ഭീഷ്മ പർവത്തിനു ഒരു രണ്ടാം ഭാഗം?; സാധ്യതകൾ വെളിപ്പെടുത്തി രചയിതാവ്…!

Advertisement

മെഗാ സ്റ്റാർ മമ്മൂട്ടിയെ നായകനാക്കി അമൽ നീരദ് സംവിധാനം ചെയ്ത ഭീഷ്മ പർവ്വം വലിയ വിജയമാണ് നേടിയത്. അമൽ നീരദ് തന്നെ നിർമ്മിച്ച ഈ ചിത്രം രചിച്ചത് അദ്ദേഹവും നവാഗതനായ ദേവദത് ഷാജിയും ചേർന്നാണ്. ഇപ്പോഴിതാ ഈ ചിത്രത്തിന് ഒരു രണ്ടാം ഭാഗം ഉണ്ടാകുമോ എന്നറിയാനുള്ള ആകാംക്ഷയിലാണ് പ്രേക്ഷകർ. ആ ചോദ്യത്തിന് മറുപടി പറയുകയാണ് ഇതിന്റെ രചയിതാക്കളിൽ ഒരാളായ ദേവദത് ഷാജി. ക്ലബ്ബ് എഫ്.എമ്മിന് നല്‍കിയ അഭിമുഖത്തിലായിരുന്നു ദേവദത് ഈ ചോദ്യത്തിന് മറുപടി നൽകിയത്. ഭീഷ്മ പര്‍വ്വത്തിന് രണ്ടാം ഭാഗമുണ്ടാകാനും ഇല്ലാതിരിക്കാനുമുള്ള സാധ്യതയുണ്ടെന്ന് ആണ് ദേവദത് ഷാജി പറയുന്നത്. ഡീറ്റേയ്ല്‍ഡായിട്ടുള്ള ബാക്ക് സ്റ്റോറി ക്രിയേറ്റ് ചെയ്തതിന് ശേഷമാണ് അമല്‍ നീരദ് ഭീഷ്മ പര്‍വ്വം സ്‌ക്രിപ്റ്റിലെത്തിയതെന്നും അത്കൊണ്ട് തന്നെ ഭീഷ്മ പര്‍വ്വം സിനിമയ്ക്ക് രണ്ടാം ഭാഗം ഉണ്ടാകുമോ എന്നത് അമല്‍ സാറിനോട് ചോദിക്കണം എന്നും ദേവദത് വെളിപ്പെടുത്തി.

Advertisement

ഒരു രണ്ടാം ഭാഗം ഉണ്ടാക്കാൻ ഉള്ള സ്കോപ് ഉണ്ടെങ്കിലും അങ്ങനെ ഒരു ചിന്ത ഇതുവരെ തനിക്കോ അദ്ദേഹത്തിനോ ഉണ്ടായിട്ടില്ല എന്നും, രണ്ടാം ഭാഗം ഉണ്ടാവണം എങ്കിൽ അമൽ നീരദ് അത് ചിന്തിക്കേണ്ടി വരും എന്നുമാണ് ദേവദത് സൂചിപ്പിക്കുന്നത്. നിലവിൽ ഒരു രണ്ടാം ഭാഗം പ്ലാൻ ഇല്ലെന്നും ദേവദത് സൂചിപ്പിച്ചു. മമ്മൂട്ടിക്കൊപ്പം ഷൈന്‍ ടോം ചാക്കോ, ഫര്‍ഹാന്‍ ഫാസില്‍, ശ്രീനാഥ് ഭാസി, സൗബിന്‍ ഷാഹിര്‍, ദിലീഷ് പോത്തന്‍, അബു സലിം, സുദേവ് നായര്‍, ഷെബിന്‍ ബെന്‍സണ്‍, ലെന, ശ്രിന്ദ, ജിനു ജോസഫ്, അനഘ, വീണ നന്ദകുമാര്‍, മാലാ പാര്‍വതി തുടങ്ങി വലിയ താരനിരയാണ് ഈ ചിത്രത്തിൽ അണിനിരന്നത്.

Advertisement

Copyright © 2017 onlookersmedia.

Press ESC to close