക്കയും ഉണ്ടാകുമോ ? അഭ്യൂഹങ്ങൾക്ക് മറുപടിയുമായി ദുൽഖർ സൽമാൻ

Google+ Pinterest LinkedIn Tumblr +
Want create site? Find Free WordPress Themes and plugins.

മമ്മൂട്ടിയെ നായകനാക്കി അമൽ നീരദ് ഒരുക്കിയ ‘ബിഗ് ബി’യുടെ രണ്ടാം ഭാഗമായ ‘ബിലാൽ’ എന്ന ചിത്രത്തിനായി കാത്തിരിക്കുകയാണ് ആരാധകർ. ബിലാലിന്റെ രണ്ടാം വരവിൽ ദുൽഖർ സൽമാനും ഉണ്ടാകുമെന്ന് വാർത്തകർ പരന്നതോടെ ഇത് നിഷേധിച്ച് സംവിധായകൻ തന്നെ രംഗത്തെത്തിയിരുന്നു. എങ്കിലും അഭ്യൂഹങ്ങൾ അവസാനിച്ചിരുന്നില്ല. ഏഷ്യാ വിഷൻ അവാർഡ് ചടങ്ങിൽ പങ്കെടുക്കാനെത്തിയപ്പോൾ അവതാരകർ ദുൽഖറിനോട് ഇക്കാര്യം ചോദിക്കുകയുണ്ടായി. എന്നാൽ വാർത്തയുടെ സത്യാവസ്ഥയെക്കുറിച്ച് അമൽ നീരദ് വ്യക്തമാക്കി കഴിഞ്ഞുവെന്നായിരുന്നു ദുൽഖറിന്റെ മറുപടി.

ബിഗ് ബി തന്റെ ദുബായ് ജീവിതവുമായി ഒരുപാട് ബന്ധപ്പെട്ട് കിടക്കുന്നതാണ്. ചിത്രത്തിൽ അഭിനയിക്കാൻ തനിക്ക് ആഗ്രഹമുണ്ടെന്നും അതിന് വേണ്ടി ഓഡിഷന് പോയി നിൽക്കാമെന്നും താരപുത്രൻ വ്യക്തമാക്കി. ബിഗ് ബി ഇറങ്ങുന്നത് ഞാൻ വർക്കിനായി ഇവിടെ വരുന്ന സമയമായിരുന്നു. എന്റെ ഡിവിഡി കളക്ഷനിൽ ആകയുണ്ടായിരുന്നത് ബിഗ് ബിയാണ്. വാപ്പച്ചിയെ മിസ് ചെയ്യുമ്പോൾ ബിഗ് ബി കാണാറുണ്ടായിരുന്നുവെന്നും ദുൽഖർ പറയുകയുണ്ടായി. സിനിമയിലെ പശ്ചാത്തല സംഗീതം വളരെ ഇഷ്ടമാണെന്ന് പറഞ്ഞ ദുൽഖർ വേദിയിൽ അത് മൂളുകയും ചെയ്തു.

മെഗാസ്റ്റാർ മമ്മൂട്ടിയുടെ സ്റ്റൈലിഷ് കഥാപാത്രങ്ങളിൽ ഒന്നായിരുന്നു ‘ബിഗ് ബി’ യിലെ ബിലാൽ ജോൺ കുരിശിങ്കൽ എന്ന കഥാപാത്രം. ആക്‌ഷൻ ത്രില്ലറായി ഒരുക്കിയ ചിത്രത്തിന് പക്ഷേ സമ്മിശ്രപ്രതികരണമായിരുന്നു തിയറ്ററിൽ നിന്ന് ലഭിച്ചത്. എന്നാൽ പിന്നീട് ഈ ചിത്രത്തെ ആരാധകർ നെഞ്ചോടേറ്റുകയായിരുന്നു. അതുകൊണ്ടുതന്നെ ചിത്രത്തിന്റെ രണ്ടാം ഭാഗം ഇറങ്ങുന്നുവെന്ന പ്രഖ്യാപനം വളരെ ആവേശത്തോടെയാണ് സിനിമാപ്രേമികൾ ഏറ്റെടുത്തത്.

Did you find apk for android? You can find new Free Android Games and apps.
Share.

About Author