ചരിത്രം സൃഷ്ടിച്ചു വിജയ് ആരാധകർ; ഇന്ത്യൻ സിനിമയിലെ ഒരു താരത്തിന് ഉയർത്തുന്ന ഏറ്റവും വലിയ കട്ട് ഔട്ട് കേരളത്തിൽ..!

Advertisement

ദളപതി വിജയ് നായകനാവുന്ന സർക്കാർ എന്ന ചിത്രം ഈ ദീപാവലിയ്ക്കു ലോകമെമ്പാടും റിലീസ് ചെയ്യാൻ പോവുകയാണ്. എ ആർ മുരുഗദോസ് ഒരുക്കിയ ഈ ചിത്രം വിജയ്‌യുടെ കരിയറിലെ ഏറ്റവും വലിയ ചിത്രം ആണെന്ന് മാത്രമല്ല അദ്ദേഹത്തിന്റെ കരിയറിലെ ഏറ്റവും വലിയ റിലീസും ആയിരിക്കും. സൺ പിക്ചർസ് നിർമ്മിച്ച ഈ ചിത്രമാണ് ഇന്ന് ഇന്ത്യൻ സിനിമയിൽ ഏറ്റവും കൂടുതൽ പേര് കാത്തിരിക്കുന്നത് എന്ന വാർത്തകളും വന്നിരുന്നു. ഇപ്പോഴിതാ കെരളത്തിലെ വിജയ് ആരാധകർ ഈ ചിത്രത്തിന് വേണ്ടി ഇന്ത്യൻ സിനിമയിലെ തന്നെ ചരിത്രം തിരുത്തിക്കുറിച്ചു കഴിഞ്ഞു. ഇന്ത്യൻ സിനിമയിലെ ഒരു താരത്തിന് വെക്കുന്ന ഏറ്റവും വലിയ കട്ട് ഔട്ട് ആണ് കേരളത്തിലെ വിജയ് ആരാധകർ സർക്കാർ എന്ന ചിത്രത്തിന്റെ പ്രമോഷന്റെ ഭാഗമായി ഉയർത്തിയത്.

Advertisement

കൊല്ലം നന്പൻസ് എന്നറിയപ്പെടുന്ന കൊല്ലത്തുള്ള വിജയ് ഫാൻസ്‌ ആണ് 175 അടി വലിപ്പമുള്ള സർക്കാർ സ്പെഷ്യൽ വിജയ് കട്ട് ഔട്ട് ഉയർത്തിയത്. കേരളത്തിലെ ഇതുവരെ ഉള്ള ഏറ്റവും വലിയ കട്ട് ഔട്ട് മലയാളത്തിന്റെ താര ചക്രവർത്തി മോഹൻലാലിന് വേണ്ടി അദ്ദേഹത്തിന്റെ ആരാധകർ ആലപ്പുഴ പങ്കജ് തീയേറ്ററിന് മുന്നിൽ ഉയർത്തിയത് ആയിരുന്നു. തമിഴ് നാട്ടിലെ കടുത്ത വിജയ് ആരാധകരെ പോലും തോൽപ്പിക്കുന്ന തരത്തിലാണ് കേരളത്തിലെ വിജയ് ആരാധകർ തങ്ങളുടെ താരത്തിന് വേണ്ടി ഈ പുതു ചരിത്രം സൃഷ്ടിച്ചത്.

പോപ്പുലർ മലയാളം ആക്ടർ സണ്ണി വെയ്ൻ അനാവരണം ചെയ്ത ഈ കട്ട് ഔട്ട് കാണാൻ ആയിരകണക്കിന് ആളുകളാണ് എത്തിച്ചേരുന്നത്. ഇത് കൂടാതെ ഒരു ലക്ഷം രൂപയുടെ ചാരിറ്റി പരിപാടികളും കൊല്ലം വിജയ് ഫാൻസ്‌ സർക്കാർ റിലീസിനോട് അനുബന്ധിച്ചു നടത്തുന്നുണ്ട്.

Advertisement

Copyright © 2017 onlookersmedia.

Press ESC to close