Sunday, January 23

സ്റ്റൈലിഷ് ലുക്കിൽ ആരാധകരെ അമ്പരപ്പിച്ച് അനുഷ്‌ക

Google+ Pinterest LinkedIn Tumblr +
Want create site? Find Free WordPress Themes and plugins.

കഥാപാത്രത്തിന് വേണ്ടി എത്ര ത്യാഗം സഹിക്കാനും തെന്നിന്ത്യയിലെ മികച്ച നടിമാരിൽ ഒരാളായ അനുഷ്‌ക ഷെട്ടിക്ക് മടിയില്ല. ഇപ്പോൾ ആരാധകരെ അമ്പരിപ്പിച്ച് പുതിയ ലുക്കിലുള്ള അനുഷ്‌കയുടെ പുതിയ ചിത്രം സോഷ്യൽ മീഡിയയിൽ ചർച്ചയാകുകയാണ്. പുതിയ ലുക്കിലുള്ള ചിത്രം താരം തന്നെയാണ് ഫേസ്ബുക്കിൽ പങ്കുവെച്ചിരിക്കുന്നത്. കറുത്ത വസ്ത്രമണിഞ്ഞ് മുടി ബോബ് ചെയ്ത് തറയിൽ അനുഷ്ക ഇരിക്കുന്നതാണ് ചിത്രം. ”മാജിക്കിലൂടെ സ്വപ്നം യാഥാർഥ്യമാകില്ല. അതിന് നിശ്ചയദാർഢ്യവും കഠിനാധ്വാനവും വേണ”മെന്നും അനുഷ്ക ഫേസ്ബുക്കിൽ കുറിച്ചിട്ടുണ്ട്.


അനുഷ്‌കയുടെ വ്യത്യസ്തമായ ഈ ലുക്ക് ഇതിനോടകം സോഷ്യല്‍ മീഡിയയില്‍ തംരഗമായി കഴിഞ്ഞു. താരത്തിന്റെ വാക്കുകൾ ഏറെ പ്രചോദനമാണെന്നും കഠിനാധ്വാനത്തെ പ്രശംസിക്കുന്നുവെന്നുമാണ് ആരാധകർ പറയുന്നത്. രാം ഗോപാൽ വർമ സംവിധാനം ചെയ്യുന്ന പുതിയ സിനിമയ്ക്ക് വേണ്ടിയാണ് ഈ മേക്കോവറെന്നാണ് സൂചന.

നാഗാര്‍ജുനയാണ് ഈ സിനിമയിൽ നായകനായി എത്തുന്നത്. മുൻപ് ‘ബാഗ്മതി’ എന്ന ചിത്രത്തിലെ അനുഷ്‌കയുടെ ലുക്കും പോസ്റ്ററുകളും സോഷ്യല്‍ മീഡിയയില്‍ ശ്രദ്ധ പിടിച്ചുപറ്റിയിരുന്നു. അതിന് പിന്നാലെയാണ് പുതിയ ലുക്ക് പുറത്ത്വി ട്ടിരിക്കുന്നത്.

കഥാപാത്രത്തിന് വേണ്ടി എന്ത് ത്യാഗവും സഹിക്കാന്‍ തയ്യാറുള്ള അനുഷ്‌കയുടെ അര്‍പ്പണ ബോധം വീണ്ടും ആരാധകർക്കിടയിൽ ചർച്ചയാകുകയാണ്.

Did you find apk for android? You can find new Free Android Games and apps.
Share.

About Author