Friday, August 19

ഹിറ്റ് നായികമാർ ഒരുമിച്ചെത്തുന്നു, ഒപ്പം ഹിറ്റ് തിരക്കഥാകൃത്തുക്കളും; ദുൽഖറിന്റെ ഒരു യമണ്ടൻ പ്രേമകഥ വരുന്നു..!

Google+ Pinterest LinkedIn Tumblr +
Want create site? Find Free WordPress Themes and plugins.

കഴിഞ്ഞ വർഷം റിലീസ് ചെയ്ത തമിഴ്- മലയാളം ദ്വിഭാഷാ ചിത്രമായ സോളോക്കു ശേഷം ദുൽഖർ സൽമാൻ നായകനായ ഒറ്റ മലയാളം ചിത്രം പോലും റിലീസ് ചെയ്തിട്ടില്ല. അതിനിടയിൽ ഇവിടെ റിലീസ് ചെയ്തത് ദുൽഖറിന്റെ തെലുങ്ക് ചിത്രമായ മഹാനടിയും ഹിന്ദി ചിത്രമായ കർവാനും ആയിരുന്നു. തെലുങ്കിൽ വിജയമായി എങ്കിലും മഹാനടി കേരളത്തിൽ ചലനം ഉണ്ടാക്കിയില്ല. ഹിന്ദി ചിത്രമായ കർവാൻ മികച്ച നിരൂപക പ്രശംസ നേടിയെങ്കിലും ബോക്സ് ഓഫീസിൽ വിജയമാവാതെ പോവുകയും ചെയ്തു. ദുൽഖർ സൽമാനെ സംബന്ധിച്ചിടത്തോളം മലയാളത്തിൽ ഒരു ബോക്സ് ഓഫീസ് വിജയം ഉടനെ ലഭിച്ച പറ്റു എന്നും ട്രേഡ് അനലിസ്റ്റുകൾ അഭിപ്രായപ്പെടുന്നു. എന്നാൽ ദുൽഖറിന്റെ അടുത്ത മലയാളം റിലീസ് സൂപ്പർ ഹിറ്റ് ആവും എന്ന വിശ്വാസത്തിൽ ആണ് ദുൽഖർ ആരാധകർ. കാരണം ദുൽഖറിനൊപ്പം ഒരു ഹിറ്റ് ടീം തന്നെയാണ് ഈ ചിത്രത്തിൽ ഉള്ളത്.

അമർ അക്ബർ അന്തോണി, കട്ടപ്പനയിലെ ഋത്വിക്‌ റോഷൻ എന്നീ ബ്ലോക്ക്ബസ്റ്റർ ചിത്രങ്ങൾക്ക് ശേഷം വിഷ്ണു ഉണ്ണികൃഷ്ണൻ- ബിബിൻ ജോർജ് ടീം തിരക്കഥ എഴുതിയ ഒരു യമണ്ടൻ പ്രേമ കഥയാണ് ദുൽകർ ഇപ്പോൾ ചെയ്തു കൊണ്ടിരിക്കുന്ന മലയാള ചിത്രം. നവാഗതനായ ബി സി നൗഫൽ ഒരുക്കുന്ന ഈ ചിത്രം നിർമ്മിക്കുന്നത് ആന്റോ ജോസഫ് ആണ്. ഇതിലെ ദുൽഖറിന്റെ നായികമാരും ഇപ്പോൾ വിജയ ചിത്രങ്ങളിലൂടെ ശ്രദ്ധ നേടിയ രണ്ടു പേരാണ്. ടോവിനോ തോമസ് നായകനായ സൂപ്പർ ഹിറ്റ് ചിത്രം തീവണ്ടിയിലെ നായികയായ സംയുക്ത മേനോനും സൂപ്പർ ഹിറ്റായ വിനീത് ശ്രീനിവാസൻ ചിത്രം അരവിന്ദന്റെ അതിഥികളിലെ നായികയായ നിഖില വിമലുമാണ് ഈ ചിത്രത്തിൽ ദുൽഖർ സൽമാന്റെ നായികമാർ. ഒരു പക്കാ കോമഡി എന്റെർറ്റൈനെർ ആയി ഒരുക്കുന്ന ഈ ചിത്രത്തിൽ വമ്പൻ താര നിര തന്നെയാണ് അണിനിരക്കുന്നത്. അടുത്ത വർഷം ജനുവരിയിൽ ഈ ചിത്രം റിലീസ് ചെയ്യും. ദുൽഖർ ഇപ്പോൾ കണ്ണും കണ്ണും കൊള്ളയ് അടിത്താൽ, വാൻ എന്നീ തമിഴ് ചിത്രങ്ങളും, സോയ ഫാക്ടർ എന്ന ഹിന്ദി ചിത്രവും ചെയ്യുന്നുണ്ട്.

Did you find apk for android? You can find new Free Android Games and apps.
Share.

About Author