ജയറാമിന്റെ മറ്റൊരു മികച്ച ചിത്രം അണിയറയിൽ ഒരുങ്ങുന്നു; ഇത്തവണ ദേശീയ അവാർഡ് ജേതാവിനൊപ്പം..

Advertisement

മലയാള സിനിമയിലെ ഏറ്റവും മികച്ച സംവിധായകരിൽ ഒരാളാണ് ജയരാജ്. 7 തവണ നാഷണൽ അവാർഡ് കാരസ്ഥമാക്കിയ വ്യക്തി കൂടിയാണ് അദ്ദേഹം, കഴിഞ്ഞ വർഷം പുറത്തിറങ്ങിയ ‘ഭയാനകം’ എന്ന ചിത്രത്തെ തേടിയും നാഷണൽ അവാർഡുകലെത്തി. ഈ വർഷത്തെ മികച്ച സംവിധായകനും, മികച്ച തിരകഥാകൃത്തിനുള്ള നാഷണൽ അവാർഡുകളാണ് ജയരാജ് ഭയാനകത്തിലൂടെ സ്വന്തമാക്കിയത്. ഇന്ത്യൻ സിനിമ തന്നെ പരിശോധിച്ചു നോക്കുമ്പോൾ മലയാളികൾക്ക് അഭിമാനമായ ഒരു സംവിധായകനാണ് ജയരാജ്. കുറെയേറെ സ്റ്റേറ്റ് അവാർഡുകളും ജയരാജ് നേടിയിട്ടുണ്ട്. 2016ൽ ബിഗ് ബഡ്ജറ്റ് ചിത്രമായ ‘വീരം’ അദ്ദേഹത്തിന്റെ പുറത്തിറങ്ങിയിരുന്നു, 3 ഭാഷകളിലായി പുറത്തിറങ്ങിയ ചിത്രം പ്രതീക്ഷിച്ച നിലവാരം പുലർത്താൻ സാധിച്ചില്ല. കഴിഞ്ഞ വർഷം പുറത്തിറങ്ങിയ ‘ഭയാനകം’ എന്ന ചിത്രത്തിലൂടെ നല്ലൊരു തിരിച്ചുവരവും മലയാള സിനിമയിൽ ജയരാജ് നടത്തിയിരുന്നു.

ജയരാജിന്റെ അണിയറയിൽ ഒരുങ്ങുന്ന ചിത്രത്തിൽ ജയറാമായിരിക്കും നായകനെന്ന് റിപ്പോർട്ടുകൾ സൂചിപ്പിക്കുന്നത്. പ്രീ പ്രൊഡക്ഷൻ വർക്കുകൾ ആരംഭിച്ചുവെന്നും സൂചനയുണ്ട്. ഔദ്യോഗിക പ്രഖ്യാപനം വൈകാതെ ജയറാമിന്റെ ഫേസ്ബുക്ക് പേജിലൂടെ ഉണ്ടാവുമെന്നാണ് അറിയാൻ സാധിച്ചത്. ചിത്രത്തിൽ വമ്പൻ താരനിരയാണെന്നും സൂചനയുണ്ട്. ജയറാമിന്റെ സ്നേഹം, പകർന്നാട്ടം എന്നീ ചിത്രങ്ങൾ സംവിധാനം ചെയ്ത് ജയരാജായിരുന്നു. 1998ൽ പുറത്തിറങ്ങിയ സ്നേഹം ഒരുപാട് പ്രശംസകൾ നേടിയിരുന്നു, പിന്നീട് 13 വർഷങ്ങൾക്ക് ശേഷമായിരുന്നു ജയരാജ്- ജയറാം വീണ്ടും ‘പകർന്നാട്ടം’ എന്ന ചിത്രത്തിന് വേണ്ടി ഒന്നിക്കുന്നത്. 7 വർഷങ്ങൾക്ക് ശേഷം വീണ്ടും ജയറാമിന് അതിശക്തമായ കഥാപാത്രത്തെ ഒരുക്കിയാണ് ജയരാജ് വരുന്നത്. ‘പഞ്ചവർണ്ണതത്ത’ എന്ന ചിത്രത്തിലൂടെ മലയാള സിനിമയിൽ ഈ വർഷമാണ് ജയറാം അതിശക്തമായ തിരിച്ചു വരവ് നടത്തിയത്. ജയറാം എന്ന നടനെ വർഷങ്ങൾക്കു ശേഷം കണ്ട സിനിമ പ്രേമികൾ ജയരാജിന്റെ സിനിമയുടെ ഔദ്യോഗിക പ്രഖ്യാപനത്തിനായി കാത്തിരിക്കുകയാണ്.

Advertisement
Advertisement

Copyright © 2017 onlookersmedia.

Press ESC to close