Tuesday, May 24

ജോജു ജോർജിന്റെ അവിയൽ ഇന്ന് എത്തുന്നു; തീയേറ്റർ ലിസ്റ്റ് ഇതാ..!

Google+ Pinterest LinkedIn Tumblr +
Want create site? Find Free WordPress Themes and plugins.

പ്രശസ്ത മലയാള നടൻ ജോജു ജോർജ്, സിറാജുദീൻ നസീർ എന്നിവർ പ്രധാന വേഷം ചെയ്യുന്ന ഏറ്റവും പുതിയ ചിത്രമാണ് അവിയൽ. ഇന്ന് കേരളത്തിൽ റിലീസ് ചെയ്യാൻ പോകുന്ന ഈ ചിത്രത്തിന്റെ തീയേറ്റർ ലിസ്റ്റും ഇപ്പോൾ പുറത്തു വന്നു കഴിഞ്ഞു. നടി അനശ്വര രാജനും പ്രധാന വേഷം ചെയ്യുന്ന ഈ ചിത്രം പോക്കറ്റ് സ്ക്വയർ പ്രൊഡക്‌ഷൻസിന്‍റെ ബാനറിൽ സുജിത്ത് സുരേന്ദ്രൻ ആണ് നിർമ്മിച്ചിരിക്കുന്നത്. ഷാനിൽ മുഹമ്മദ് തിരക്കഥയെഴുതി സംവിധാനം ചെയ്ത ഈ ചിത്രത്തിന്റെ രണ്ടു ട്രൈലെറുകൾ, ഒരു ടീസർ, ഒരു ഗാനം എന്നിവ സൂപ്പർ ഹിറ്റായി മാറിയിരുന്നു. കേതകി നാരായണൻ, സിനിൽ സൈനുദ്ദീൻ, അഞ്ജലി നായര്‍, ആത്മീയ, പ്രശാന്ത്, ഷഫീർ ഖാൻ, സ്വാതിക വിനോദ് തുടങ്ങി നിരവധി താരങ്ങള്‍ ഈ ചിത്രത്തിന്റെ താരനിരയിൽ ഉണ്ട്. ശങ്കർ ശർമ്മ, ശരത് എന്നിവർ ചേർന്ന് ഗാനങ്ങൾ ഒരുക്കിയ ഈ ചിത്രത്തിന്റെ പശ്‌ചാത്തല സംഗീതം ഒരുക്കിയതും ശങ്കർ ശർമ ആണ്.

പ്രശസ്ത ഛായാഗ്രാഹകരായ സുദീപ് എളമൺ, ജിംഷി ഖാലിദ്, രവി ചന്ദ്രൻ, ജിക്കു ജേക്കബ് പീറ്റർ എന്നിവർ ചേർന്ന് കാമറ ചലിപ്പിച്ച ഈ ചിത്രം എഡിറ്റ് ചെയ്തിരിക്കുന്നത് റഹ്മാൻ മുഹമ്മദ് അലി, ലിജോ പോൾ എന്നിവർ ചേർന്നാണ്. പ്രണയത്തിനും സംഗീതത്തിനും പ്രാധാന്യം നൽകി ഒരുക്കിയിരിക്കുന്ന ഈ ചിത്രം ഇതിനോടകം മികച്ച പ്രേക്ഷക പ്രതീക്ഷയാണ് സൃഷ്ടിച്ചിരിക്കുന്നത്. അവരുടെ രാവുകൾ, ഫിലിപ്സ് ആൻഡ് മങ്കി പെൻ എന്നീ ചിത്രങ്ങൾ ഒരുക്കി നമ്മുടെ മുന്നിലെത്തിച്ചിട്ടുള്ള സംവിധായകൻ ആണ് ഷാനിൽ മുഹമ്മദ്. ആ ചിത്രങ്ങളുടെ രചന നിർവഹിച്ചതും അദ്ദേഹമാണ്. തരംഗം എന്ന ടോവിനോ തോമസ് ചിത്രത്തിൽ നടൻ ആയും അദ്ദേഹം എത്തിയിട്ടുണ്ട്.

Did you find apk for android? You can find new Free Android Games and apps.
Share.

About Author