മലയാള സിനിമ പ്രേക്ഷകർ ഏറെ കാത്തിരുന്ന കൂട്ടുകെട്ടായിരുന്നു ദിലീപ്-നാദിർഷാ കൂട്ടുകെട്ട്. മിമിക്രിയിൽ നിന്നും സംവിധാനരംഗത്തേക്ക് എത്തിയ നാദിർഷ രണ്ട് ചിത്രങ്ങൾ സംവിധാനം ചെയ്തെങ്കിലും ദിലീപിനൊപ്പമുള്ള സിനിമ എപ്പോൾ ആണെന്നാണ് സിനിമാലോകത്തു നിന്നും ഉയർന്നു കേട്ടിരുന്ന ചോദ്യം.
സൂപ്പർ ഹിറ്റുകളായ അമർ അക്ബർ അന്തോണി, കട്ടപ്പനയിലെ ഋതിക് റോഷൻ എന്നീ സിനിമകൾക്ക് ശേഷം നാദിർഷ ദിലീപിനെ നായകനാക്കി സിനിമ ഒരുക്കുന്നു എന്ന വാർത്തകൾ എത്തിയിരുന്നു. എന്നാൽ ആ സമയത്ത് നടിയെ ആക്രമിച്ച കേസിൽ ദിലീപ് അറസ്റ്റിലായതൊട് കൂടി ആ വാർത്തകളും നിലച്ചു.
ഇപ്പോൾ വീണ്ടും ദിലീപ്-നാദിർഷ കൂട്ടുകെട്ടിൽ നിന്നും സിനിമ ഒരുക്കുന്നു എന്ന വാർത്തകൾ ആണ് സിനിമാലോകത്തു നിന്നും ലഭിക്കുന്നത്. ഫഹദിനെ നായകനാക്കി ദിലീഷ് പോത്തൻ സംവിധാനം ചെയ്ത തൊണ്ടി മുതലും ദൃക്‌സാക്ഷിയ്ക്കും തിരക്കഥ ഒരുക്കിയ സജീവ് പാഴൂർ ആണ് ഈ ചിത്രത്തിന് വേണ്ടി തിരക്കഥ ഒരുക്കുന്നത്.
കേശു ഈ വീടിന്റെ നാഥൻ എന്ന് പേരിട്ടിരിക്കുന്ന ചിത്രം തൊണ്ടിമുതലും ദൃക്സാക്ഷിയും പോലെ ഒരു റിയലിസ്റ്റിക് രീതിയിലുള്ള സമീപനം തന്നെയായിരിക്കുമെന്നാണ് കരുതുന്നത്.
