‘കൊച്ചി പഴയ കൊച്ചിയല്ല പക്ഷേ ബിലാൽ പഴയ ബിലാൽ തന്നെയാണ്’; ‘ബിഗ് ബി’ യിലെ മാസ്സ് ഡയലോഗ്‌ പറഞ്ഞ് കർവാൻ നായിക…

Google+ Pinterest LinkedIn Tumblr +
Want create site? Find Free WordPress Themes and plugins.

ദുൽഖർ ആദ്യമായി കേന്ദ്ര കഥാപാത്രമായിയെത്തുന്ന ഹിന്ദി ചിത്രമാണ് ‘കർവാൻ’. ആകാശ് ഖുറാനയാണ് ചിത്രം സംവിധാനം ചെയ്തിരിക്കുന്നത്. ഇർഫാൻ ഖാൻ, മിഥില പൽക്കാർ, ദുൽഖർ എന്നിവരെ കേന്ദ്ര കഥാപാത്രങ്ങളാക്കി കോമഡി, ഫാമിലി എന്നിവയ്ക്ക് തുല്യ പ്രാധാന്യം നൽകികൊണ്ട് ഒരു റോഡ് മൂവിയാണ് സംവിധാനം അണിയിച്ചൊരുക്കിയിരിക്കുന്നത്. കർവാന്റെ ജി.സി.സി റിലീസ് ഇന്നലെയായിരുന്നു, എങ്ങും മികച്ച പ്രതികരണം നേടിയ ചിത്രം കേരളത്തിൽ ഇന്നാണ് പ്രദർശനത്തിനെത്തുന്നത്. 85 ഓളം തീയറ്ററുകളിൽ കേരളത്തിൽ മാത്രമായി റിലീസിന് എത്തുന്നുണ്ട്. കർവാന്റെ പ്രൊമോഷന് ഭാഗമായി ഒരു ചാനലിൽ ഇരുവരും ഡയലോഗ് ബാറ്റിൽ പരസ്പരം കളിക്കുകയുണ്ടായി. സൂം ടിവിയുടെ പരിപാടിയിലാണ് ദുൽഖർ മിഥിലയെ മലയാളം പഠിപ്പിച്ചതും മിഥില ദുൽക്കറിനെ മാറാട്ടി പഠിപ്പിച്ചതും വന്നിരിക്കുന്നത്.

Dulquer Vs Mithila – Dialogue battle

Watch what happens when Dulquer Salmaan speaks Marathi and Mithila Palkar tries her hand at Malayalam in this fun exchange of dialogues in an exclusive interaction with #Karwaan stars!

Posted by Zoom TV on Thursday, August 2, 2018

ദുൽഖറിന്റെ നീലാകാശം പച്ച കടൽ ചുവന്ന ഭൂമി എന്ന സിനിമയിലെ ഡയലോഗാണ് ദുൽഖർ ആദ്യം പറയുവാൻ ആവശ്യപ്പെട്ടത്. ‘എന്റെ വിധി എന്റെ തീരുമാനങ്ങളാണ്’, ഈ ഡയലോഗ്‌ വളരെ കഷ്ടപ്പെട്ടാണ് മിഥില പറഞ്ഞ് തീർത്തത്, എന്നാൽ മാറാട്ടിയിലെ ഡയലോഗുകൾ വളരെ അനായസത്തോട് കൂടിയാണ് ദുൽഖർ കൈകാര്യം ചെയ്തത്. രണ്ടാമതായി ബാംഗ്ലൂർ ഡേയ്സിലെ ഡയലോഗായ ‘നിന്റെ പിന്നാലെ നടക്കാനല്ല നിന്റെ ഒപ്പം നടക്കാനാണ് ഞാൻ ആഗ്രഹിക്കുന്നത്’ എന്ന ഡയലോഗായിരുന്നു പറയാൻ ആവശ്യപ്പെട്ടത്. ഏറ്റവും ഒടുവിൽ ദുൽഖർ ബിഗ് ബി യിലെ മമ്മൂട്ടിയുടെ എക്കാലത്തെയും മികച്ച ഡയലോഗുകളിൽ ഒന്നായ ‘കൊച്ചി പഴയ കൊച്ചി അല്ലെന്ന് അറിയാം പക്ഷേ ബിലാൽ പഴയ ബിലാൽ തന്നെയാണ്’ എന്ന ഡയലോഗാണ് മിഥിലയെ പഠിപ്പിച്ചത്. വളരെ രസകരമായി നടത്തിയ ഈ ഷോ സമൂഹ മാധ്യമങ്ങളിൽ ഇപ്പോൾ ശ്രദ്ധ നേടുകയാണ്.

കർവാന് വേണ്ടി തിരക്കഥ രചിച്ചിരിക്കുന്നത് ആകര്ഷ് ഖുറാന തന്നെയാണ്. സോളോയുടെ സംവിധായകൻ ബിജോയ് നമ്പ്യാരാണ് ചിത്രത്തിന് വേണ്ടി കഥ ഒരുക്കിയിരിക്കുന്നത്. അവിനാഷ് അരുനാണ് ഛായാഗ്രഹണം നിർവഹിച്ചിരിക്കുന്നത്. അജയ് ശർമ്മയാണ് എഡിറ്റിംഗ് വർക്കുകൾ കൈകാര്യം ചെയ്തിരിക്കുന്നത്. പ്രതീക് ഖുഹാദ്, അനുരാഗ് സൈക്കിയാ, ഇമാദ് ഷാ എന്നിവർ ചേർന്നാണ് സംഗീതം ഒരുക്കിയിരിക്കുന്നത്. ഇഷ്‌ക മൂവിസിന്റെയും ആർ.എസ്.വി.പി മൂവീസിന്റെയും ബാനറിൽ റോണി സ്ക്രിവാലയുണ് പ്രീതി രതി ഗുപ്‌തയും ചേർന്നാണ് ചിത്രം നിർമ്മിക്കുന്നത്. കർവാൻ നാളെ കേരളത്തിൽ പ്രദർശനത്തിനെത്തും.

Did you find apk for android? You can find new Free Android Games and apps.
Share.

About Author