ദിലീപ്- ബി ഉണ്ണികൃഷ്ണൻ ചിത്രം നീതി; നിർമ്മാണം ബോളിവുഡ് കമ്പനി..!

Advertisement

ജനപ്രിയ നായകൻ ദിലീപിനെ നായകനാക്കി ബി ഉണ്ണികൃഷ്ണൻ ഒരുക്കുന്ന പുതിയ ചിത്രത്തിന് പേരിട്ടു. നീതി എന്നാണ് ഈ ചിത്രത്തിന് നൽകിയിരിക്കുന്ന ടൈറ്റിൽ. ദിലീപിനെ നായകനാക്കി ബി ഉണ്ണികൃഷ്ണൻ ആദ്യമായി സംവിധാനം ചെയ്യുന്ന ചിത്രമാണ് നീതി. ഈ ചിത്രത്തിൽ ദിലീപ് ഒരു വക്കീൽ ആയാണ് അഭിനയിക്കുന്നത് എന്നും, വിക്കനായ ഒരു വക്കീലാണ് ദിലീപെന്നും റിപ്പോർട്ടുകൾ ഉണ്ട്. ബോളിവുഡ് ഭീമന്മാർ ആയ വയാകോം 18 മോഷൻ പിക്ചർസ്‌ ന്റെ മലയാള സിനിമയിലെ ആദ്യത്തെ നിർമ്മാണ സംരംഭമാണ് ഈ ചിത്രം എന്നതും നീതിയുടെ പ്രത്യേകതയാണ്. പ്രമുഖ ബോളിവുഡ് നിർമ്മാണ കമ്പനിയായ യു ടി വി മലയാളത്തിൽ എത്തിയത് ബി ഉണ്ണികൃഷ്ണൻ- മോഹൻലാൽ ടീമിന്റെ ഗ്രാൻഡ് മാസ്റ്ററിലൂടെയും , റോക്ക് ലൈൻ പിക്ചർസ്‌ മലയാളത്തിൽ എത്തിയത് ബി ഉണ്ണികൃഷ്ണൻ- മോഹൻലാൽ ടീമിന്റെ വില്ലനിലൂടെയും ആയിരുന്നു.

ഇപ്പോഴിതാ മറ്റൊരു ബി ഉണ്ണികൃഷ്ണൻ ചിത്രത്തിലൂടെ വലിയൊരു നിർമ്മാണ കമ്പനി കൂടി മലയാളത്തിൽ എത്തുകയാണ്. നീതി എന്ന ഈ ചിത്രത്തിൽ ദിലീപിന് രണ്ടു നായികമാർ ഉണ്ടെന്നാണ് റിപ്പോർട്ടുകൾ പറയുന്നത്. മമത മോഹൻദാസും , പ്രിയ ആനന്ദും ആയിരിക്കും ആ നായികമാർ. പൃഥ്വിരാജ് സുകുമാരനൊപ്പം എസ്രാ എന്ന ചിത്രത്തിലൂടെ മലയാളത്തിൽ എത്തിയ പ്രിയ ആനന്ദ് പിന്നീട് നിവിൻ പോളിയുടെ നായിക ആയി കായംകുളം കൊച്ചുണ്ണി എന്ന ചിത്രത്തിലും അഭിനയിച്ചു. നീതി എന്ന ചിത്രത്തിന് വേണ്ടി സംഗീതം ഒരുക്കുന്നത് രാഹുൽ രാജ് ആണ്. അടുത്ത വർഷം റിലീസ് ചെയ്യാൻ പാകത്തിനാണ് ഈ ചിത്രത്തിന്റെ ഷൂട്ടിംഗ് പ്ലാൻ ചെയ്യുന്നത് എന്നാണ് റിപ്പോർട്ടുകൾ പറയുന്നത്. സംവിധായകൻ ബി ഉണ്ണികൃഷ്ണൻ തന്നെയാണ് ഇതിനു രചനയും നിർവഹിച്ചിരിക്കുന്നത്.

Advertisement
Advertisement

Copyright © 2017 onlookersmedia.

Press ESC to close