ആ റെക്കോർഡും ഇനി ദളപതിയുടെ കാൽച്ചുവട്ടിൽ..!

Google+ Pinterest LinkedIn Tumblr +
Want create site? Find Free WordPress Themes and plugins.

ദളപതി വിജയ് നായകനായി എത്തുന്ന ഏറ്റവും പുതിയ ചിത്രമാണ് ബീസ്റ്റ്. നെൽസൺ ദിലീപ്കുമാർ സംവിധാനം ചെയ്ത ഈ ചിത്രത്തിന് വേണ്ടി സംഗീതമൊരുക്കിയത് അനിരുദ്ധ് രവിചന്ദർ ആണ്. ഈ ചിത്രത്തിലെ അറബിക് കുത്ത് എന്ന ഗാനം ഫെബ്രുവരി പതിനാലിന് ആണ് റിലീസ് ചെയ്തത്. ഈ ഗാനത്തിന് വരികൾ രചിച്ചത് തമിഴ് യുവ സൂപ്പർ താരം ശിവകാർത്തികേയനും ഈ ഗാനം ആലപിച്ചത് അനിരുദ്ധ് രവിചന്ദർ, ജോണിത ഗാന്ധി എന്നിവർ ചേർന്നുമാണ്. റിലീസ് ആയ നിമിഷം മുതൽ ബ്ലോക്ക്ബസ്റ്റർ ഹിറ്റായി മാറിയ ഈ ഗാനം അറബിക് സ്റ്റൈൽ മ്യൂസിക്, വരികൾ എന്നിവക്കൊപ്പം തമിഴ് ബീറ്റുകൾ മിക്സ് ചെയ്തു ഒരുക്കിയ ഒന്നാണ്. ഇപ്പോഴിതാ നൂറു മില്യൺ വ്യൂസ് ആണ് ഈ ഗാനം യൂട്യൂബിൽ നേടിയിരിക്കുന്നത്‌. ഏറ്റവും വേഗത്തിൽ നൂറു മില്യൺ കാഴ്ചക്കാരെ യൂട്യൂബിൽ നിന്ന് ലഭിക്കുന്ന സൗത്ത് ഇന്ത്യൻ ഗാനം എന്ന റെക്കോർഡും ഇപ്പോൾ ഈ ഗാനത്തിന് ആണ്.

വെറും പതിമൂന്നു ദിവസം കൊണ്ടാണ് ഈ ഗാനം നൂറു മില്യൺ കാഴ്ചക്കാരെ നേടിയെടുത്തത്. പതിനെട്ടു ദിവസം കൊണ്ട് ഈ നേട്ടം സ്വന്തവുമാക്കിയ റൗഡി ബേബി എന്ന ഗാനത്തിന്റെ റെക്കോർഡ് ആണ് അറബിക് കുത്ത് തകർത്തത്. വിജയ്, പൂജ ഹെഗ്‌ഡെ എന്നിവരുടെ കിടിലൻ നൃത്ത ചുവടുകളും ഈ ഗാനത്തിന്റെ ലിറിക് വീഡിയോയുടെ ഹൈലൈറ്റ് ആണ്. സൺ പിക്ചേഴ്സ് നിർമ്മിക്കുന്ന ഈ ബിഗ് ബഡ്ജറ്റ് ചിത്രം വരുന്ന ഏപ്രിൽ മാസം പതിനാലിന് ആണ് എത്തുന്നത് എന്ന് അനൗദ്യോഗിക വിവരങ്ങൾ നമ്മളോട് പറയുന്നു. യോഗി ബാബു, ഷൈൻ ടോം ചാക്കോ, വിടിവി ഗണേഷ്, അപർണ്ണ ദാസ്, പുകഴ് എന്നിവരും അഭിനയിച്ച ബീസ്റ്റ്, കോലമാവ്‌ കോകില, ഡോക്ടർ എന്നിവക്ക് ശേഷം നെൽസൺ ദിലീപ്കുമാർ ഒരുക്കിയ ചിത്രമാണ്.

Did you find apk for android? You can find new Free Android Games and apps.
Share.

About Author