Wednesday, January 19

ബിജു മേനോൻ വീണ്ടും പാടുന്നു; ആനക്കള്ളനിൽ ബിജു മേനോന്റെ പാട്ടും..!

Google+ Pinterest LinkedIn Tumblr +
Want create site? Find Free WordPress Themes and plugins.

ജനപ്രിയ താരം ബിജു മേനോൻ നായകനായി എത്തുന്ന പുതിയ ചിത്രമാണ് ആനക്കള്ളൻ. ഈ മാസം മൂന്നാം വാരം പൂജ റിലീസ് ആയി ആണ് ഈ ചിത്രം തീയേറ്ററുകളിൽ എത്തുക. ഇവൻ മര്യാദ രാമൻ എന്ന ദിലീപ് ചിത്രം ഒരുക്കി അരങ്ങേറിയ സുരേഷ് ദിവാകർ സംവിധാനം ചെയ്ത ഈ ചിത്രം രചിച്ചിരിക്കുന്നത് ഉദയ കൃഷ്ണയാണ്. ഈ ചിത്രത്തിന്റെ ട്രൈലെർ കുറച്ചു ദിവസങ്ങൾക്കു മുന്നേ റിലീസ് ചെയ്യുകയും മികച്ച പ്രേക്ഷക പ്രതികരണം നേടിയെടുക്കുകയും ചെയ്തിരുന്നു. ഒരുപാട് ചിരിപ്പിക്കുന്ന ഒരു കമ്പ്ലീറ്റ് ഫാമിലി എന്റെർറ്റൈനെർ ആണ് ഈ ചിത്രം എന്നാണ് ട്രൈലെർ സൂചിപ്പിക്കുന്നത്. ഇപ്പോൾ വരുന്ന റിപ്പോർട്ടുകൾ പറയുന്നത് ആനകള്ളനിൽ ബിജു മേനോൻ ഒരു ഗാനവും ആലപിക്കുന്നുണ്ട് എന്നാണ്. ഇത് ആദ്യമായല്ല ബിജു മേനോൻ സിനിമയിൽ പാട്ടു പാടുന്നത്. ചേട്ടായീസ് എന്ന സിനിമയ്ക്കു വേണ്ടി ബിജു മേനോൻ ആലപിച്ച ഗാനം സൂപ്പർ ഹിറ്റ് ആയിരുന്നു.

നാദിർഷായാണ് ഈ ചിത്രത്തിന് സംഗീതം ഒരുക്കിയിരിക്കുന്നത്. പ്രിയങ്ക, ബിന്ദു പണിക്കര്‍, സിദ്ധിഖ്, ഹരീഷ് കണാരന്‍, ധര്‍മജന്‍, ജനാർദനൻ, സുധീര്‍ കരമന, കൈലാഷ്, ബാല, സായികുമാര്‍, സുരേഷ് കൃഷ്ണ, ഇന്ദ്രന്‍സ് തുടങ്ങി ഒരു വലിയ താര നിര തന്നെ ഈ ചിത്രത്തിൽ അണിനിരക്കുന്നുണ്ട്. ആൽബി ദൃശ്യങ്ങൾ ഒരുക്കിയ ആനകള്ളനിലെ നായികമാരായി എത്തുന്നത് അനുശ്രീയും ഷംന കാസിമും ആണ്. ജോൺകുട്ടി ആണ് ഈ ചിത്രം എഡിറ്റ് ചെയ്തിരിക്കുന്നത്. പഞ്ചവർണ്ണ തത്തയുടെ വിജയത്തിന് ശേഷം സപ്ത തരംഗ് സിനിമ നിർമ്മിച്ച ഈ ചിത്രത്തിൽ ഒരു കള്ളൻ ആയാണ് ബിജു മേനോൻ അഭിനയിക്കുന്നത് എന്നാണ് ട്രൈലെർ നമ്മളോട് പറയുന്നത്.

Did you find apk for android? You can find new Free Android Games and apps.
Share.

About Author