Sunday, October 2

മൂന്നു ദിവസം കൊണ്ട് 25 കോടി ക്ലബ്ബിൽ എത്തി കായംകുളം കൊച്ചുണ്ണി; നേടുന്നത് ചരിത്ര വിജയം..!

Google+ Pinterest LinkedIn Tumblr +
Want create site? Find Free WordPress Themes and plugins.

ഈ കഴിഞ്ഞ വ്യാഴാഴ്ച ഇന്ത്യയിലും ഗൾഫ് രാജ്യങ്ങളിലും റിലീസ് ചെയ്ത കായംകുളം കൊച്ചുണ്ണി എന്ന നിവിൻ പോളി- മോഹൻലാൽ ചിത്രം മൂന്നു ദിവസം കൊണ്ട് വേൾഡ് വൈഡ് കളക്ഷൻ ആയി നേടിയത് 25 കോടി. ചരിത്ര വിജയം നേടുന്ന ഈ ചിത്രം മലയാളത്തിലെ ഏറ്റവും വലിയ വിജയങ്ങളിൽ ഒന്നാവാനുള്ള തയ്യാറെടുപ്പിലാണ്. കേരളത്തിലും റസ്റ്റ് ഓഫ് ഇന്ത്യ മാർക്കറ്റിലും ഗൾഫ് രാജ്യങ്ങളിലും വമ്പൻ കളക്ഷൻ ആണ് ഈ ചിത്രം നേടുന്നത്. റോഷൻ ആൻഡ്രൂസ്- ബോബി-സഞ്ജയ് ടീം ഒരുക്കിയ ഈ ചിത്രം മികച്ച പ്രേക്ഷക പ്രതികരണവും അതോടൊപ്പം നിരൂപക പ്രശംസയുമാണ് നേടിയെടുക്കുന്നത്. നാൽപ്പത്തിയഞ്ച് കോടി രൂപ മുടക്കിയാണ് ശ്രീ ഗോകുലം മൂവീസിന്റെ ബാനറിൽ ഗോകുലം ഗോപാലൻ ഈ ചിത്രം നിർമ്മിച്ചിരിക്കുന്നത്.

ഇത്തിക്കര പക്കി ആയുള്ള മോഹൻലാലിന്റെ വിസ്മയ പ്രകടനവും കായംകുളം കൊച്ചുണ്ണി എന്ന ടൈറ്റിൽ റോളിൽ നിവിൻ കാഴ്ച വെച്ച കരിയർ ബെസ്റ്റ് പെർഫോമൻസുമാണ് ഈ ചിത്രത്തിന്റെ നട്ടെല്ലായി മാറിയത്. റോഷൻ ആൻഡ്രൂസ് എന്ന സംവിധായകന്റെ മേക്കിങ്ങും ഏറെ കയ്യടി നേടുന്നുണ്ട്. ഇരുപതു മിനിട്ടു മാത്രം നീളുന്ന അതിഥി വേഷം ആണെങ്കിലും കായംകുളം കൊച്ചുണ്ണി ഇപ്പോൾ നേടുന്ന ഈ വലിയ വിജയത്തിൽ മോഹൻലാൽ ഫാക്ടർ വഹിച്ച പങ്കു വളരെ വലുതാണ് എന്ന് പറയേണ്ടി വരും. കേരളത്തിന് അകത്തും പുറത്തും ഇന്ത്യക്കു പുറത്തു ആയാലും ഏറ്റവും കൂടുതൽ ആരാധകർ ഉള്ള മലയാള താരം എന്ന നിലയിൽ മോഹൻലാലിൻറെ ഈ ചിത്രത്തിലെ സാന്നിധ്യം കായംകുളം കൊച്ചുണ്ണിക്ക്‌ സമ്മാനിച്ചത് എക്സ്ട്രാ മൈലേജ് ആണ്. സണ്ണി വെയ്ൻ, ബാബു ആന്റണി, പ്രിയ ആനന്ദ് , ഷൈൻ ടോം ചാക്കോ, മണികണ്ഠൻ ആചാരി എന്നിവരും ഈ ചിത്രത്തിൽ മികച്ച പ്രകടനം കാഴ്ച വെച്ചിട്ടുണ്ട്.

Did you find apk for android? You can find new Free Android Games and apps.
Share.

About Author