Monday, November 28

വിചിത്രം: മാർത്തയായി കനി കുസൃതി

Google+ Pinterest LinkedIn Tumblr +
Want create site? Find Free WordPress Themes and plugins.

പ്രശസ്ത നടൻ ഷൈൻ ടോം ചാക്കോ നായകനായി എത്തുന്ന ഏറ്റവും പുതിയ ചിത്രങ്ങളിൽ ഒന്നാണ് വിചിത്രം. ഒക്ടോബര്‍ പതിനാലിന് റിലീസ് ചെയ്യാൻ പോകുന്ന ഈ ചിത്രത്തിന്റെ പേര് പോലെ തന്നെ ഇതിന്റെ വിചിത്രമായ പോസ്റ്ററുകളും സോഷ്യൽ മീഡിയയുടെ ശ്രദ്ധ നേടിയിരുന്നു. ഇപ്പോൾ ഈ ചിത്രത്തിലെ കാരക്ടർ പോസ്റ്ററുകളും പ്രേക്ഷകരെ ആകർഷിക്കുകയാണ്. അച്ചു വിജയൻ സംവിധാനം ചെയ്തിരിക്കുന്ന ഈ ചിത്രത്തിലെ ഒരു പ്രധാന വേഷം ചെയ്യുന്നത് കനി കുസൃതിയാണ്. മാർത്ത എന്ന കഥാപാത്രമായി അഭിനയിച്ചിരിക്കുന്ന കനി കുസൃതിയുടെ പോസ്റ്റർ ഇപ്പോൾ പുറത്ത് വന്നിട്ടുണ്ട്. ഒട്ടേറെ ശ്കതമായ കഥാപാത്രങ്ങൾ ചെയ്ത് കയ്യടി നേടിയിട്ടുള്ള നടിയാണ് കനി കുസൃതി. അവരുടെ കരിയറിലെ മറ്റൊരു ശ്കതമായ കഥാപാത്രമായിരിക്കും ഈ ചിത്രത്തിലേതെന്നാണ് സൂചന. ജോയ് മൂവി പ്രൊഡക്ഷന്‍സിന്റെ ബാനറില്‍ ഡോക്ടര്‍ അജിത് ജോയും അച്ചു വിജയനും ചേർന്നാണ് വിചിത്രം നിർമ്മിച്ചിരിക്കുന്നത്.

ഷൈൻ ടോം ചാക്കോ, കനി കുസൃതി എന്നിവർക്കു പുറമെ, ലാല്‍, ബാലു വര്‍ഗീസ്, ജോളി ചിറയത്ത്, കേതകി നാരായണ്‍ തുടങ്ങി നിരവധി പ്രമുഖ താരങ്ങൾ വേഷമിട്ട ഈ ചിത്രം രചിച്ചിരിക്കുന്നത് നിഖില്‍ രവീന്ദ്രനാണ്. ജുബൈർ മുഹമ്മദ് സംഗീത സംവിധാനം നിർവഹിച്ചിരിക്കുന്ന ഈ ചിത്രത്തിന്, അര്‍ജുന്‍ ബാലകൃഷ്ണനാണ് ഛായാഗ്രഹണം നിര്‍വഹിച്ചിരിക്കുന്നത്. സംവിധായകനായ അച്ചു വിജയൻ തന്നെയാണ് ഈ ചിത്രം എഡിറ്റ് ചെയ്തിരിക്കുന്നതും. സൂരജ് രാജ് കോ ഡയറക്ടറായും ആര്‍ അരവിന്ദന്‍ ക്രിയേറ്റീവ് ഡയറക്ടറായും ജോലി ചെയ്തിരിക്കുന്ന ഈ ചിത്രത്തിന് സൗണ്ട് ഡിസൈൻ നിർവഹിച്ചത് വിഷ്ണു ഗോവിന്ദ്, ശ്രീ ശങ്കര്‍ എന്നിവർ ചേർന്നാണ്. ദിവ്യ ജോബിയാണ് ഈ ചിത്രത്തിന്റെ വസ്ത്രാലങ്കാരം നിർവഹിച്ചത്.

Did you find apk for android? You can find new Free Android Games and apps.
Share.

About Author