നവാഗത സംവിധായകരായ പുഷ്കർ- ഗായത്രി ടീം ഒരുക്കിയ വിക്രം വേദ എന്ന തമിഴ് ചിത്രം വലിയ രീതിയിൽ ചർച്ച ചെയ്യപ്പെട്ട ഒരു ചിത്രമാണ്. ഈ മാസ്സ് ചിത്രം റിലീസ് ചെയ്തത് 2017 ലാണ്. പ്രശസ്ത താരങ്ങളായ മാധവൻ, മക്കൾ സെൽവൻ വിജയ് സേതുപതി എന്നിവർ ടൈറ്റിൽ വേഷങ്ങൾ ചെയ്ത ഈ ചിത്രം വമ്പൻ ഹിറ്റായിരുന്നു എന്ന് മാത്രമല്ല, പാൻ ഇന്ത്യ ലെവലിൽ തന്നെ വലിയ പ്രേക്ഷക- നിരൂപക പ്രശംസയാണ് ഇതിനു ലഭിച്ചത്. ഈ ചിത്രത്തിന്റെ ഹിന്ദി റീമേക് ഇപ്പോൾ ഒരുങ്ങിക്കൊണ്ടിരിക്കുകയാണ്. തമിഴ് ഒരുക്കിയ പുഷ്കർ- ഗായത്രി ടീം തന്നെയാണ് ഈ ഹിന്ദി റീമേക്കും സംവിധാനം ചെയ്യുന്നത്. ബോളിവുഡ് സൂപ്പർ താരങ്ങളായ ഹൃതിക് റോഷൻ, സൈഫ് അലി ഖാൻ എന്നിവർ ടൈറ്റിൽ വേഷങ്ങൾ ചെയ്യുന്ന ഈ ഹിന്ദി റീമേക്കിൽ, തമിഴിൽ മാധവൻ ചെയ്ത വിക്രം എന്ന പോലീസ് ഓഫീസർ കഥാപാത്രമായി സൈഫ് അലി ഖാൻ എത്തുമ്പോൾ, അതിൽ വിജയ് സേതുപതി ചെയ്ത വേദ എന്ന ഗ്യാങ്സ്റ്റർ കഥാപാത്രമായി ഹൃതിക് റോഷൻ അഭിനയിക്കുന്നു. ഹൃതിക് റോഷന്റെ വേദ കഥാപാത്രത്തിന്റെ ലുക്ക് അണിയറ പ്രവർത്തകർ നേരത്തെ തന്നെ റിലീസ് ചെയ്തിരിന്നു.
ഇപ്പോൾ വിക്രം ആയുള്ള സൈഫ് അലി ഖാന്റെ ലുക്ക് ആണ് അവർ പുറത്തു വിട്ടിരിക്കുന്നത്. അദ്ദേഹത്തിന്റെ ഈ സ്റ്റൈലിഷ് മാസ്സ് ലുക്ക് ഇപ്പോൾ സോഷ്യൽ മീഡിയയിൽ വൈറലായി മാറുകയാണ്. പ്രശസ്ത നടി രാധിക ആപ്‌തെ ആണ് ഈ ഹിന്ദി റീമേക്കിലെ മറ്റൊരു പ്രധാന കഥാപാത്രം ചെയ്യുന്നത്. ഭൂഷൺ കുമാറിന്റെ ടി സീരിസ്, റിലയൻസ് എന്റെർറ്റൈന്മെന്റ്സ്, ഫ്രൈഡേ ഫിലിം വർക്സ്, എസ് ശശികാന്തിന്റെ വൈ നോട് സ്റ്റുഡിയോസ് എന്നിവർ ചേർന്ന് സംയുക്തമായി നിർമ്മിച്ച ഈ ചിത്രം ഈ വർഷം സെപ്റ്റംബറിൽ ആയിരിക്കും റിലീസ് ചെയ്യുക എന്നാണ് സ്ഥിതീകരിക്കാത്ത റിപ്പോർട്ടുകൾ പറയുന്നത്.
विक्रम
— Hrithik Roshan (@iHrithik) February 24, 2022
.
VIKRAM
P.s : working with one of the finest actor and a colleague I have admired for years is going to be an experience I’m going to cherish. Can’t wait!#VikramVedha #SaifAliKhan #VikramFirstLook pic.twitter.com/v6qDbXypNK
