Tuesday, October 4

വിഷ്ണു ഉണ്ണികൃഷ്ണൻ വിവാഹിതനാകുന്നു; നിശ്ചയം ഇന്ന് നടന്നു

Google+ Pinterest LinkedIn Tumblr +
Want create site? Find Free WordPress Themes and plugins.

മലയാളത്തിലെ പ്രശസ്ത നടനും തിരക്കഥ രചയിതാവും ആണ് വിഷ്ണു ഉണ്ണികൃഷ്ണൻ. ബിബിൻ ജോർജിനൊപ്പം ചേർന്ന് അമർ അക്ബർ അന്തോണി, കട്ടപ്പനയിലെ ഹൃതിക് റോഷൻ, ഒരു യമണ്ടൻ പ്രേമ കഥ എന്നീ ചിത്രങ്ങൾ രചിച്ച വിഷ്ണു ഉണ്ണികൃഷ്ണൻ നായകനായും സൂപ്പർ ഹിറ്റ് ചിത്രങ്ങൾ നമ്മുക്ക് സമ്മാനിച്ചിട്ടുള്ള നടൻ ആണ്. ഇപ്പോൾ കംപ്ലീറ്റ് ആക്ടർ മോഹൻലാൽ നായകനായി എത്തുന്ന സിദ്ദിഖ് ചിത്രം ബിഗ് ബ്രദർ പൂർത്തിയാക്കിയ വിഷ്ണു ഉണ്ണികൃഷ്ണൻ ജീവിതത്തിലെ ഒരു പുതിയ അധ്യായത്തിലേക്കു പ്രവേശിക്കുകയാണ്. ഉടനെ വിവാഹിതനാവാൻ പോകുന്ന വിഷ്ണു ഉണ്ണികൃഷ്ണന്റെ വിവാഹ നിശ്ചയം ഇന്ന് നടന്നു. ഐശ്വര്യ എന്നാണ് വിഷ്ണു ഉണ്ണികൃഷ്ണൻ വിവാഹം കഴിക്കാൻ പോകുന്ന പെൺകുട്ടിയുടെ പേര്. വിവാഹം എന്നാണ് എന്നുള്ള വിവരം ഇതുവരെ പുറത്തു വിട്ടിട്ടില്ല. അധികം വൈകാതെ തന്നെ ആ വിവരം വിഷ്ണു തന്നെ ഏവരെയും അറിയിക്കും എന്നാണ് ആരാധകർ പ്രതീക്ഷിക്കുന്നത്.

2003 മുതൽ ബാല താരം ആയി വിഷ്ണു ഉണ്ണികൃഷ്ണൻ മലയാള സിനിമയുടെ ഭാഗം ആണ്. നാല് വര്ഷം മുൻപാണ് പ്രശസ്ത നടനും ഗായകനും മിമിക്രി താരവുമായ നാദിർഷ ആദ്യമായി ഒരുക്കിയ അമർ അക്ബർ അന്തോണി എന്ന മൾട്ടിസ്റ്റാർ ചിത്രത്തിലൂടെ വിഷ്ണു ഉണ്ണികൃഷ്ണൻ- ബിബിൻ ജോർജ് ടീം രചയിതാക്കൾ ആയി മലയാള സിനിമയിൽ അരങ്ങേറുന്നത്. ബ്ലോക്ക്ബസ്റ്റർ ആയി മാറിയ ആ ചിത്രത്തിന് ശേഷം വിഷ്ണു തന്നെ നായകനായ നാദിർഷ ചിത്രം കട്ടപ്പനയിലെ ഹൃതിക് റോഷനും ഈ കൂട്ടുകെട്ടാണ് രചിച്ചത്. ദുൽകർ സൽമാൻ ആണ് ഇവർ എഴുതിയ മൂന്നാമത്തെ ചിത്രത്തിലെ നായകൻ ആയി എത്തിയത്.

Did you find apk for android? You can find new Free Android Games and apps.
Share.

About Author