Tuesday, May 24

ഏറ്റവും കൂടുതൽ കാണാൻ ഇഷ്ടം മോഹൻലാൽ സാറിന്റെ ചിത്രങ്ങൾ; ആ ചിത്രം പത്തിലധികം തവണ കണ്ടു; വെളിപ്പെടുത്തി ഗൗതം മേനോൻ..!

Google+ Pinterest LinkedIn Tumblr +
Want create site? Find Free WordPress Themes and plugins.

ഇന്ത്യൻ സിനിമയിലെ തന്നെ ഏറ്റവും മികച്ച സംവിധായകരിൽ ഒരാളാണ് തമിഴ് സംവിധായകൻ ആയ ഗൗതം വാസുദേവ് മേനോൻ. ഒട്ടേറെ ക്ലാസിക് തമിഴ് ചിത്രങ്ങൾ നമ്മുക്ക് സമ്മാനിച്ചിട്ടുള്ള അദ്ദേഹം ഒരു മികച്ച നടൻ കൂടിയാണ്. ഫഹദ് ഫാസിൽ നായകനായ അൻവർ റഷീദ് ചിത്രമായ ട്രാൻസിലൂടെ മലയാളത്തിലും ഒരു മികച്ച വേഷം അദ്ദേഹം അഭിനയിച്ചിരുന്നു. ഇപ്പോൾ ഒട്ടേറെ ചിത്രങ്ങളുമായി തിരക്കിലാണ് ഗൗതം മേനോൻ എന്ന നടനും സംവിധായകനും. കേരളത്തിലും ഒട്ടേറെ ആരാധകർ ഉള്ള സംവിധായകൻ ആണ് ഗൗതം മേനോൻ. മലയാളത്തിലെ തന്റെ ഏറ്റവും പ്രീയപ്പെട്ട നടൻ മോഹൻലാൽ ആണെന്നും അദ്ദേഹത്തെ നായകനാക്കി ഒരു ചിത്രം ചെയ്യണം എന്നതാണ് തന്റെ സ്വപ്നം എന്നും ഗൗതം മേനോൻ പറയുന്നു. അദ്ദേഹത്തെ പോലെ മികച്ച ഒരു നടനെ താൻ വേറെ കണ്ടിട്ടില്ല എന്നും ഇന്ത്യൻ സിനിമയിലെ ഏറ്റവും മികച്ച നടൻമാർ ആരാണെന്നു ചോദിച്ചാൽ മോഹൻലാൽ, കമൽ ഹാസൻ എന്നേ താൻ പറയു എന്നും ഗൗതം മേനോൻ പല തവണ പറഞ്ഞിട്ടുണ്ട്.

ഇപ്പോഴിതാ ഫിലിം കംപാനിയൻ സൗത്ത് നടത്തിയ ഒരു അഭിമുഖത്തിൽ താൻ ഏറ്റവും കൂടുതൽ കാണുന്ന മലയാള ചിത്രങ്ങൾ മോഹൻലാൽ സർ അഭിനയിച്ചതാണ് എന്ന് പറയുകയാണ് ഗൗതം മേനോൻ. താൻ അദ്ദേഹത്തെ ഒരുപാട് ശ്രദ്ധിക്കുന്ന ഒരു ആരാധകൻ ആണെന്നും ദൃശ്യം 2 എന്ന കഴിഞ്ഞ വർഷം വന്ന മോഹൻലാൽ ചിത്രം താൻ ഇതിനോടകം പത്തു തവണയെങ്കിലും കണ്ടു കാണുമെന്നും ഗൗതം മേനോൻ വെളിപ്പെടുത്തി. ജീത്തു ജോസഫ് ഒരുക്കിയ ദൃശ്യം 2 ഒടിടി റിലീസ് ആയെത്തി ആഗോള തലത്തിൽ വരെ ശ്രദ്ധ നേടി മഹാവിജയം നേടിയെടുത്ത ചിത്രമാണ്. ജോഷുവ, ധ്രുവ നചത്രം, വെന്തു തനിന്ദത് കാട് എന്നിവയാണ് ഇനി റിലീസ് ചെയ്യാൻ ഉള്ള, ഗൗതം മേനോൻ സംവിധാനം ചെയ്ത ചിത്രങ്ങൾ. ഇത് മൂന്നും ഈ വർഷം തന്നെ റിലീസ് ചെയ്യുമെന്നാണ് പ്രതീക്ഷ.

Did you find apk for android? You can find new Free Android Games and apps.
Share.

About Author