Wednesday, May 25

രാമലീല ടീം വീണ്ടും ഒന്നിക്കുന്നു; അരുൺ ഗോപിയുടെ ദിലീപ് ചിത്രം ഒരുങ്ങുന്നു..!

Google+ Pinterest LinkedIn Tumblr +
Want create site? Find Free WordPress Themes and plugins.

രാമലീല എന്ന സൂപ്പർ ഹിറ്റ് ചിത്രമൊരുക്കി മലയാളത്തിൽ അരങ്ങേറ്റം കുറിച്ച സംവിധായകൻ ആണ് അരുൺ ഗോപി. ദിലീപ് നായകനായി എത്തിയ ഈ ചിത്രം രചിച്ചത്, അന്തരിച്ചു പോയ രചയിതാവും സംവിധായകനുമായ സച്ചിയാണ്. ഒരു പൊളിറ്റിക്കൽ ത്രില്ലർ ആയാണ് ഈ ചിത്രം ഒരുക്കിയത്. അതിനു ശേഷം പ്രണവ് മോഹൻലാൽ നായകനായ ഇരുപത്തിയൊന്നാം നൂറ്റാണ്ട് എന്ന ചിത്രമാണ് അരുൺ ഗോപി ഒരുക്കിയത്. ഇപ്പോഴിതാ, തന്റെ മൂന്നാം ചിത്രത്തിന് വേണ്ടി അദ്ദേഹം വീണ്ടും ദിലീപുമായി ഒന്നിക്കുന്നു എന്ന വാർത്തയാണ് വരുന്നത്. ചിത്രം ഔദ്യോഗികമായി പ്രഖ്യാപിച്ചിട്ടില്ല എങ്കിലും, ഈ ചിത്രം ഉണ്ടാകും എന്നുള്ള റിപ്പോർട്ടുകൾ ആണ് സോഷ്യൽ മീഡിയയിൽ പ്രചരിക്കുന്നത്. ഉദയ കൃഷ്ണയാണ് ഈ ദിലീപ് ചിത്രം രചിക്കുന്നത് എന്നാണ് സൂചന. സിബി കെ തോമസ്- ഉദയ കൃഷ്ണ ടീം ഒട്ടേറേ ദിലീപ് ചിത്രങ്ങൾ ഒരുക്കിയിട്ടുണ്ട് എങ്കിലും, ഉദയ കൃഷ്ണ ഒറ്റയ്ക്ക് രചിക്കുന്ന ആദ്യത്തെ ദിലീപ് ചിത്രമാകും ഈ അരുൺ ഗോപി പ്രൊജക്റ്റ്.

ഈ ചിത്രത്തിന്റെ തിരക്കഥ പൂർത്തിയായി എന്നും ഇതൊരു മാസ്സ് എന്റെർറ്റൈനെർ ആയിരിക്കുമെന്നും ഉദയ കൃഷ്ണ ഒറ്റിറ്റി പ്ളേ എന്ന ഓൺലൈൻ മാധ്യമത്തോട് പറഞ്ഞു എന്ന് അവർ റിപ്പോർട്ട് ചെയ്യുന്നു. റാഫി ഒരുക്കിയ വോയിസ് ഓഫ് സത്യനാഥൻ ആണ് ഇനി റിലീസ് ചെയ്യാനുള്ള ദിലീപ് ചിത്രം. ഇത് കൂടാതെ പാതി ഷൂട്ടിംഗ് കഴിഞ്ഞു നിൽക്കുന്ന പ്രൊഫസ്സർ ഡിങ്കൻ എന്ന ചിത്രവും ദിലീപിന് പൂർത്തിയാക്കാൻ ഉണ്ട്. വിയാൻ വിഷ്ണു ഒരുക്കാൻ പോകുന്ന സൂപ്പർ ഹീറോ ചിത്രമായ പറക്കും പപ്പനും ദിലീപ് കമ്മിറ്റ് ചെയ്തിട്ടുള്ള ചിത്രമാണ്. ഉദയ കൃഷ്ണ രചിച്ച രണ്ടു മോഹൻലാൽ ചിത്രങ്ങളാണ് ഇനി റിലീസ് ചെയ്യാനുള്ളത്. ഒന്ന് ബി ഉണ്ണികൃഷ്ണൻ ഒരുക്കിയ ആറാട്ടും മറ്റൊന്ന് വൈശാഖ് ഒരുക്കിയ മോൺസ്റ്റർ എന്ന ചിത്രവുമാണ്.

Did you find apk for android? You can find new Free Android Games and apps.
Share.

About Author