തെലുങ്കിലെ സ്റ്റൈലിഷ് സൂപ്പർ താരം അല്ലു അർജുന്റെ മകൾ അല്ലു അർഹ സിനിമയിൽ അരങ്ങേറ്റം കുറിക്കുകയാണ്. അല്ലു അർഹ ആദ്യമായി അഭിനയിച്ച ശാകുന്തളം എന്ന ചിത്രത്തിന്റെ ഫസ്റ്റ് ലുക്ക് പോസ്റ്റർ ഇന്ന് റിലീസ് ചെയ്തു കഴിഞ്ഞു. തെന്നിന്ത്യൻ സൂപ്പർ നായികയായ സാമന്ത രൂത് പ്രഭു ആണ് ഈ ചിത്രത്തിൽ ശകുന്തള ആയി അഭിനയിച്ചിരിക്കുന്നത്. ശകുന്തളയുടെ ലുക്കിൽ സാമന്ത പ്രത്യക്ഷപ്പെട്ടിരിക്കുന്ന ഈ ചിത്രത്തിൻറെ ഫസ്റ്റ് ലുക്ക് പോസ്റ്റർ ഇപ്പോൾ സോഷ്യൽ മീഡിയയിൽ തരംഗമാണ്. കാളിദാസ കൃതിയെ ആസ്‍പദമാക്കി ഒരുക്കുന്ന ചിത്രത്തിൽ ഭരത രാജകുമാരിയെയാണ് അല്ലു അർഹ അവതരിപ്പിച്ചിരിക്കുന്നത് എന്നാണ് സൂചന. മലയാളത്തിൽ എത്തിയ സൂഫിയും സുജാതയും സിനിമയിലൂടെ വെള്ളിത്തിരയിലെത്തിയ ദേവ് മോഹനാണ് ഈ ചിത്രത്തിൽ ദുഷ്യന്തനായി എത്തുന്നത്.
മോഹന്‍ ബാബു, പ്രകാശ് രാജ്, ഗൗതമി, അഥിതി ബാലന്‍, അനന്യ നാഗെല്ല, മധുബാല, കബീര്‍ ബേഡി എന്നിവരും അഭിനയിക്കുന്ന ഈ ചിത്രം ഗുണശേഖര ആണ് ഒരുക്കുന്നത്. രുദ്രമാദേവിക്ക് ശേഷം ഗുണശേഖര സംവിധാനം ചെയ്യുന്ന ചിത്രമാണ് ഇത്. ഗുണ ടീം വര്‍ക്ക്‌സ് ആന്റ് ദില്‍ രാജു പ്രൊഡക്ഷന്‍സിന്റെ ബാനറിൽ നീലിമ ഗുണയും ദില്‍ രാജുവും ചേർന്നാണ് ഈ ചിത്രം നിർമ്മിക്കുന്നത്. നാലാം വയസ്സിലാണ് അല്ലു അർഹ സിനിമയിൽ അരങ്ങേറ്റം കുറിക്കുന്നത് എന്നതും ശ്രദ്ധേയമാണ്. അല്ലു കുടുംബത്തിൽ നിന്ന് സിനിമയിൽ എത്തുന്ന നാലാം തലമുറയുടെ ഭാഗമാണ് ഇപ്പോൾ അല്ലു അർഹ. പുഷ്പ ആദ്യ ഭാഗത്തിന്റെ മഹാവിജയത്തിനു ശേഷം, അതിന്റെ രണ്ടാം ഭാഗത്തിലാണ് അല്ലു അർജുൻ ഇനി അഭിനയിക്കാൻ പോകുന്നത്. സുകുമാർ ആണ് ഈ സീരിസ് സംവിധാനം ചെയ്യുന്നത്.
#SamanthaRuthPrabhu-starrer #Shakuntalam first look out! The film based on Indian Play #Shakuntala by #Kalidasa will also show #AlluArjun's daughter #AlluArha in the role of Prince Bharata. The film is currently in its post-production stage. #ShakuntalamFirstLook pic.twitter.com/0MPpfws7nJ
— Jyothi Jha (@jyothi_jha) February 21, 2022
