Tuesday, August 16

ബോളിവുഡിൽ തരംഗം സൃഷ്ട്ടിക്കാൻ ദുൽഖർ സൽമാൻ; ‘കർവാൻ’ ട്രൈലർ നാളെ ….

Google+ Pinterest LinkedIn Tumblr +
Want create site? Find Free WordPress Themes and plugins.

മലയാള സിനിമയിലെ യുവ നടന്മാരിൽ ഏറെ ശ്രദ്ധേയനായ താരമാണ് ദുൽഖർ സൽമാൻ. ചുരുങ്ങിയ കാലങ്ങൾകൊണ്ട് വലിയ തോതിൽ ആരാധകരെ സൃഷ്ട്ടിക്കാൻ താരത്തിന് സാധിച്ചു. മലയാള സിനിമയിൽ അദ്ദേഹത്തിന്റെ അവസാനമായി പ്രദർശനത്തിനെത്തിയ ചിത്രമായിരുന്നു ‘സോളോ’. ദുൽഖറിന്റെ അടുത്തിടെ പുറത്തിറങ്ങിയ തമിഴ് ചിത്രമായിരുന്നു ‘മഹാനടി’, ജെമിനി ഗണേശനായി അദ്ദേഹത്തിന്റെ പ്രകടനത്തിന് ഒരുപാട് പ്രശംസകൾ തേടിയത്തി. ദുൽഖർ സൽമാൻ ആദ്യമായി കേന്ദ്ര കഥാപാത്രത്തെ അവതരിപ്പിക്കുന്ന ഹിന്ദി ചിത്രമായ കർവാനാണ് റീലീസിനായി ഒരുങ്ങുന്നത്. ആകർഷ് ഖുറാനായാണ് ‘കർവാൻ’ സംവിധാനം ചെയ്യുന്നത്. കർവാന്റെ ആദ്യ പോസ്റ്റർ ഇന്ന് പുറത്തിറങ്ങുകയും സിനിമ പ്രേമികൾ ഇരുകൈയും നീട്ടിസ്വീകരിച്ചു. ദുൽഖർ എന്ന നടൻ കാരണം ആദ്യമായി ഒരു ഹിന്ദി പോസ്റ്റർ സൗത്ത് ഇന്ത്യയിലും ട്രെൻഡിങ്ങായി മാറി.

എല്ലാവരും ആകാംഷയോടെ കാത്തിരിക്കുന്ന ‘കർവാൻ’ സിനിമയുടെ ട്രൈലർ നാളെ പുറത്തിറങ്ങും. ദുൽഖർ സൽമാൻ, ഇർഫാൻ ഖാൻ, മിതില പൾക്കർ തുടങ്ങിയവരാണ് ചിത്രത്തിൽ കേന്ദ്ര കഥാപാത്രങ്ങളായി അവതരിപ്പിക്കുന്നത്. മൂന്ന് സുഹൃത്തുക്കളുടെ കഥ പറയുന്ന ഈ ചിത്രം ഒരു റോഡ് ഫൻ എന്റർട്ടയിനറായിരിക്കും. ഹാസ്യത്തിന് ഏറെ പ്രാധാന്യം നൽകുന്ന ഈ ചിത്രത്തിൽ ബാംഗ്ലൂറിൽ താമസിക്കുന്ന യുവാവായാണ് ദുൽഖർ വേഷമിടുന്നത്. ദുൽഖർ സൽമാൻ കരിയറിൽ തന്നെ ഇതുവരെ ചെയ്യാത്ത ഒരു വേഷമായിരിക്കും കർവാനിലേത്. ചിത്രത്തിൽ പ്രേമ രംഗങ്ങളോ, പ്രേമ ഗാനങ്ങളുമില്ല എന്നത് ഒരു പ്രത്യേകതയാണ്.

ദുൽഖർ ചിത്രം സോളോ സിനിമയുടെ സംവിധായകൻ ബിജോയ് നമ്പ്യാറാണ് ‘കർവാൻ’ സിനിമയുടെ കഥ രചിച്ചിരിക്കുന്നത്. അനുരാഗ് സൈകിയയാണ് ചിത്രത്തിന് സംഗീതം ഒരുക്കിയിരിക്കുന്നത്. ഛായാഗ്രഹണം നിർവഹിച്ചിരിക്കുന്നത് അവിനാഷ് അരുനാണ്. ആർ.എസ്.വി.പി ഇഷ്‌ക ഫിലിംസിന്റെ ബാനറിൽ റോണ്ണി സ്ക്രീവാലയാണ് ചിത്രം നിർമ്മിച്ചിരിക്കുന്നത്. ഓഗസ്റ്റ് 3ന് ലോകമെമ്പാടും ചിത്രം പ്രദർശനത്തിനെത്തും.

Did you find apk for android? You can find new Free Android Games and apps.
Share.

About Author