Wednesday, May 25

ബാഹുബലി 2 ന്റെ ആ റെക്കോർഡ് തകർത്തു അല്ലു അർജുൻ

Google+ Pinterest LinkedIn Tumblr +
Want create site? Find Free WordPress Themes and plugins.

തെലുങ്കിലെ സ്റ്റൈലിഷ് സ്റ്റാർ അല്ലു അർജുൻ നായകനായി എത്തിയ പുതിയ ചിത്രമാണ് അങ്ങ് വൈകുണ്ഠപുരത്ത്. പ്രശസ്ത സംവിധായകൻ ത്രിവിക്രം ശ്രീനിവാസ് രചിച്ചു സംവിധാനം ചെയ്ത ഈ ചിത്രം ഇപ്പോൾ മികച്ച പ്രേക്ഷക പ്രതികരണം നേടിയെടുത്തു വലിയ വിജയത്തിലേക്കാണ് കുതിക്കുന്നത്‌. ആന്ധ്രയിൽ മാത്രമല്ല, വിദേശ മാർക്കറ്റിലും വമ്പൻ കളക്ഷൻ ആണ് ഈ ചിത്രം നേടിയെടുക്കുന്നത്. ഇപ്പോൾ വരുന്ന റിപ്പോർട്ടുകൾ സൂചിപ്പിക്കുന്നത് ന്യൂസിലാൻഡിൽ ഈ അല്ലു അർജുൻ ചിത്രം തകർത്തത് എസ് എസ് രാജമൗലി ഒരുക്കിയ ബ്രഹ്മാണ്ഡ ചിത്രമായ ബാഹുബലി 2 ന്റെ കളക്ഷൻ റെക്കോർഡ് ആണെന്നാണ്. ന്യൂസിലൻഡിലെ വെറും മൂന്നു ലൊക്കേഷനുകളിൽ നിന്ന് 34,625 ഡോളർ ആണ് ഈ ചിത്രം പ്രീമിയർ കളക്ഷൻ ആയി നേടിയത്. അഞ്ചു ഷോകളിൽ നിന്നാണ് ഈ ചിത്രം ആ കളക്ഷൻ നേടിയത്.

എന്നാൽ 21,290 ഡോളേഴ്‌സ് മാത്രം ആയിരുന്നു ബാഹുബലി 2 നു ന്യൂസിലണ്ടിൽ നിന്ന് ലഭിച്ച പ്രീമിയർ കളക്ഷൻ. ഓസ്‌ട്രേലിയായിൽ നടന്ന പ്രീമിയറിൽ നിന്ന് നോൺ- ബാഹുബലി റെക്കോർഡ് സൃഷ്ടിക്കാനും ഈ അല്ലു അർജുൻ ചിത്രത്തിന് സാധിച്ചു. 557,825 ഡോളേഴ്‌സ് ആണ് അമേരിക്കയിൽ നടന്ന പ്രീമിയറിൽ നിന്ന് ഈ ചിത്രം നേടിയത്. 151 ലൊക്കേഷനിൽ ആണ് അമേരിക്കയിൽ ഈ ചിത്രം എത്തിയത്. 185 ലൊക്കേഷനുകളിൽ ആയാണ് വിദേശത്തു ഈ ചിത്രത്തിന്റെ പ്രീമിയറുകൾ നടന്നത്. സിംഗപ്പൂരിലെ അല്ലു അർജുന്റെ ഏറ്റവും വലിയ ഓപ്പണിങ് കളക്ഷൻ നേടുന്ന ചിത്രമായും ഇത് മാറി. അല്ലു അരവിന്ദ്, എസ് രാധാകൃഷ്ണ എന്നിവർ ചേർന്ന് ഗീത ആർട്സ്, ഹാരിക ആൻഡ് ഹസീൻ ക്രിയേഷൻസ് എന്നിവയുടെ ബാനറിൽ നിർമ്മിച്ചിരിക്കുന്ന ഈ ചിത്രത്തിൽ പൂജ ഹെഗ്‌ഡെ ആണ് നായികാ വേഷം ചെയ്തിരിക്കുന്നത്. ജയറാം, ഗോവിന്ദ് പദ്മസൂര്യ, സമുദ്രക്കനി, തബു, സച്ചിൻ കെദേഖർ, നവദീപ്, സുശാന്ത്, രോഹിണി, സുനിൽ, ഹർഷവർധൻ, രാജേന്ദ്ര പ്രസാദ് എന്നിവരും ഈ ചിത്രത്തിന്റെ താരനിരയിൽ ഉണ്ട്.

Did you find apk for android? You can find new Free Android Games and apps.
Share.

About Author