Tuesday, May 24

പേടിച്ചു പിന്മാറാൻ ഇല്ല; നയം വ്യക്‌തമാക്കി ഹൃദയം ടീം..!

Google+ Pinterest LinkedIn Tumblr +
Want create site? Find Free WordPress Themes and plugins.

യുവ താരം പ്രണവ് മോഹൻലാൽ നായകനായി എത്തുന്ന പുതിയ ചിത്രമാണ് ഹൃദയം. പ്രശസ്ത സംവിധായകൻ വിനീത് ശ്രീനിവാസൻ രചിച്ചു സംവിധാനം ചെയ്ത ഈ ചിത്രം ഇന്ന് മലയാള സിനിമാ പ്രേക്ഷകർ ഏറ്റവും കൂടുതൽ കാത്തിരിക്കുന്ന ചിത്രം കൂടിയാണ്. ഇതിലെ ഇതുവരെ പുറത്തു വന്ന ഗാനങ്ങൾ എല്ലാം തന്നെ സൂപ്പർ ഹിറ്റായി മാറിയത് പ്രതീക്ഷകൾക്ക് ആക്കം കൂട്ടിയിട്ടുമുണ്ട്. ജനുവരി ഇരുപത്തിയൊന്നിന് ആണ് ഈ ചിത്രം തീയേറ്ററുകളിൽ എത്തുക. എന്നാൽ കോവിഡ് വ്യാപനത്തെ തുടർന്ന് ഉണ്ടായ നിയന്ത്രണങ്ങളുമായി ബന്ധപെട്ടു ദുൽഖർ സൽമാൻ ചിത്രം സല്യൂട്ട്, ടോവിനോ തോമസ് ചിത്രം നാരദൻ എന്നിവയെല്ലാം ജനുവരിയിൽ നിന്ന് റിലീസ് ഡേറ്റ് മാറ്റിയിരുന്നു. അതോടൊപ്പം ഒട്ടേറെ വമ്പൻ അന്യ ഭാഷാ ചിത്രങ്ങളും റിലീസ് മാറ്റി. എന്നാൽ തങ്ങൾ ജനുവരി ഇരുപത്തിയൊന്നിന് തന്നെ ഹൃദയം റിലീസ് ചെയ്യുമെന്നും, റിലീസ് മാറ്റി എന്ന രീതിയിൽ പരക്കുന്ന വാർത്തകൾ സത്യവിരുദ്ധമാണെന്നും ഹൃദയം ടീം അറിയിച്ചു.

ഏതെങ്കിലും തരത്തിലുള്ള ലോക്ക് ഡൌൺ, നൈറ്റ് കർഫ്യു, ഞായറാഴ്ച കർഫ്യു തുടങ്ങിയ നടപടികൾ കോവിഡ് നിയന്ത്രണത്തിന്റെ ഭാഗമായി ഉണ്ടായില്ല എങ്കിൽ, ഹൃദയം റിലീസ് മാറ്റില്ല എന്ന് തന്നെയാണ് അണിയറ പ്രവർത്തകരുടെ തീരുമാനം. ഇപ്പോൾ നിലവിൽ അമ്പതു ശതമാനം മാത്രം സീറ്റിങ് കപ്പാസിറ്റിയിൽ ആണ് കേരളത്തിലെ തീയേറ്ററുകൾ കളിക്കുന്നത്. കല്യാണി പ്രിയദർശൻ, ദർശന രാജേന്ദ്രൻ, അജു വർഗീസ്, വിജയ രാഘവൻ എന്നിവരും അഭിനയിച്ചിരിക്കുന്നു ഹൃദയം, വര്ഷങ്ങള്ക്കു ശേഷം മെറിലാൻഡ് സിനിമാസ് നിർമ്മിക്കുന്ന ചിത്രം കൂടിയാണ്. വിശാഖ് സുബ്രമണ്യം ആണ് ഈ ബാനറിൽ ഹൃദയം നിർമ്മിച്ചിരിക്കുന്നത്.

Did you find apk for android? You can find new Free Android Games and apps.
Share.

About Author