Tuesday, January 25

ബോക്സ് ഓഫീസിൽ ചങ്ക്‌സിന്റെ പടയോട്ടം; ഒമർ ലുലുവിന്റെ ചങ്ക്‌സ് യുവഹൃദയങ്ങൾ ഏറ്റെടുക്കുന്നു.!

Google+ Pinterest LinkedIn Tumblr +
Want create site? Find Free WordPress Themes and plugins.

ഈ വെള്ളിയാഴ്ച കേരളത്തിൽ പ്രദർശനം ആരംഭിച്ച ചിത്രമാണ് ഹാപ്പി വെഡിങ് എന്ന സൂപ്പർ ഹിറ്റ് ചിത്രത്തിലൂടെ കഴിഞ്ഞ വർഷം മലയാള സിനിമയിൽ അരങ്ങേറ്റം കുറിച്ച ഒമർ ലുലു സംവിധാനം ചെയ്ത ചങ്ക്‌സ്. ബാലു വർഗീസ് , വിശാഖ് നായർ , ധർമജൻ ബോൾഗാട്ടി , ഗണപതി, ഹണി റോസ്,മറീന മൈക്കൽ , സിദ്ദിഖ്, ലാൽ , ഷമ്മി തിലകൻ, ഹാരിഷ് കണാരൻ എന്നിവർ പ്രധാന വേഷങ്ങളിൽ പ്രത്യക്ഷപ്പെട്ട ഈ ചിത്രം ഒരു പറ്റം എഞ്ചിനീറിംഗ് വിദ്യാർത്ഥികളുടെ രസകരമായ കഥയാണ് പറയുന്നത്. കോളേജ് ലൈഫും പ്രണയവും തമാശകളുമായി ഒരടിപൊളി എന്റെർറ്റൈനെർ തന്നെയാണ് ഒമർ ലുലു ഇത്തവണ ഒരുക്കിയിരിക്കുന്നത്. യുവാക്കളെയും കോളേജ് വിദ്യാർത്ഥികളെയും ലക്‌ഷ്യം വെച്ച ഒരുക്കിയ ഈ ചിത്രം അവരെ പൂർണ്ണമായും രസിപ്പിക്കുന്നതിൽ വിജയം നേടിയിട്ടുണ്ട് എന്നാണ് ബോക്സ് ഓഫീസ് കണക്കുകൾ സൂചിപ്പിക്കുന്നത്.

സംവിധായകൻ ഒമർ ലുലു തന്നെ വെളിപ്പെടുത്തിയ കണക്കുകൾ പ്രകാരം ഈ ചിത്രം ആദ്യത്തെ രണ്ടു ദിവസം കൊണ്ട് തന്നെ ഏകദേശം മൂന്നു കോടിയോളം രൂപ കേരളത്തിൽ നിന്ന് മാത്രം നേടി കഴിഞ്ഞിട്ടുണ്ട്. ആദ്യ ദിനം ഒന്നര കോടിക്കടുത്തു കളക്ഷൻ നേടിയ ഈ ചിത്രം രണ്ടാം ദിനം ഒരു കോടി അറുപത്തി നാലു ലക്ഷം ആണ് നേടിയത്.

വലിയ താര ബാഹുല്യമില്ലാത്ത ഒരു കൊച്ചു ചിത്രത്തിന് ലഭിക്കാവുന്ന ഏറ്റവും ഉയര്ന്ന ഓപ്പണിങ് ആണ് ചങ്ക്‌സ് നേടിയിരിക്കുന്നത് എന്ന് സംശയമില്ലാതെ തന്നെ പറയാൻ സാധിക്കും. ഈ വര്ഷം വന്ന മലയാള സിനിമകൾ നേടിയ മികച്ച ആദ്യ ദിന കളക്ഷൻ നോക്കിയാലും ആ ലിസ്റ്റിൽ ചങ്ക്‌സിനു സ്ഥാനമുണ്ടാകും.

വൈശാഖ സിനിമയുടെ ബാനറിൽ വൈശാഖ് രാജനാണ് ഈ ചിത്രം നിർമ്മിച്ചിരിക്കുന്നത്. ഒരുപാട് തമാശകളും അടിപൊളി ഗാനങ്ങളും, കളർ ഫുൾ ആയ ദൃശ്യങ്ങളും അതിനൊപ്പം ആവേശം നിറക്കുന്ന ട്വിസ്റ്റുകളും നിറഞ്ഞ ഈ ചിത്രം കേരളത്തിലെ യുവ ഹൃദയങ്ങൾ പൂർണ്ണ മനസ്സോടെ സ്വീകരിച്ചു കഴിഞ്ഞു. അവർ ഈ ചിത്രം കൂട്ടുകാരോടൊപ്പം പോയി അടിച്ചു പൊളിച്ചു ആഘോഷമായാണ് കാണുന്നത്. ജോസഫ് വിജീഷ്, അനീഷ് ഹമീദ്, സനൂപ് തൈക്കുടം എന്നീ മൂന്നു പേർ ചേർന്നാണ് ഈ ചിത്രത്തിന് തിരക്കഥ ഒരുക്കിയിരിക്കുന്നത്.

Did you find apk for android? You can find new Free Android Games and apps.
Share.

About Author