Tuesday, May 17

ഐമ സെബാസ്റ്റ്യൻ വിവാഹിതയാകുന്നു…!

Google+ Pinterest LinkedIn Tumblr +
Want create site? Find Free WordPress Themes and plugins.

പ്രശസ്ത മലയാള സിനിമ താരമായ ഐമ സെബാസ്റ്റ്യൻ വിവാഹിതയാവുകയാണ്. കാടു പൂക്കുന്ന നേരം, മുന്തിരി വള്ളികൾ തളിർക്കുമ്പോൾ എന്നീ ചിത്രങ്ങൾ സ്വതന്ത്രമായി നിർമ്മിക്കുകയും ബാംഗ്ലൂർ ഡെയ്സ് എന്ന ചിത്രത്തിൽ അൻവർ റഷീദിന്റെ നിർമ്മാണ പങ്കാളിയാവുകയും ചെയ്ത വീക്കെൻഡ് ബ്ലോക്ബ്സ്റേഴ്സ് എന്ന സിനിമാ നിർമ്മാണ- വിതരണ കമ്പനി ഉടമസ്ഥയായ സോഫിയ പോളിന്റെ മകൻ കെവിൻ പോളാണ് ഐമയുടെ വരനായി എത്തുന്നത്. നിവിൻ പോളി നായകനായി അഭിനയിച്ച ജേക്കബിന്റെ സ്വർഗ്ഗ രാജ്യം എന്ന ചിത്രത്തിലൂടെയാണ് ഐമ മലയാള സിനിമയിൽ അരങ്ങേറ്റം കുറിക്കുന്നത്. വിനീത് ശ്രീനിവാസൻ തിരക്കഥയെഴുതി സംവിധാനം നിർവഹിച്ച ഈ ചിത്രത്തിൽ നിവിൻ പോളിയുടെ സഹോദരീ വേഷമാണ് ഐമ അവതരിപ്പിച്ചത്. ഈ ചിത്രത്തിലെ ഐമയുടെ പ്രകടനം ശ്രദ്ധ നേടിയിരുന്നു.

ഐമ ആദ്യമായി അഭിനയിച്ച ചിത്രം പക്ഷെ 2016 ഇൽ പുറത്തിറങ്ങിയ ജേക്കബിന്റെ സ്വർഗ്ഗ രാജ്യം ആയിരുന്നില്ല..2013 ഇൽ നിർമ്മിക്കപ്പെട്ട ദൂരം എന്ന മലയാള ചിത്രത്തിലാണ് ഐമ ആദ്യമായി ക്യാമറയെ അഭിമുഖീകരിക്കുന്നത്. പക്ഷെ ആ ചിത്രം ജേക്കബിന്റെ സ്വർഗ രാജ്യം തീയേറ്ററിലെത്തിയതിനു ശേഷമാണു പ്രദർശനത്തിനെത്തിയത്. മനു കണ്ണന്താനം സംവിധാനം ചെയ്ത ദൂരം എന്ന ചിത്രത്തിൽ ഐമയുടെ ഇരട്ട സഹോദരി ഐനയും അഭിനയിച്ചിട്ടുണ്ട്.

ഐമ അഭിനയിച്ച മൂന്നാമത്തെ ചിത്രമാണ് ഈ വർഷം റിലീസ് ചെയ്ത മുന്തിരി വള്ളികൾ തളിർക്കുമ്പോൾ. ജിബു ജേക്കബിന്റെ സംവിധാനത്തിൽ കമ്പ്ലീറ്റ് ആക്ടർ മോഹൻലാൽ നായകനായി എത്തിയ ഈ ചിത്രത്തിൽ മോഹൻലാൽ അവതരിപ്പിച്ച ഉലഹന്നാൻ എന്ന കഥാപാത്രത്തിന്റെ മകളെയാണ് ഐമ അവതരിപ്പിച്ചത്. ഈ വർഷത്തെ മലയാള സിനിമയിലെ ഇത് വരെയുള്ള ഏറ്റവും വലിയ വിജയമാണ് 50 കോടിയിലധികം കളക്ഷൻ നേടിയ ഈ ചിത്രം കൈവരിച്ചത്.

Did you find apk for android? You can find new Free Android Games and apps.
Share.

About Author