എനിക്കും കത്രീനക്കും ഒരുപാട് തെറ്റുകൾ പറ്റി, പറഞ്ഞു തരാൻ ആരും ഉണ്ടായില്ല; വെളിപ്പെടുത്തി ദീപിക പദുകോൺ..!

Google+ Pinterest LinkedIn Tumblr +
Want create site? Find Free WordPress Themes and plugins.

ഇന്ന് ഇന്ത്യൻ സിനിമയിലെ സൂപ്പർ നായികാ താരങ്ങൾ ആണ് ദീപിക പദുക്കോൺ, കത്രീന കൈഫ് എന്നിവർ. ബോളിവുഡ് നടന്മാരായ രൺവീർ സിങ്, വിക്കി കൗശൽ എന്നിവരാണ് യഥാക്രമം ഇവരെ വിവാഹം കഴിച്ചത്. വിവാഹത്തിന് ശേഷവും തങ്ങളുടെ അഭിനയ ജീവിതവുമായി മുന്നോട്ടു പോകുന്ന നടിമാരാണ് ഇവർ രണ്ടു പേരും. ഇപ്പോഴിതാ തന്റെ പുതിയ ചിത്രമായ ഗെഹ്‌രായിയാനിന്റെ പ്രമോഷന്റെ ഭാഗമായി നടന്ന ഒരു അഭിമുഖത്തിൽ ദീപിക പദുക്കോൺ വെളിപ്പെടുത്തിയ ചില കാര്യങ്ങൾ വലിയ ശ്രദ്ധ നേടുകയാണ്. പുറമേ നിന്നും കാണുന്നത് പോലെ അത്ര സ്വപ്നതുല്യമോ ലളിതമോ ആയിരുന്നില്ല തന്റെ തുടക്കം എന്നും, സിനിമയില്‍ വന്ന സമയത്ത് തനിക്കും കത്രീന കൈഫിനുമൊന്നും പി.ആര്‍ ടീമോ മാനേജറോ ഒന്നും തന്നെ ഉണ്ടായിരുന്നിള്ള എന്നും ദീപിക പറയുന്നു.

പലപ്പോഴും സ്വയം മേക്കപ്പ് ചെയ്തായിരുന്നു പരിപാടികളില്‍ പങ്കെടുത്തത് എന്നും സ്വന്തം വസ്ത്രങ്ങൾ ആയിരുന്നു ധരിച്ചിരുന്നത് എന്നും അവർ പറഞ്ഞു. താനും കത്രീന കൈഫും, രണ്ട് ഘട്ടത്തിന്റേയും മിക്സ് ആയിരുന്നു എന്നും അന്ന് തങ്ങൾക്കു അതൊന്നുമുണ്ടായിരുന്നില്ല എന്നും ദീപിക വിശദീകരിക്കുന്നു. പിന്നെയാണ് ആ സംസ്‌കാരം വരുന്നതും തങ്ങൾ അതിലേക്ക് ചെന്നെത്തുന്നത് എന്നും ദീപിക കൂട്ടിച്ചേർത്തു. ഇന്നത്തെ താരങ്ങള്‍ക്ക് ഒരുപാട് വഴികളിലൂടെ സഹായം ലഭിക്കുന്നുണ്ടെന്നും, അരങ്ങേറ്റത്തിന് മുൻപ് തന്നെ എങ്ങനെ ഇരിക്കണം, എന്ത് സംസാരിക്കണം, എന്ത് ധരിക്കണം, എങ്ങനെയാണ് മുടിയും മേക്കപ്പും ചെയ്യേണ്ടത് എന്നെല്ലാം പറഞ്ഞ് കൊടുക്കാന്‍ ഒരുപാട് ആളുണ്ട് എന്നും അവർ പറയുന്നു. അത്തരം സഹായങ്ങൾ ഇല്ലാതിരുന്നതു കൊണ്ട് തന്നെ തനിക്കും കത്രീനയ്ക്കുമൊക്കെ ഒരുപാട് തെറ്റുകള്‍ പറ്റിയിട്ടുണ്ടെന്നും ആ തെറ്റുകളിലൂടെ കുറെ കാര്യങ്ങള്‍ തങ്ങൾ പഠിച്ചെന്നും ദീപിക വെളിപ്പെടുത്തി.

Did you find apk for android? You can find new Free Android Games and apps.
Share.

About Author